因為我老婆好鍾意Tiffany呢個牌子，當然要投其所好。因為當日係surprise求婚，所以要搵一隻佢真係鍾意嘅戒指，滿足到呢個surprise嘅求婚。之前啲friend有介紹過佢哋有tailor make戒指，可以自己揀石再整，但係因為我覺得自己美感嗰方面有啲唔合格，如果我自己揀啲款就應該唔係咁啱我老婆，所以就寧願搵現成。因為Tiffany啲石啲人就話ok嘅，揀咗最傳統六爪設計嘅Tiffany。 我喺1881嘅Tiffany度買，服務都ok，因為間嘢都好多豪客喺入面，得知我要買戒指都好殷勤。Serve我嘅sales係黃小姐，佢都好細心講解，佢知道我想要啲咩，亦都知道我其實係去睇下先，佢都有同我講傳統款有幾個系列，有啲浮誇啲有啲簡樸啲。 拎到戒指之後我老婆都好滿意，見到實物之後個閃亮度，Tiffany個cutting真係比起周大福嗰啲靚太多。同埋佢sell我係有一次可以改size服務，因為求婚係戴中指，結咗婚係戴無名指，粗幼係唔一樣，所以佢就叫我哋結婚之後返去改。

我哋結婚嘅紅酒杯、簽名簿、簽名筆都係Tiffany！不過要講我哋同Tiffany嘅緣份，就要由8年前講起。嗰時我老公去買過一隻戒指送俾我，就認識咗喺圓方Element間Tiffany嘅一個staff叫Wendy。 8年前嗰次我好記得，因為咁啱情人節就係年初一，我哋一齊去咗泰國旅行，佢就送咗隻戒指俾我。嗰時起其實我都已經當咗佢喺我老公，所以都唔係好介意擺唔擺酒嘅問題。總之旅行完返到香港後，就再返咗Tiffany度，因為隻戒指嘅size唔係好fit。之後我就講笑話「咁就算架喇？」，估唔到佢竟然喺兩個月後送咗另一隻戒指俾我，又係喺Tiffany度買，第二隻係方形的，亦都係由嗰時開始就同Wendy熟咗。 到咗舊年決定要結婚，我哋就再去搵Wendy，結果佢搵咗成7個月，終於幫我搵到一對我哋好鐘意嘅求婚戒指，仲要係2月14日收到。我覺得佢真係好細心，又好用心去幫我哋不停咁去搵。後來Wendy 轉咗去 IFC店我都有同佢 keep in touch, 仲做埋好朋友，連我婚禮嘅司儀都係搵佢做，所以我哋成個婚禮不單止有好多Tiffany theme嘅嘢，連個MC都要係from Tiffany 既！：）