我喺2019年疫情未爆發嘅時候搵咗Starry Bridal去意大利影Pre-Wedding，佢哋提供好貼心嘅服務，令到我有一個好好嘅體驗。本身諗住遲啲big day都係搵佢地影相可惜遇着covid就有所改動。🙈

Starry Bridal package會包衫同化妝師，我覺得男禮嘅款式非常大路，選擇都頗多，容易搵到啱心水嘅款式；新娘子嘅款式比較多同新潮嘅。佢哋職員都會睇吓你嘅身形，然之後再俾意見，所以都好快揀到衫。😬

化妝師Fion真係星級化妝師黎，可以令你有種同平時截然不同嘅感覺。喺意大利嘅時候同攝影師嘅交流都幾多，本身熟絡影相都放鬆啲，影相嘅風格我覺得屬於自然，擅長捕捉真實嘅表情。😌

我覺得佢哋公司好嘅地方係意大利個trip到體現出來嘅。當時去意大利佢哋都提供咗好多秘境，有好多新穎嘅地點，俾我哋去參考。知道我哋鍾意大自然又會安排相應嘅地點。😌佢哋體貼到幫我哋請本地人去介紹名勝，本地人仲會幫手去攞某一啲場地嘅permission。咁我哋喺影相嘅時候就毫無顧慮、放鬆自在。呢個亦都係我覺得Starry Bridal最用心嘅地方。👍🏼

我當初係經過Starry Bridal見到禮服都幾靚，順便拎張宣傳單張了解吓。睇過之後又發覺真係唔錯，一條龍服務可以輕鬆應付晒我嘅需求。😙職員服務態度好好，詳細介紹套餐包咩係基本啦，仲好似朋友咁，會關心我book咗酒店未，甚至講晒成個儀式嘅程序俾我聽。😘 唔好以為佢哋會係咁sell啊，我之後搵嘅大妗姐、攝影都係我主動問起佢哋，叫佢哋介紹嘅。就算係佢哋自己嘅服務，佢哋都會勸我好好考慮清楚，比極大空間我思考。佢哋仲話就算參考埋人哋，再嚟搵佢哋都得。🤣

既然都搞得過大禮，喺package方面我都揀過最貴嘅，因為海味、水果都希望靚靚仔仔，有返咁上下質素，而佢哋嘅東西都冇令我失望。👍🏼 至於佢哋介紹俾我嘅大妗姐梁太，喺業內幫過唔少明星過大禮添，都肯定係非常有料啦。😆雖然我哋嘅過大禮唔係好大場面，地方都比較細，但係佢都可以安排得非常之隆重，充滿喜慶氣氛，甚至可以用誇張來形容。🤩

作為大妗姐佢對吉儀上嘅事都比較着緊，例如人數方面佢都希望盡量儲齊雙數，所以特登借埋司機俾我哋湊數。😬我哋過大禮6籃東西都可以擺到好似好大排場咁，咁一來係因為Starry Bridal嘅嘅籃非常得體，二來就係梁太真係非常之有經驗。😎

好多朋友都問點解過大禮可以搞到咁隆重咁正。Starry Bridal仲有介紹攝影師俾我㗎，攝影師又係好有禮貌，每一個人都會影低錄低，可以俾我之後再回味下添。Starry Bridal真係幫咗我好大忙🥰