我哋當時去咗Monalisa嘅booth，佢哋嘅同事都好nice。我記得當時係一位台灣staff幫我哋介紹，佢好有心機介紹package，亦都冇hard sell嘅感覺🤗。佢俾我哋睇相嘅sample，我哋覺得幾好，價錢又合理，所以好快咁落咗訂join咗北海道影prewedding同 Overseas Wedding。其實我係幾年前已經join咗，但由於疫情關係延遲到今年，所以好多嘢都要改期，好彩有Olivia幫我哋進跟，就算要改期都唔會話有額外嘅charge，好多嘢佢都搞得掂，又冇甩漏👍🏻。

影Prewedding嘅攝影團隊都幾細心，佢哋事先會準備一個procedure俾我，所以當日嘅流程都好smooth。本來我哋想影花海，好可惜嗰日落雨，但攝影團隊超好，明白落雨時間上可能有少少耽誤，為咗幫我哋再影多啲相，佢哋主動延長服務時間幫我哋影，冇額外收我哋錢。另外，我都好所賞佢哋開咗成日車都好辛苦，又幫我哋拎嘢，但佢哋嘅服務態度keep住好好，真係好專業😃。攝影師仲好細心，會教我哋擺好多pose，指引亦好清晰，就算影咗好耐，佢都好有耐性。係呢幾點上面，睇得出佢哋好為新人著想，肯係我哋嘅角度出發，所有嘢完成得都非常好，相效果都唔錯。

而big day嗰日，我哋係日本教堂到行禮，佢哋有提供教堂嘅普通話翻譯俾我哋，翻譯員服務態度都好唔錯，好有禮貌，溝通都冇乜問題。整體黎講，我對Monalisa嘅安排都好滿意，所有嘢都進行得好順利。我覺得Monalisa始終係大公司，做嘢比較有保證，跟足合約條款細則，服務態度又好，做嘢又跟得足👍🏻。

其實我一早之前就聽講過Monalisa呢間公司，之後我同未婚妻去婚展見到佢哋個booth🤔，就入去了解下。當時係Olivia同我哋介紹，都講得幾清晰，對比咗其他公司，Monalisa嘅prewedding攝影場地有農場可以揀，所以覺得好特別，又睇到啲相嘅色調風格都做到我想要嘅效果，於是就決定咗揀Monalisa👍🏻，join咗prewedding同big day嘅plan。之後，佢哋有開WhatsApp group比我哋問下問題。

而試衫studio嘅環境都幾好😄，唔會太逼，有自己嘅空間試禮服。Staff見我揀bow tie咗好耐都未揀到，都有主動比下意見我。Prewedding當日，攝影團隊同我哋有好多交流同互動，同埋好遷就到我哋。我哋去咗西貢農場、九龍塘影樓同碼頭等唔同嘅地方影，但基本上我哋係想影邊個位置，佢都會盡量滿足我哋😍。加上，助手會陪住我哋傾計，攝影師又會比好清晰嘅指示我哋，又引我哋笑，諗到啲好嘅idea又會同返我哋溝通，問下我哋意見，成team crew都好隨和，令成個拍攝嘅氣氛都好輕鬆，全日都好順利，整體感覺唔錯，之後都會向朋友推薦返Monalisa。