朋友之前用過佢哋嘅服務就介紹咗比我，同埋我覺得Monalisa比較有效率🥰，所以就揀咗佢哋。之前都有問過其他公司，但因為我比較急，感覺佢哋人手比較充裕，有檔期可以俾我，所以就揀咗佢哋😍。 上到去覺得佢哋公司睇落去好大，同埋好得體，我都好有信心交俾佢哋做😙。

Monalisa嘅同事都好Nice，因為我對wedding完全唔熟悉，同事阿Ling都俾到好多意見同解答到我好多嘅問題，睇得出佢好有經驗😆。同埋同事都好細心，我哋都唔洗擔心有咩甩漏💞。Pre Wedding去咗清新地農莊，當日除了攝影師，仲有一個助手同埋化妝師跟住。男攝影師份人幾風趣幽默，都好專業，有lead住我哋去行成個流程💗。我哋本身好生硬，但攝影師都可以令到我哋放鬆啲，冇咁繃緊。同埋佢捉角度都好好，成個過程都好愉快😋。本身天氣差到驚要改期，雖然嗰日天氣唔係幾好，但係出到嚟啲相都滿意😍！佢哋都好快俾到相我哋，都冇因為我好急住要而加錢！

我哋預備要結婚嘅時候就開始網上搵資料，都聯絡過好多唔同公司問過資料🧐，其中Monalisa就係我老公無意中搵到嘅，當時就聯絡咗Olivia喺WhatsApp度傾過吓。後來有婚展Olivia就話不如過嚟傾吓details，佢見我哋都諗好咗想揀1881，而我哋所知1881就只係同Monalisa有合作，所以就揀咗佢哋🤩。

Monalisa個plan包場地、化妝、租衫，2P1V同司儀，其他deco就唔包，但Olivia有推介其他公司俾我哋😚。我哋請咗Olivia做我哋婚禮統籌，佢會問我哋意見，ok的話就去做，處理得又快又好，做事好有效率👍🏻。我哋都覺得佢係一個好老實嘅人，唔會因為自己利益而hard sell，會按情況實話實說，處事亦都好負責任💯。婚禮當日我哋只係跟佢指示做就得，唔使自己諗。 我哋前前後後都傾咗好多次，試妝、試婚紗要上studio 嗰時都會順便同Olivia傾吓婚禮流程。Monalisa個studio好大，好舒服，又唔會好多人，裙款都好多選擇。

而攝影師方面我比較記得阿Vill，因為佢係主要跟住我哋影。我哋鐘意嘅攝影風格比較苛刻，事前都比咗相佢睇，而佢都有盡力跟嗰種風格，我哋都滿意🥳。另外因為我哋識P圖，都有額外再執執自己喜歡嘅風格。Big day當日，我哋證婚二點半開始三點左右完。我哋安排咗證婚後有地方俾啲親戚傾吓計食吓嘢，仲約埋live band🎤，到5點半先散場，但原來好多親戚朋友都唔係好知道，喺證婚後3點幾已經走咗，就有啲掃興，如果當時場地職員可以幫手提提親友可以留耐啲就更加好。不過婚禮前一日同當日我哋都住1881上面，佢哋都租借咗個休息室俾我哋，等啲crew同親人可以換衫或休息吓都唔錯，而我哋個婚禮都好順利圓滿舉行，整體都滿意🥳。