我哋預備要結婚嘅時候就開始網上搵資料，都聯絡過好多唔同公司問過資料🧐，其中Monalisa就係我老公無意中搵到嘅，當時就聯絡咗Olivia喺WhatsApp度傾過吓。後來有婚展Olivia就話不如過嚟傾吓details，佢見我哋都諗好咗想揀1881，而我哋所知1881就只係同Monalisa有合作，所以就揀咗佢哋🤩。

Monalisa個plan包場地、化妝、租衫，2P1V同司儀，其他deco就唔包，但Olivia有推介其他公司俾我哋😚。我哋請咗Olivia做我哋婚禮統籌，佢會問我哋意見，ok的話就去做，處理得又快又好，做事好有效率👍🏻。我哋都覺得佢係一個好老實嘅人，唔會因為自己利益而hard sell，會按情況實話實說，處事亦都好負責任💯。婚禮當日我哋只係跟佢指示做就得，唔使自己諗。 我哋前前後後都傾咗好多次，試妝、試婚紗要上studio 嗰時都會順便同Olivia傾吓婚禮流程。Monalisa個studio好大，好舒服，又唔會好多人，裙款都好多選擇。

而攝影師方面我比較記得阿Vill，因為佢係主要跟住我哋影。我哋鐘意嘅攝影風格比較苛刻，事前都比咗相佢睇，而佢都有盡力跟嗰種風格，我哋都滿意🥳。另外因為我哋識P圖，都有額外再執執自己喜歡嘅風格。Big day當日，我哋證婚二點半開始三點左右完。我哋安排咗證婚後有地方俾啲親戚傾吓計食吓嘢，仲約埋live band🎤，到5點半先散場，但原來好多親戚朋友都唔係好知道，喺證婚後3點幾已經走咗，就有啲掃興，如果當時場地職員可以幫手提提親友可以留耐啲就更加好。不過婚禮前一日同當日我哋都住1881上面，佢哋都租借咗個休息室俾我哋，等啲crew同親人可以換衫或休息吓都唔錯，而我哋個婚禮都好順利圓滿舉行，整體都滿意🥳。

我哋當時去咗Monalisa嘅booth，佢哋嘅同事都好nice。我記得當時係一位台灣staff幫我哋介紹，佢好有心機介紹package，亦都冇hard sell嘅感覺🤗。佢俾我哋睇相嘅sample，我哋覺得幾好，價錢又合理，所以好快咁落咗訂join咗北海道影prewedding同 Overseas Wedding。其實我係幾年前已經join咗，但由於疫情關係延遲到今年，所以好多嘢都要改期，好彩有Olivia幫我哋進跟，就算要改期都唔會話有額外嘅charge，好多嘢佢都搞得掂，又冇甩漏👍🏻。

影Prewedding嘅攝影團隊都幾細心，佢哋事先會準備一個procedure俾我，所以當日嘅流程都好smooth。本來我哋想影花海，好可惜嗰日落雨，但攝影團隊超好，明白落雨時間上可能有少少耽誤，為咗幫我哋再影多啲相，佢哋主動延長服務時間幫我哋影，冇額外收我哋錢。另外，我都好所賞佢哋開咗成日車都好辛苦，又幫我哋拎嘢，但佢哋嘅服務態度keep住好好，真係好專業😃。攝影師仲好細心，會教我哋擺好多pose，指引亦好清晰，就算影咗好耐，佢都好有耐性。係呢幾點上面，睇得出佢哋好為新人著想，肯係我哋嘅角度出發，所有嘢完成得都非常好，相效果都唔錯。

而big day嗰日，我哋係日本教堂到行禮，佢哋有提供教堂嘅普通話翻譯俾我哋，翻譯員服務態度都好唔錯，好有禮貌，溝通都冇乜問題。整體黎講，我對Monalisa嘅安排都好滿意，所有嘢都進行得好順利。我覺得Monalisa始終係大公司，做嘢比較有保證，跟足合約條款細則，服務態度又好，做嘢又跟得足👍🏻。