Viwa Production
4.6
香港九龍觀塘鴻圖道55號幸運工業大廈14樓D室
3480 3545
最新評論
整體滿意度
4.6
過濾評語:
INJ1203
4.5
精選評論
服務 / 婚宴日期: 2017.12.03      
我原本已經識Viwa Production裡面其中一個人,平時成日都係社交平台見到佢幫人影啲結婚相都影得好好,所以到自己結婚都好快決定搵佢地影。第一次見面我哋大約話晒俾佢哋聽我哋預定嘅日期,佢哋就了解吓我哋嘅性格,聽吓我哋呢pair人嘅故事之中有咩特別嘅片段。第二次上去佢哋就同我哋傾吓佢哋有咩idea,細節上會點影同埋價錢。我覺得佢哋都有就住我哋嘅性格特質咁plan,亦唔會hard sell。收費都好清楚,一個費用就包晒啲嘢,有個List講明有咩,無隱藏收費。只係因為我哋用銅鑼灣Crowne Plaza嘅婚宴場地橫跨2層攝錄,要拉長啲線先額外加咗啲錢。同埋我哋係要西餐buffet而唔係中式婚宴,唔會一圍圍敬酒同埋預計唔會好多時間企喺度影standard photo,就請咗2個攝影同2個錄影可以分開跟我同我老公,幫我哋捕足吓我哋同朋友一齊飲吓酒食吓嘢嘅snap shot。

嗰時我哋8月先考慮結婚,12月就結,所以搵得佢哋都幾急。我哋一次過就已經confirm晒佢哋prewedding同big day,可以一次過搞掂唔使煩咁多嘢。我哋影完prewedding已經覺得佢哋影得好好,大家又夾到,所以合作完都對佢哋好有信心,信佢哋嘅專業。其實傾完細節之後,都好急要為之後嘅Prewedding相同早拍晚播揀歌,因為佢想預知道用咩音樂,可以影相嘅時候去配合返。真係好少有反而俾佢催我快啲揀,而唔係新人自己著急。雖然話佢催我,過程當中都客氣,佢有俾啲歌我聽,我自己又去搵其他黎聽下,揀出黎都滿意。

當日佢哋成隊人除咗主要嘅攝錄都有4-5個人,有人負責打燈,都好準時。之前大家傾run down時佢都有提議我哋男女家各應該預幾多時間化妝同埋要影幾耐,又問有幾多pair人要斟茶,再同我哋講大約要用幾多時間。我哋就用佢估計啲時間要留幾耐再plan整個rundown。當日啲時間都唔係差好多,所以我哋覺得佢哋時間掌握得幾好。朝早出門之後喺屋企樓下影咗啲相就去酒店。因為我要換衫就無再出去影,先生嗰邊同啲兄弟就有喺酒店附近影吓相。我諗佢哋係想條video攞多啲shot。嗰晚場地上下層都有電視,播返我哋啲相同埋朝早條片,但係我當然係無時間睇,都係之後先睇返,覺得都拍得唔錯,攞嘅角度、燈光同顏色都ok!唯一係台前影standard photo嘅攝影師無乜笑容同比較快,感覺就好似無咁nice,但其他啲crew都好nice。

婚後啲片都經網上drive收返,反而啲相就未有,因為佢哋都忙,未有時間執,佢都話希望6月尾真係俾到我。不過我自己一開始都同佢講唔急,所以可能佢就做埋啲搵食嘢先。其實一齊合作影咗2次相之後大家都熟咗,佢哋好多嘢都好似朋友咁主動幫手! 閱讀更多
BigDay當日攝錄
Chris520
4.5
精選評論
服務 / 婚宴日期: 2018.05.11      
我地big day shooting都睇咗好多間唔同嘅公司,又搵下朋友問下意見。後尾有朋友介紹咗Viwa Production俾我哋,我地就再去睇下佢哋嘅作品同約佢哋見吓面。我哋覺得用唔用一間攝影公司主要都係睇啲相嘅質素,同埋服務態度係點,始終都要合作成日。後來去到同佢地傾嘅時候都發現佢地服務態度好好,講解都好詳盡!特別我地都好似其他新人咁乜都唔識,所以都好會緊張同好多問題問,佢地都好有耐咁慢慢解釋俾我地聽。佢地嘅態度好俾到信心我地個日佢地會跟得好好,所以就決定搵佢地跟big day 拍攝同埋錄影。

到Big Day個日,攝影師都好好,有時我地或者兄弟姊妹團唔識走位,佢會細細聲提返我地應該點行。我地中間有啲overrun左,佢又會提返我地時間。態度真係好好,好親切,又會同我地講下笑,同兄弟姊妹玩下,令到我地無咁緊張,緩和到個氣氛。美中不足係中間影大合照個時出現咗小小混亂,可能攝影師同MC再夾下就會更好,不過除此之外都無咩其他問題。啲相出到黎嘅質素都好好!親朋戚友都有feedback返段早拍晚播好好睇! 閱讀更多
BigDay當日攝錄
最新優惠
聯絡商戶