Big Day 同 Pre Wedding着嘅衫、化妝，連同攝影服務都係揀咗Mona Lisa😉。嗰陣係婚展一入到去就注意到Mona Lisa。加上嗰度嘅款式都幾多，無論係我定係太太都喺呢一度租衫😁。而且嗰度嘅職員都好有耐心❤️，會同我哋解釋一下唔同嘅服裝嘅特點，同埋會比一啲推薦我哋❤️。

Mona Lisa嘅package仲有包埋化妝，化妝師Sali主要係幫我太太化嘅，而佢都有幫我化，化得我嘅輪廓都突出啲😍。 而且我哋嘅拍攝過程都幾順利。我哋室內外景都有拍。當日去到嘅時候，Mona Lisa攝影師Tim有同我哋慢慢講解、俾意見😉。同埋佢份人都幾Funny🤣，會教吓我哋擺pose。我哋仲喺山頂同日落影咗幾張相。而且佢本身話12月先至俾到相，但我哋11月中已經可以收到，速度都幾快下，唔會話有甩拖。整體服務好呀💯！

我太太想搵啲影樓大啲多啲場景，上網睇相見到Mona Lisa佢哋啲場景都靚😍，就WhatsApp咗佢哋問吓價。我哋覺得啲價錢同埋啲相都符合我哋嘅要求，就join咗prewedding服務😉。佢哋之後都有提醒我哋當日要帶啲咩，都好清晰💪🏻。 影相嗰日我哋9:45左右到影樓，我太太去化妝先，我就去換衫。我換嗰條西褲唔知點解有啲位反咗光，唔知係燙得犀利定係點，我自己其實就覺得冇乜所謂，都唔係好覺眼，但係佢哋留意到之後就即刻攞另一條褲俾我換，服務好好🥰。

化妝師阿ming都好快手👍，30-45分鐘已經整好第一個妝，可以開始去影相📸。 我哋係7月28號影相，嗰日真係好熱好熱！！記得好似真係成個七月最熱嗰日，好在攝影師嘉豪佢好細心❤️，一到影太太獨照嘅時候，佢就叫我即刻去有冷氣嘅地方嗰度等先無咁辛苦💪🏻。化妝師阿ming都好好，我太太影到成頭汗，佢真係差不多每兩張就去幫佢抹一次汗，一見到滲咗幾滴汗就又去幫佢抺，真係好好💯！

我哋大約影咗3百幾張相，揀到剩返百幾。佢哋就建議我哋同一場景同一角度只係姿勢有少少唔同嘅相可以只留一張，因為唔會放啲咁似嘅相入相簿，呢個提議都幫到我哋好多🤩。我哋package原本係包20張相大相簿、20張相細相簿，最後我就加錢換咗做一本60張嘅大相簿😏。佢哋都係等我哋自己揀、無推銷我哋要揀多啲，都係配合返我哋需要😉。 啲相簿正常要3個月後先攞得，佢哋知道我哋24/9big day要用，都早咗做好，15/9已經寄晒啲相簿嚟又無收額外錢，好感謝佢哋幫手🙏🏻🥰～