之前喺Facebook都曾經見過深圳王子婚紗攝影嘅宣傳，後來去婚展見到佢哋有擺booth就再去了解吓。佢哋有香港同國內員工，嗰時接待我哋嘅就係一位國內員工。我哋覺佢態度都好誠懇，慢慢同我哋講攝影當日有咩要做，同埋個package包啲咩。我哋睇完啲作品覺得唔錯，價錢都吸引，就決定試吓。 佢哋office係喺深圳，所以都要上深圳嗰邊影。我覺得都算易去，搭東鐵去到羅湖，佢哋office就喺羅湖車站附近，行過去就得。我哋喺影之前一日就上咗去揀衫，然後喺深圳住咗晚，第二日先出去影相。到影相嗰日，我哋就返上去化妝換衫，再有車送我哋去一個類似攝影基地咁嘅地方影相。啲衫款式都OK，可以揀到自己鐘意嘅，我就揀咗魚尾裙。不過化妝技巧方面比較傳統啲，可能係國內同香港嘅style都會有唔同，要自己向佢哋要求吓想要咩效果。至於出去影相嘅車係一開始package裡面已經包埋。出到去影相時，攝影師都有教我哋擺pose，成個過程幾順利。揀相就要返studio度，可以揀50張相修圖，佢哋唔會要求我哋加錢買嘢，都俾好多自由我哋慢慢選擇。