我喺其中一個朋友嘅婚宴睇過Monalisa啲相覺得幾靚，之後我哋去booth咁啱撞到Monalisa都喺度擺，仲要限時優惠價8888一個package包曬，價錢好平，而且啲相都影得啱我心水，直頭可以話平，靚，正，我哋好快就落訂join咗呢個優惠。同事Suki嘅態度都好好，好醒目🥳，好快就已經get到我要嘅嘢，又可以好快解答我嘅問題。我本身對於一啲拍攝風格，妝容都有要求，我就將所有要求都已經俾話曬佢哋知道，佢哋同事都明白我嘅要求。攝影師都好細心，景點方面我哋就有自己心水嘅地方，咁攝影師就搵啲之前影過嘅相俾我，睇吓效果成品大概會係點。成個溝通過程其實都好舒服，同事都好pro，知道作為新人多少都有啲顧慮，佢哋都有俾意見幫我哋解決問題，睇得出好重視我哋啲新人。

攝影師應變能力好快，因為係長輩幫手揸車，溝通上我同長輩就有啲摩擦，嗰陣嘅氣氛都好尷尬，攝影師都好快教我哋要點行啲路線，又唔會出聲介入我哋，非常多謝，幫咗我緩和當時嘅氣氛🥹。拍攝過程都好順利，攝影師又好快咁影到好多角度，又會教我哋擺一啲pose，到後期我自己都有擺返自己中意嘅pose，佢仲話好好啊，可以擺返我自己中意嘅pose或者我自己想擺嘅表情，好尊重我嘅意願，唔會強逼我要用佢教啲pose。至於化妝師都幾好，我嗰日遲咗到，不過佢都可以好仔細好快手幫我化好個妝。

我本身有三套婚紗，妝容都會幫我襯返唔同類型嘅衫，不過又可以凸顯到我嘅面部優點，仲有我自己想要嘅效果🤩。 化妝師好專業，我自己其中有一套婚紗想用藍色眼影，佢反而係用佢嘅經驗話我知，不如用藍色眼線會靚啲，比較match到件裙。另一套婚紗我就想要好利落嘅feel~但係我頭髮好攣又好厚，效果就唔靚，化妝師都好好，幫我拉直，紥實啲嗰辮，效果都係我想要嘅❣️。化妝師真係非常有技巧，好用心聆聽我嘅需求，盡量滿足我。 我最欣賞攝影師嘅原則同埋責任感，我仲好記得，我哋最後一站拍攝地點係中環，咁啱收工時間好多人，我就提議話我哋求其影幾張靚嘅，唔曬太多時間，因為都好多人，但係攝影師都好盡責，一直把握機會盡量幫我影好多靚相，攝影師真係好俾心機，堅持影到滿意為止，過曬鐘都冇同我哋計。💯 我覺得Monalisa都好願意為新人調整好多嘢，好似我本身有三件婚紗，但係我就想其中一件套件外套就ok，唔想咁麻煩再換衫，同事都覺得ok，可能會有唔同風格！ 

之前有親戚喺Monalisa到影過婚紗相，覺得佢哋服務幾好，就介紹俾我哋。我哋覺得Monalisa影出嚟啲相係比較靚，又有熟人推介，會比較有信心，就直接揀咗佢哋。當時同我哋溝通嘅同事係Suki，佢介紹得好詳細，又做咗好多優惠俾我哋。我哋有啲咩要求，Suki 都好願意幫我調整。😆

我就用咗佢哋Pre-wedding+Bigday嘅一條龍package。我哋都好快同Suki約好時間上去試婚纱，試婚纱嗰陣就係同事Yan負責幫我，佢好有經驗，會推介一啲同我婚禮個theme相應顏色嘅婚紗款式俾我，而且好主動咁幫我揀，當中都俾咗我好多意見，幫輕咗我好多。

我哋有個whatsapp group嚟討論後期拍攝嘅細節，咁我都有send啲我想要嘅妝容髮型出嚟。攝影之前，攝影師都有問我哋有冇諗法，或者偏向鍾意啲乜style。其實我哋就冇特别嘅要求，因為對攝影方面都唔太熟悉，所以就交俾攝影師話事。景點方面我哋一早已經揀定去影海邊嘅外景。拍攝當日，攝影師好nice，好溫柔咁教我哋擺pose，而且佢好有自己獨特嘅拍攝方式，會影一啲好自然同細微嘅moment，唔會教我哋擺啲好老套嘅pose，就連我哋簡單對望都影得好自然💯。 拍攝氣氛都非常輕鬆愉快，攝影師本身都比較active，人又搞笑，所以我哋唔會覺得好尷尬，成個拍攝體驗我哋都好滿意。

化妝師就有改進嘅空間，我有send我想要嘅妝容同埋髮型出嚟，喺化妝嗰陣，可能係大家未必溝通得好好，化妝師又問多我一次想要咩妝容，我再開返張相俾佢睇，最後化出嚟有少少落差，但整體感覺都OK。去到海邊可能都因為大風，吹到有啲亂，化妝師當時冇注意要幫我補妝同set好啲髮型，除咗呢部分，其他體驗我都覺得好好，好舒服。👍

收到之後發現有啲喺海邊影嘅相，因為頭髮都有少少亂，影出嚟嗰效果未如心中理想，所以都有要求後期同事Wendy幫我執一執，p多少少頭髮。Wendy都好好，盡量都幫我哋執咗好多，仲幫我哋諗要點調整會再好啲。最後都可以揀到唔少相👍本身配套有附送啲相簿同相框嘅嘢，我同先生都決定upgrade，擁有更心儀嘅相簿。