我一開始問bigday幫我影video嘅Dino，問佢有冇攝影師介紹，佢介紹咗三個俾我，我就揀咗Billy，因為鐘意佢影相嘅風格。佢真喺同我講好多，仲講埋當日嘅流程細節，就連大妗姐嗰part都做埋，好勁！佢同我講「其實你唔洗擔心架喎，我會全日帶住你架」。bigday前我哋有見多次，再傾埋啲細節同埋流程。 成個流程好順暢，其實都冇乜諗到啲咩，因為通常只有唔好嘅記憶先會深刻～我哋最後傾返，發現原來我哋冇跟張rundown做嘢。因為轉妝要時間，反而化妝師喺咁催我哋點解冇人跟張rundown。朝早嘅攝影同拍片阻咗好多時間，搞到註冊搵婚紗嘅時候化妝師喺咁催我哋快啲食完嘢換衫。好彩化妝師好有經驗，提返我哋跟返rundown！我留意返啲相，發現我著褂嘅時候影得特別多，嗰陣就喺朝早嘅時候，可能佢哋擺咗好多時間喺朝早影，令到有少少delay。 我覺得啲相都ok，因為Billy喺主機，我想睇佢嗰啲多啲，但Jan賓客嗰啲都OK。仲有一點，呢個可能喺我自己問題，我覺得佢哋啲相比較暗，但呢個喺佢哋嘅風格，亦都一早講明。當時我都喺因為佢哋呢點而被吸引，佢哋喺行比較意境藝術嘅路線。其實我都好鐘意，都覺得好靚，但如果某部分相陽光少少就最好喇！ 因為嗰日太攰，我問Billy想我當日找數定第二日，佢話可以bigday完咗先俾我，最尾我第二日先俾佢，佢都冇乜所謂。去到夜晚黑我哋又要找數執嘢換衫等等，我先生同我講Dino同Billy要走，想叫我哋走數，我話得得得但一直喺入面做其他嘢，結果佢哋喺出面等咗九個字。其實Billy可以走先，因為講好咗第二日先俾錢佢，但佢都陪Dino等埋我出嚟俾錢然後講byebye，所以覺得Billy真喺好好，亦都好專業。我嗰陣見到Billy真喺好攰，好似企都企唔到，要靠個腳架撐住！！所以好感恩有個咁好嘅攝影師！

之前影pre wedding嗰位攝影師實在令我太失望，而遇到Billy真係好開心，因為佢影得實在太好，感覺好唔一樣！ 我覺得清晰嘅指示真係好重要，而呢個就係Billy同我pre wedding嗰個攝影師最唔同既地方，我之前prewedding時時有啲唔知做緊乜嘢嘅感覺。Billy佢好明確，唔會好虛浮咁講話“望12點鐘方向”之類計指示，而係會好清楚咁叫你企邊到，或者舉起手叫你望佢邊到。如果一啲難啲既pose佢直情會行埋嚟指導我哋啲手同腳點擺。佢係清楚到唔單止會俾耐性指導我同我老公，就連我爸爸同啲親戚Billy都會一樣好清楚咁同佢地講解，而我啲親戚朋友都好明要點配合，所以影出嚟個效果真係好好。 雖然咁樣影每一張都會耐啲，但啲相一出嚟就好靚，真係好似MODEL咁！Billy會仔細到連眼神望得夠唔夠左或者右都會同我哋講，要再望向邊到多少少。不過亦都因為佢每幅相都要時間執，所以每張相同場景都會處理得比較耐，所以响同一個哋方唔會影到太多相，而其實當日都真係overrun得都好勁。我都明白Billy係好用心，但係如果可以快返少少影到多啲相就當然更好喇！另外，我覺得佢好識掌握光線，有啲哋方唔使點打燈都影得好靚。因為擺位同望邊度嘅指示好明確，影出嚟就會比較特別同好睇，我覺得可以俾到咁清晰指示既攝影師真係好少有。 到晚宴嗰時，可能係我要求嘅嘢比較多，就覺得有啲重要moment無影到。例如係自己march in上台嗰時後面好多賓客，如果喺嗰度影返轉頭影到大家祝酒之類既shot就好喇。我當時知道唔會有呢個shot因為當時我企定定喺度見到佢影緊咩就知道會miss咗邊啲喇，不過都明白好難所有角度都兼顧到。除此之外，朝拍晚播都非常滿足到我哋嘅要求！我哋一開始都有同佢講唔想要咁多玩遊戲玩到好核突嗰啲鏡頭，想要一條有啲味道嘅片。呢樣嘢佢哋處理得好好，都有放屋企人嘅shot多啲。雖然未收到晒嗰日嘅相，不過有佢咁用心同清晰嘅指示，我都對最後啲相好有信心。