富豪九龍酒店提供18個不同大小的宴會廳，配備現代化的宴會設施，並備有多款婚禮見證服務套餐，讓您可選擇於戶外花園或瑰麗的宴會廳內舉行一個與別不同之婚禮！無論是規模盛大的婚禮還是溫馨浪漫的私人婚宴，都能為您打造不同類型的完美婚宴。在菜餚方面，有中式、西式、雞尾酒會和環保菜色等不同套餐，以迎合各種口味和喜好。我們的專業團隊將助您完美籌劃，處理所有宴會上的細節瑣事，包括場地設計、菜單選擇以及派對中不可或缺的精美蛋糕，務求令您倆的婚宴畢生難忘。
AWARD
聯絡商戶
一開始我就做咗好多research，搵咗好多唔同嘅場地，咁啱朋友就介紹Regal Kowloon Hotel俾我哋。本身都有對比過其他酒店，Regal Kowloon Hotel係因為啲package嘅價錢好合理，性價比好高，而且同事服務態度都好好，所以最後揀咗Regal Kowloon Hotel作為我哋嘅婚宴場地。
落訂完之後，主要係用WhatsApp溝通，都有約出嚟面談。負責我哋呢一對新人嘅同事係啊Wing，佢package嘅細節都講得好仔細，好有經驗，做事好有條理。佢除咗記錄我哋對場地嘅要求，仲會幫我哋編排rundown。啊Wing真係好抵讚，佢除咗喺籌備婚禮上幫輕咗我哋好多，而且佢好專業，同我哋share好多唔同方面嘅經驗，所有事佢都handle得好好，冇甩漏！
婚禮當日，個場地好靚，係我哋想像中要嘅場地。佢哋完全跟足我哋嘅要求去佈置，呢點我好滿意！當日其實我哋都好忙，佢哋嘅職員都有幫手照顧啲老人家，覺得佢哋嘅同事都好主動同細心，仲會全程keep住照顧我太太。佢哋會擔心我哋冇食嘢，提前pack好嘢食俾我哋，等我哋一有時間就可以食，令我覺得好窩心！食物嘅質素都符合我哋嘅預期，好多賓客都話真係好好食！
你哋嘅評價對我哋嚟講係進步嘅動力，真係好開心兩位鐘意我哋嘅服務同場地，祝你哋新婚快樂，永遠甜蜜！
我覺得Regal Kowloon Hotel嘅價錢比較啱心水，同埋佢哋覆得都好快，又好細心💕。因為我唔係擺好多圍，所以就想搵啲特色啲嘅場地， 所以我揀咗佢哋嘅Tivoli， 有少少復古啲嘅感覺😆， 同一般嘅ballroom唔同。 我覺得Regal Kowloon Hotel嘅同事都好有責任感，同事Kelly負責我哋呢一對新人， 佢都會睇一睇我哋當日成個流程會點樣安排，有佢哋嘅帶領，都令我哋少啲煩惱，當日都會順利啲💯。
Regal Kowloon Hotel嘅燈光同音響都好正常，唔會有啲咩問題😙。我哋原本都擔心啲位會唔會太逼，我哋擺12圍，最後啲位置就啱啱好，好fit🤩。場地嘅樓底就唔算話好高， 所以整backdrop嗰陣時就要留意個size，驚望落去會覺得好侷促。但最後，啲賓客都話場地好大，而且啲嘢食都好食同幾大份🌟。同事都好幫得手，仲有一個女同事當日會幫我拎裙尾，好照顧我💘。 餐廳嗰邊嘅同事都好Nice，好積極咁幫我哋，會解答下我哋嘅疑問😋。Regal Kowloon Hotel都會盡早交場，俾足夠嘅時間我哋去set場🥳，同佢哋相處都覺得好舒服，唔會覺得尷尬✨！
多謝你讚賞我哋團隊！好開心你揀咗我哋嘅場地去舉辦婚禮， 祝你哋永遠都甜甜蜜蜜！