我會揀Starry Bridal租衫主要係因為嗰時比較急，而佢個地點比較近，所以搵咗佢哋。我當時直接上去佢哋度見面，即日揀埋衫落埋訂😁。 我覺得佢哋職員講解都清晰，服式嘅款都多。有啲款如果唔適合我嘅身型，佢哋都會坦白咁同我講返，最後我都揀到自己想要嘅款😍，我都滿意我揀嗰條背心型，裙襬長到落到地嘅婚紗❤️。

我第一次上去係媽媽同朋友陪我揀衫，第二次就同我先生上去租禮服。佢揀咗白色西裝，著落去都舒服🥰。佢哋啲衫設計都方便，易著易除。 因為我哋比較急去租衫，結婚前兩個星期先上去佢哋度。本身呢啲租衫服務可能都要提前幾個月，但佢哋都好開通，好快幫到我哋處理到，真係唔該晒佢哋🙏🏻😍。

我準備結婚時上網search資料，喺facebook度見到Starry Bridal啲婚紗相幾靚😍，同埋同其他公司比較，見到其他公司啲衫影出嚟啲相都類似，但價錢要兩三倍，拖尾款又要加錢，就覺得Starry Bridal明碼實價啲💪🏻。 我喺IG度同Mandy約咗時間上去，聽完講解之後，同一日試埋衫。我覺得佢哋服務好做到以人為本，唔會淨係喺度hard sell你，而係好似朋友角度咁同你講😍。例如有啲裙唔啱我，佢真係會講返條裙唔太合適，再建議返其他相似嘅款比我，感覺好窩心❤️，唔會有壓力。我身材本身比較豐滿少少，其實我自己都有啲介意呢一點。但佢哋嘅改衫師傅英姐真係好犀厲好專業，可以完全遮曬嗰啲比較唔好睇嘅地方，令我覺得自己都可以handle到啲衫😉。我覺得佢哋啲衫啲款好新，同埋啲款好多元化，由公主風去到性感風都有，可以揀好多唔同主題，呢點好值得一讚💯。所以我試完佢哋嘅婚紗相服務之後都覺得好滿意😍，之後big day都搵返佢哋。

兩次嘅化妝師都係Fion，我之前冇見過佢，係影婚紗相前一兩日先上去試妝。佢比我個第一印象好cool，起初都擔心如果我有啲意見佢會唔會唔接受，但相處落發現佢其實係個好nice嘅人🥰。佢好專業，會根據我嘅膚色揀返對應嘅化妝品，同埋佢自己啲工具都好齊，無論我提出啲咩都有方法做到我嘅要求😏。佢之前都同我哋傾一傾想要影到咩畫面效果出嚟，又會幫我整唔同髮型嚟襯返我嘅妝扮，好有心思，我都好滿意💕。Big day當日，姊妹長輩等等就有其他同事幫手化妝，都化得好靚同埋好快😉。

我哋pre-wedding去咗兩個地方，沙田碼頭附近同埋一個公園。攝影師好nice💪🏻，會講下笑搞吓氣氛同埋好準時，好把握到時間。我覺得呢樣嘢都好重要❤️，例如我哋想影日落，一遲咗就唔會影到。佢影出嚟啲片效果都好靚好溫馨，係我想要嘅野😍。而big day就係另一位攝影師，因為big day都好多客人，佢都好把握到時間。有時有啲賓客上到台影相都有啲緊張，佢都會講下笑嚟舒緩個氣氛。早拍晚播條片由開心去到溫馨，成條片都好smooth，表現得好好💯。