一開始係我老婆打點、搵到Starry Bridal先嘅，因為我要返工所以第一次係我太太同家姐上去看。佢哋看完就好滿意，覺得各方面嘅質素都平均地高質。婚紗、西裝款式都齊全、唔錯嘅，我嘅男裝就揀咗韓式格仔款式；太太就揀咗歐美款式。當時都係太太send相比我看，我覺得ok，之後就直接落單，咁我都相信我太太嘅眼光嘅。

咁因為我哋package仲有包化妝同攝影團隊嘅，所以註冊當日我哋係去咗佢哋影樓化妝set頭先，順便就係影樓影咗唔少相先去註冊，成個過程看得出佢哋都係好專業同好盡力，最印象深刻就係我哋影樓果邊完成咗之後，佢哋同事Mandy就好好人咁主動話車我哋去婚姻登記處，呢樣嘢真係唔係個個都會做，亦都係我哋意料之外，好多謝Mandy。

而註冊儀式完咗之後本身佢哋都有提議我哋去黃金海岸影下相，但係我哋就想從簡都係去登記處同附近地方影下就算。當日攝影師會一路指導我哋擺pose，教我哋點笑先好看，同埋啲相都會幫我哋調色p圖，連朋友都係讚不絕口。而我太太對佢哋服務都好滿意，整體來講都係舒服周到嘅，唔錯唔錯～

我地個package係有包禮服、化妝同攝影嘅，不過就唔係好清楚攝影係咪額外搵其他公司定係Starry Bridal自己嘅攝影師。🙈影相當天我地當日都係影咗2-3個小時左右，雖然之前冇同攝影師溝通過，不過影出黎嘅相我覺得都正常、合格嘅。效果我地都滿意🤓而化妝方面, 我太太嘅妝容我覺得係偏自然，唔會濃妝，感覺都不錯🤭因為我太太都比較喜歡自然既妝容, 我地係Starry Bridal主要係租媽媽衫同細佬嘅西裝，我爸爸媽媽上去揀衫嘅時候，職員都係好貼心嘅，唔會介意佢哋揀耐少少，最緊要都係幫我地揀到啱心水嘅衫！係呢方面我覺得佢地做得幾好,😙攞返黎嘅衫質素唔錯、尺寸都好啱，而且冇任何甩漏，好快就可以比到衫我地！😎整體的服務都不錯。