一開始我就做咗好多research，搵咗好多唔同嘅場地，咁啱朋友就介紹Regal Kowloon Hotel俾我哋。本身都有對比過其他酒店，Regal Kowloon Hotel係因為啲package嘅價錢好合理，性價比好高，而且同事服務態度都好好，所以最後揀咗Regal Kowloon Hotel作為我哋嘅婚宴場地。

落訂完之後，主要係用WhatsApp溝通，都有約出嚟面談。負責我哋呢一對新人嘅同事係啊Wing，佢package嘅細節都講得好仔細，好有經驗，做事好有條理。佢除咗記錄我哋對場地嘅要求，仲會幫我哋編排rundown。啊Wing真係好抵讚，佢除咗喺籌備婚禮上幫輕咗我哋好多，而且佢好專業，同我哋share好多唔同方面嘅經驗，所有事佢都handle得好好，冇甩漏！

婚禮當日，個場地好靚，係我哋想像中要嘅場地。佢哋完全跟足我哋嘅要求去佈置，呢點我好滿意！當日其實我哋都好忙，佢哋嘅職員都有幫手照顧啲老人家，覺得佢哋嘅同事都好主動同細心，仲會全程keep住照顧我太太。佢哋會擔心我哋冇食嘢，提前pack好嘢食俾我哋，等我哋一有時間就可以食，令我覺得好窩心！食物嘅質素都符合我哋嘅預期，好多賓客都話真係好好食！