當時其實有睇過其他攝影公司，但最後都係揀咗TGR Wedding！我同同事嘅聯絡過程都幾順利，佢哋都好親切，無論我哋有咩問題，同事都會好快就覆，而且都答得幾清楚🌟。我哋係揀咗TGR Wedding pre wedding嘅package，當中我哋有提過想影庭園嘅景，團隊都幫我哋安排好個路線😚。事前佢哋都有問我哋想要啲咩風格同效果，同埋有冇一啲reference俾佢哋。團隊仲會根據我哋嘅需求提出一啲建議，令我哋感覺到TGR Wedding真係會聽我哋意見😙，都比較貼心。

我哋揀咗去九州影相，當時攝影團隊幫我哋安排好曬路線，甚至提前幫我哋預約好拍攝場地👍，準備得都幾齊全。因為我哋未去過九州，所以佢哋嘅建議幫咗我哋唔少，令到拍攝會更加順利😆。拍攝當日，攝影師好專業，令我哋可以完全放心。團隊會指導我哋擺pose，甚至會自己做一次俾我哋睇，亦會調節下個氣氛，唔會令到我哋覺得緊張或者尷尬，反而我哋自己可以好自然咁影相🥰。

至於化妝方面，我覺得都唔錯，化妝師事前都有溝通下我大概想要啲咩，化嘅妝容唔會太濃，我都滿意😚！而且同事都幫我哋搭配好啲服飾，特別係和服個一方面🤩，TGR Wedding衫啲款式都幾特別同靚，之後收到嘅相，我覺得同我哋心目中想要嘅效果差唔多，甚至有啲超乎想像❤️，不過我哋都有小小建議俾TGR Wedding，雖然佢哋都有送額外嘅嘢俾我哋，但係價錢如果可以再優惠啲就更加好！

我係上網搵到TGR Wedding，比較過幾間公司，最後就揀咗佢哋，主要嘅原因係團隊係香港人，溝通上會方便啲，加上價錢都合理🌟。因為我哋想喺日本影相，但又擔心同日本攝影師溝通會有困難，或者攝影風格未必咁啱我哋心意，所以最後揀咗TGR Wedding🥰。

團隊回覆嘅速度都快，又解答到我哋嘅問題。我哋揀咗去九州影相，拍攝前，攝影師都會了解下我哋嘅要求，問下我哋鍾意咩效果，我哋都係想啲相有日本特色😚。拍攝當日，攝影師嘅專業表現好好，佢哋都好盡力，甚至會趴喺地下到影相，睇得出團隊對工作嘅熱誠❤️。團隊仲主動教我哋點樣擺pose。相處上都幾舒服，基本上都有問必答。佢哋又會留意到我哋著住和服，行路無咁方便，會等埋我哋慢慢行🥹。拍攝嘅過程都輕鬆，我哋覺得神社都幾值得去💯。啲相片出到嚟嘅效果自然，同埋唔浮誇，係我哋想要嘅嘢。比起一啲p得好勁嘅相，我哋更加鍾意自然嘅風格，睇落去會舒服啲，拎俾親戚朋友睇都唔會覺得尷尬，我哋對啲相都好滿意💕！