我地揀呢間，係因為我覺得佢地價錢唔算好貴，而且亦無好多我要加錢既地方。我地join之後仲發現，原來我爸爸媽媽之前有喺呢間影開～～～！ 我影pre wedding個日係紅雨，攝影師一開始都有suggest話不如轉日子，但我覺得既然大家都未試過，人一世物一世，倒不如go ahead試試！雖然從啲相都睇得出好大雨，但啲相影出嚟係ok嘅，質素都幾好。而我地真係好好彩，拍攝當日最尾個一個鐘開始停雨，所以喺中環都影到好多相。 不過我六月影相，佢原本同我講十月可以拎，但到宜家都未拎到～～如果可以準時交相就更好！

我地本身住新加坡，而婚禮就喺峇里島舉行。因為太太比較鐘意香港嘅婚紗設計，所以揀咗呢間香港婚紗租借公司。剛巧農曆新年假期我地會回港，所以就經電話預約喺嗰段時間試衫。我地都明白農曆新年假期嘅時間比較難安排，但係佢地嘅安排都好flexible，職員亦好helpful。最重要我地當時咩都未confirm，訂金又未畀，佢地都肯盡量就我地，等我地試啱先畀錢真係好難得！ 試衫嘅環境好大好闊落，太太(當時係未婚妻啦)覺得呢間啲衫同禮服真係都好靚。其實新加坡都好多租衫公司，但太太覺得新加坡啲婚紗設計比較老土，唔夠fashionable，而香港啲婚紗設計同剪裁都靚好多。我地總共租咗一套婚紗，一套新娘晚裝同兩套男士禮服。佢地冇限制試幾件，太太響店睇iPad揀衫，又可以行嚟行去睇衫，睇啱就會同店員講想試，佢地態度真係好nice。 我地婚禮響峇里島舉行，所以要由香港帶啲禮服去峇里島。婚禮當日，親朋戚友，連我爸爸個個都話我地啲衫靚，而且著起上嚟覺得好舒服，啲衫燙到直哂，好專業！婚禮後返到新加坡，我地只需將禮服郵寄返去就完全冇手尾跟，完全唔使擔心還衫問題！有啲公司會有職員跟住還衫，好麻煩，但呢間公司就提供到呢個彈性！ 不過我覺得佢地Wedding planning可以再做好啲，其實一開始我地響新加坡同香港公司傾好哂，響印尼峇里島亦有開會，可能因為隔咗一重，所以有啲甩漏。我地事前曾經要求公司必須為我地準備一啲我地好鐘意嘅擺設，但婚禮當日就冇出現到。不過好在我地提醒佢地之後，都即時為我地準備返，所以我地都覺得佢地嘅服務真係唔錯！