Starry Bridal 係元朗比較出名嘅婚禮商戶，而且佢嘅一條龍服務比較全面。落咗訂之後，我因為有事要改期，佢哋好遷就同配合我😊。

要讚Starry Bridal嘅係佢哋對我媽咪同奶奶嘅態度非常之好，十分貼心！佢哋會因應老人家嘅身形，幫佢哋揀適合佢哋嘅衫，我見到媽咪同奶奶開心就好開心喇🥰。而且佢哋好有交帶，每次搵佢地嘅時候，佢哋都好快回覆。

因為我平時比較忙，所以冇試到妝，不過化妝師根據我所揀嘅3條裙，設計左3個唔同嘅造型俾我，我全部都好滿意🥳。

攝影師俾我嘅感覺係好有經驗，佢營造氣氛方面可能仲好過大妗姐添😂！無論係相片同影片我之後睇返，我都覺得影得好好。

我覺得Starry Bridal 適合一啲要求高嘅新人，尤其是係貪靚嘅新娘子， Starry Bridal 絕對滿足到你哋嘅要求😉！

我揀Starry Bridal係因為佢近我屋企，又可以免費試衫，所以就吸引咗我。而且係成個過程當中，佢哋完全冇hard sell，而且佢哋嘅員工跟得好足，各方面都做得好好😍。佢哋會根據我嘅喜好，拎唔同款式嘅衫俾我試，仲有個裁縫姐姐當場處理fitting問題，令到我可以試到最啱身嘅衫，我覺得好貼心👍！

另外，化妝師都好專業，我所有嘅要求佢都做得到，因為我對眼本身有啲唔對稱👀，佢就會幫我balance返眼型，我覺得佢真係好好！ 而攝影師好搞笑，好識攪氣氛，令到我喺拍攝期間可以好投入！不過佢哋後生啲就好啦，哈哈🤣！我覺得Starry Bridal 好適合住喺元朗附近嘅新人，會比較方便！