結婚戒指喺美國買，揀左Tiffany。我知有好多人係會揀iPrimo或者Forever Couple，但我去睇過覺得啲款唔係好鍾意同埋啲料好似渣啲。二來又因為聽我哥嗰時整左一對Forever Couple戒指，係自己custom個款都用左成兩萬蚊，幾貴得嚟效果又唔係咁好。咁我最後揀Tiffany係因為覺得佢有branding嘅牌子入面價錢係acceptable，同埋除左classic款之外亦會有啲容易carry嘅款。 我揀左隻款叫Tiffany harmony，佢比較幼身有半圈石，因為佢全圈石啲款比較貴，所以揀左呢款。我覺得佢啲服務都OK嘅，但始終覺得外國人見到亞洲人會有少少唔係好想serve你咁。 我本身去美國買係因為覺得美國嗰邊會平啲，咁我嗰隻有石款係真係平香港少少，但我老公嗰隻冇石款就貴香港少少。同埋喺美國買嘢有tax，咁計返上嚟可能只係平左1000蚊左右。不過本身去開美國旅行順便睇，所以都OK。

求婚戒指傳統上係Tiffany做第一隻，呢一個概念係太太提出，佢都係比較傳統啲嘅人，覺得咁樣會有啲意義。其實我睇咗好多間，終於去到佢哋度，覺得佢哋好專業都好helpful，俾到好多意見。雖然要排隊入去，但入到去就一定有人serve你。我記得遇到sales Kelvin好好，可能男士同男士傾，會明白我唔明白啲咩而講解俾我聽。因為我冇咩認識，佢又會慢慢去講解，點樣睇啲石，唔同款式有咩優點同特色等等，令我知道點去揀。 我最終揀咗basic款叫做Tiffany Setting，半卡。佢哋包裝都係最傳統，當時未婚妻見到都好surprise好滿意，所以我都好滿意。