因為我本身想要啲閃啲嘅衫，咁啱係婚展度見到佢地都多尼種款，而且價值都合宜，所以就揀左佢地。同佢地傾嘅時候感覺到佢地都好老實，而且個package本身啲配搭都好flexible，可以俾我地可以靈活咁調配。 佢地賣點係水晶晚裝，比較閃個啲款，但尼個賣點同時都係缺憾，因為啲水晶令到啲晚裝都變得好重，加上個拖尾都好長，就變得更加重。可惜我唔想要咁長嘅拖尾，變左我可以選擇嘅款就唔係太多，不過佢地啲衫嘅質料真係唔錯。男禮方面都唔算好多款揀，都無乜新潮啲嘅款，感覺唔夠時尚。雖然選擇上對我地黎講可能唔係咁多啱嘅款式，不過價錢方面就真係好合理！同埋佢地服務都好好，final fit個次，我地中間去咗食飯，佢地就繼續幫我地執衫同整理，雖然尼個係佢地working hour ，但我地都好欣賞佢地工作態度～！

本來已經買咗Envi 既package，但係planner 睇過之後覺得可以揀多件，就介紹我去Perfect Couple睇下。個到無收試衫費，但係一開始限試三件，落咗訂之後就可以任試。員工態度都ok，唔會催你，俾既comment 都幾make sense。 Big day 個日攞衫好快，過程好順利，但係件衫就有D重，個袋又唔容易拎，包裝可以好D，等我容易拎D，或者事先提我帶多個人去幫手或者帶個行李箱去。 我係Perfect Couple 淨係揀左一件婚紗，件婚紗好自然，個個都話好睇，同我影pre-wedding 既款式都差唔多，都係我鍾意既類型，我覺得1800真係好抵。