嗰陣時我一聯絡佢哋，Starry Bridal好快就同我哋約到時間見面😍。Pre wedding嗰陣時已經覺得佢哋好好， 所以Big Day都搵咗佢哋💗。Starry Bridal會有一個群組入面有曬攝影師同化妝師， 所以溝通上都好方便。

因為我自己係好難做決定嘅人，而佢哋好清楚我想要啲咩，都會比到好多有用嘅建議我🤩。佢哋幫我揀衫嘅時候，真係拎到啲啱我風格嘅衫。我自己想着新款，佢哋知道又會特登留俾我💕。Big Day之前，Starry Bridal都有幫我執下個run down。Big Day嗰日佢哋好早嚟到，一直喺度Stand by，仲會幫我爭取多啲時間影相📸。臨尾嗰陣因為有少少趕， MC話唔好換衫，因為會趕唔切， 化妝師都好盡力試吓幫我換多套衫。

Pre wedding我哋去咗日本影， 揀景點嘅時候都有同團隊討論， 最後我哋影咗教堂同櫻花景🌸。 攝影師好專業同細心，我特別提過我唔係咁鍾意一啲角度， 佢哋都有配合我嘅要求😚，仲幫安排我哋影相嘅細節， 令到出嚟嘅效果會靚啲。同團隊相處得好舒服，大家之間好似朋友咁，所以我哋唔會太緊張，好輕鬆咁完成咗成個過程❤️。Starry Bridal擔心我着婚紗嘅時候着得唔係咁好，所以主動安排咗同事過嚟幫我着，佢哋真係比到好全面嘅服務我哋🥳。

Starry Bridal剪片剪得好生動！因為我有一首歌想放入去成長片段嗰到， 但嗰首歌有兩三秒空白咗， 佢哋就幫我將啲相整慢啲，所以就冇咗呢個問題💯。我自己屋企冇電腦， 如果用手機下載啲相要好耐， 團隊就幫我將啲相擺咗落USB，所以真係好照顧我哋，又唔會怕麻煩😝。我哋有啲咩困難嘅話，只要佢哋處理到都會幫我哋。Starry Bridal真係好貼心，好為客人着想，整體嘅相同埋服務都好滿意😆！

Starry Bridal嘅價錢合理，而且佢哋有個package係可以去沖繩影pre wedding，我覺得幾吸引，所以揀咗Starry Bridal😆。同事 Mandy好有禮貌，而且都好有耐性。因為我哋唔係咁清楚啲細節，佢哋都解釋得好詳細，仲會俾啲提醒同建議我哋😚！佢都好專業，會問我哋有乜效果想要，心目中想要嘅主題係乜，問得好細緻。過程中都唔hard sell💓！

出發之前Starry Bridal一直都有幫我哋計劃行程，佢哋仲幫手睇埋天氣報告，所以真係好貼心💕！男攝影師同化妝師都喺沖繩定居，所以佢哋搵嘅地方都好靚，捕捉嘅角度都好好！我哋影咗櫻花樹，山景同海景，影出嚟好有宏偉嘅感覺！我哋去嗰陣唔係櫻花季， 但都影到櫻花景， 所以佢哋真係好熟路😙！我自己鍾意美國村嘅夜景，真係好靚😝！攝影師仲會帶動下氣氛，令我哋放鬆啲。化妝師好細心同好照顧我哋，keep住幫太太補妝、整理婚紗同頭紗，仲會幫我哋執一執個髮型。

Starry Bridal啲相真係影得好靚同好有感覺❤️，服裝上又多選擇又靚，對佢哋真係好滿意🥳！