結婚戒指喺美國買，揀左Tiffany。我知有好多人係會揀iPrimo或者Forever Couple，但我去睇過覺得啲款唔係好鍾意同埋啲料好似渣啲。二來又因為聽我哥嗰時整左一對Forever Couple戒指，係自己custom個款都用左成兩萬蚊，幾貴得嚟效果又唔係咁好。咁我最後揀Tiffany係因為覺得佢有branding嘅牌子入面價錢係acceptable，同埋除左classic款之外亦會有啲容易carry嘅款。 我揀左隻款叫Tiffany harmony，佢比較幼身有半圈石，因為佢全圈石啲款比較貴，所以揀左呢款。我覺得佢啲服務都OK嘅，但始終覺得外國人見到亞洲人會有少少唔係好想serve你咁。 我本身去美國買係因為覺得美國嗰邊會平啲，咁我嗰隻有石款係真係平香港少少，但我老公嗰隻冇石款就貴香港少少。同埋喺美國買嘢有tax，咁計返上嚟可能只係平左1000蚊左右。不過本身去開美國旅行順便睇，所以都OK。