最初因為有朋友介紹Monalisa俾我哋，又見有舊同事都幫襯佢哋影過，諗住佢哋推薦得都應該ok，加上自己都睇過佢地嘅婚紗相覺得唔錯，就好快決定咗搵呢間。我哋去到studio嗰度覺得環境好安靜，又有背景音樂襯托吓啲氣氛，感覺都好舒適！開頭揀婚紗嘅時候，佢哋就俾我地係電腦度睇有咩婚紗揀。揀婚紗嘅過程中，開頭幫我開單的maggie就提下我髮型上要注意的地方。之後到我地揀婚紗時，另一位同事Sheila佢好有經驗又好貼心，會提我要著打底褲，揀造型嘅過程中又俾左啲意見我。另外揀婚紗嘅過程中，佢知道我鍾意簡單嘅婚紗，就幫我走上走落攞唔同嘅婚紗俾我睇。我揀揀下又話想要第二啲，佢又即刻幫我搵出尼！我不斷心大心細，即場改尼改去，佢都依然好落力咁幫走尼走去攞唔同裙俾我睇，態度仲要好好！ 我地對地點無咩特別要求，最緊要交通方便同埋有廁所換衫，就打算喺迪欣湖同中環影相。佢地聽完之後就俾ipad我地睇下喺嗰兩個地方度影啲相做參考。睇完之後我哋都覺得尼兩個地方影出尼效果ok，所以就決定好去嗰兩度影相，Monalisa嗰邊就幫我地book埋車。 其實影pre-wedding都好攰，要著住條裙束住成日，又要keep住一日擺pose，同埋安排喺一日行程內影哂，對於我地唔習慣影相嘅人真係一啲都唔容易。我哋真係全靠攝影師同助理嘅專業先令我哋可以咁順利完成拍攝！攝影師阿朱好斯文同細心，語氣態度係令人覺得舒服，指導我哋嘅時候唔會覺得好似喺度呼喝緊我。攝影助理豪仔就好醒目同話頭醒尾，主動跑上跑落幫手。佢地又好識搞笑同埋幽默，令到成個氣氛都好好。攝影師都唔係啲好固執嘅人尼，成個合作氣氛都好舒服、好輕鬆，令影婚紗相呢件事都因為佢哋變輕鬆左，無我想像中咁困難。仲有化妝師carol佢做嘢好爽手、好貼心，好快手，我本身內雙眼皮，比較難化，但佢都好快攪掂，中間幫我換妝都好快手。去到中環影完嘅時候，佢都即刻過尼幫我披返件西裝褸，影左出尼都好靚！攝影師影出尼嘅環境、襯托、燈光都好好，成品同我地所預期嘅都差唔多，真係無咩諗到要改進！

係婚展行咗幾間之後再揀Mona Lisa，我幫襯咗佢哋嘅一日香港影相，首先係Studio Indoor影咗Ｄ好 Grand嘅樓梯景，然後仲有好經典嘅櫻花景；Outdoor我哋就去咗山頂同中、上環影。一開始傾?時已經好Smooth，因為佢哋夠多經驗，嗰日嘅化妝都化得好貼同換得快。影完之後到揀相，Ｄ相都係比想像中好，我哋仲有帶定ＤCasual少少嘅衫去影，想襯托我哋平日嘅樣。佢哋執嘅相都唔錯，包左50張執，其他就全部都會比soft copy，我哋仲額外加咗大相簿同埋Upgrade咗水晶相架！