我十年前嘅婚紗相已經係搵Ocean Wedding幫我哋影，覺得佢哋嘅相有質素，所以好信任佢哋😇。依家上網search返見到佢哋原來搬咗位置，有自己影相嘅室內studio，因為我比較鍾意喺室內影相，同小朋友影都方便啲，所以就聯絡返佢哋影家庭相啦😆。

佢哋嘅package就包埋租衫同化妝set頭，小朋友衫係我自己帶去，我嘅婚紗同先生嘅禮服都係佢哋提供，啲款有好多可以選擇，咁樣嚟講個價錢好公道👍🏻。其他公司嘅家庭相通常限影四個人，每多一個人就要加錢，但係佢哋好好嘅一樣嘢就係唔限人數，我仲可以帶埋姐姐一齊去影。我哋去影嗰日係平日，我個女就放三點幾，佢喺油麻地返學，再坐車過到去都要一段時間，未必咁準時到，所以我就同個化妝師話我個女大概四點半前到，可唔可以等下佢，幫佢set下個頭呀。化妝師好好，唔會話一化完就走，都等埋我個女女嚟，set埋頭佢先走，安排得好彈性。

佢哋studio雖然唔係好大，但係都有唔同嘅佈景影，係我哋心水嘅場景，有啲波波會啱小朋友，佢哋就最開心啦，又有啲簡單啲嘅，譬如一張靚梳化咁，都影到張好靚嘅相出嚟啦🥳。攝影師同嗰度嘅職員對我嘅兩個小朋友好warm好貼心，好似一班人喺度玩緊咁，令到小朋友易啲投入，影出嚟就會自然啲。同埋原本係影一個鐘嘅，但係攝影師見我哋有小朋友，就話送多咗半個鐘俾我哋，最後佢見我哋影得咁開心，仲差唔多影咗兩個鐘，唔會催我哋，又唔會同我額外收費🥰。出面好多攝影公司都係要後期製作出嚟令到張相好靚，但第一輪同我哋影咗百幾張相，收返啲相真係未執已經好純好靚，我哋好鍾意啊😍。

如果佢哋可以有埋小朋友嘅禮服就更加好啦，雖然我都明佢哋可能會擔心提供嘅禮服未必啱哂全部人，但係佢哋有少少喺度嘅話都方便我哋，就唔洗特登去買啦🙈。同埋仔依家讀幼稚園，出年就畢業，我都有問佢哋有無幫小朋友影畢業相，不過佢哋就話無嘅，我就提出佢哋嘅價錢都唔貴，如果可以影埋畢業相，俾到個價錢我，咁我都可以問下啲家長，啱嘅話就可以安排下啦。佢哋真係有聽我呢個建議，兩日到就俾咗個大約嘅報價我，介紹埋有咩服務同影幾多個鐘，仲話啲畢業袍佢哋都可以安排到，真係好快好上心😙。

我一開始係想喺日本做見證嘅，都有去婚展睇過了解咗好多，後尾發現原來好複雜。朋友見我想去日本影就介紹咗Ocean Wedding俾我，咁我就whatsapp佢哋問咗好多嘢，之後先約咗上佢哋studio睇🤓。

佢哋會問咗我想要影啲咩同幾時影先，咁我就提出唔想去咁遠，唔鍾意陽光海灘，係想影富士山同紅葉多啲。佢哋就會話返俾我聽邊一個禮拜去會最好，可以俾到啲專業意見我哋，我哋想去邊同佢講，佢哋就會幫我哋度好個行程啦。因為佢哋fulfill到我想要嘅地方，可以幫到我，又解釋得好清楚，所以最後就決定同佢哋去日本影pre-wedding啦😇。

原本淨係影相嘅，諗諗下不如做埋見證，所以我提出咗呢個請求，佢哋之前係無喺studio做過見證嘅，但係都即刻話無問題，不過就要揀返平日，因為星期六日嘅時間會難就啲，會比較多人上去影相。所以我就喺原本香港pre-wedding嘅2個鐘加多個鐘做證婚啦，佢哋好好，係開始影相先計時間，唔係化妝開始計，去到日本影都係咁，好公道👍🏻。見證嘅過程好正，佢哋好幫手好take care我，因為我嗰日都比較忙，又要照顧朋友。最開心係我隻狗都可以去，呢個真係main point，因為出面好多證婚嘅地方都唔可以帶狗🥺。最後就同屋企人同好少朋友做咗個好簡單嘅儀式，我請咗30人到，唔想咁鋪張，咁樣有個地方做到見證都好開心啦。

同埋化妝師化嘅妝好靚，唔會好濃，屋企人朋友見到都讚好自然好靚。之後去到日本影相，都係證婚嗰陣嘅攝影師Hero同化妝師Carol同我哋一齊去，咁我哋喺香港用過佢哋，已經體驗咗影婚紗相嘅感覺，去到日本都放心啲啦😙。婚紗係喺香港帶過去嘅，出發前佢哋會幫我改到好靚，去到都完全無問題。Total就影咗兩日，因為地方問題唔可以一日影晒。喺輕井澤同富士山嗰陣得2,3度，真係好凍，佢哋都攞住我啲衫，一影完就即刻披落我度，好貼心啊。我哋搭車食飯都係一齊，有時佢哋都要揸好遠，一見到我頭髮亂咗又即刻幫我整返好，補妝嗰啲都跟得好足，我嘅衫鈕甩咗佢哋都幫我縫返。影相嘅時候佢哋全部人呢都會幫手教我哋擺pose，又會搞下氣氛，等我哋唔好笑得咁僵硬。證婚啲相我哋都收返啦，影得好靚，係我哋想要嘅風格😍。

日本啲相我哋就未收返，不過都明白呢排新年佢哋會比較忙，同埋攝影師要自己執相。我哋喺日本無影到咩相，佢哋好好，影咗啲花絮send返俾我哋睇，俾我哋回味下先。幫我揀衫、打點啲嘢嘅Daisy，Hero同Carol真係夢幻組合嚟㗎，簡直係十項全能🤩。Hero做埋司機，Carol同Daisy仲幫手打埋燈，真係好勁。因為佢哋去咗好多次，啲燈擺咩位都好熟悉，好快就可以影到。佢哋成日都要搭咁耐車去影相好辛苦，Carol嗰陣咁凍仲要病咗，流晒鼻水食住藥咁，無heart無passion真係做唔到㗎🥰。