今次影婚紗相嘅主角係我仔仔同新抱，我做阿媽嘅想送一輯婚紗相比佢哋，所以就聯絡Starry Bridal。因為仔仔就快離開香港工作，所以事情安排上都好趕急，係搵佢哋之後2日就要影到。喺咁急咁短的時間內都肯接受我呢張單，我真係要比間公司100分。💯

2日之內就處理好服裝、化妝的事情，公司有安排同事幫手試婚紗。佢哋公司攝影場景選擇都好多，花花草草應有盡有，全程喺公司入面影都唔會悶。雖然係一輯婚紗相，但我都有一齊影埋全家福。攝影師係一個女仔，姓吳。佢好好，講的說話好好聽，個人都會開心好多，影相過程都好有耐心比好多指導我哋。等我哋知道應該要點企點會比較靚，同佢相處、聊天非常舒服。👍🏼由於仔仔現在不在香港，公司都會專登寄相去，服務滿分！😃

當時我哋身在日本，想搵婚紗攝影公司，但係因為日本攝影公司嘅風格唔係好適合，一來覺得佢哋嘅拍攝風格都似以前嘅婚紗相年代啲相咁好死板好做作，二來價錢唔平，所以都係想搵返香港嘅公司，希望可以拍攝到一種真情流露嘅感覺。咁啱我知道Starry Bridal佢哋有同事喺日本，於是就即刻聯絡佢哋。🤔 成個溝通過程都好順暢好容易，大家同聲同氣，佢哋回覆都好快好詳盡，回應到我嘅問題。佢哋嘅職員吳小姐會比好多提示我哋，例如：當日朝頭早唔好洗頭，又會叫我哋帶一啲小道具等等。👍🏼

我哋拍攝景點唔同一般嘅大阪東京，反而係福岡嘅小倉大街、庭園同埋神社。我當初仲以為啲景點係真係就咁行入去就OK，原來好多拍攝地點原本係應該要買飛先入得，Starry Bridal佢哋就幫我哋處理好晒，完全唔需要我哋擔心任何嘢。可能因為疫情嘅緣故，啲場景好多時都冇咩人，我哋變咗好似包場咁，對於比較怕羞嘅老公嚟講，會舒服啲；二來後製嘅時候都唔需要Blur或者執走附近啲人。😆

化妝師除咗會主力幫我整一啲造型之外，偶爾都會幫先生執一執頭髮，同埋拍攝當日之前都有教過我點樣護膚。阿MAN佢拍攝嘅時候會比好多指示我哋，全部都好清晰，後期製作亦都唔會好誇張。學佢哋話齋：「唔會執到好似麵包超人咁」，都真係影得幾好。😌

我哋嘅package係八個鐘，但係好唔好彩影影下竟然落雨，開頭佢哋都有話可以再約過一個時間補返俾我哋。但係因為我哋唔係一落雨就即刻停，攝影師佢哋都堅持影多咗一個景點，攝影師阿MAN照淋住器材幫我哋影，總共都好似影咗成六個鐘左右，我哋就覺得已經好足夠喇！而且佢哋同事過嚟係好山長水遠，都要成個鐘頭車程，一來一回都已經兩個鐘，所以都無再約時間再影喇。佢哋公司都好彈性，有主動提出如果我哋後來想再影耐少少嘅都OK，佢哋會幫我哋keep住呢個Offer直到兩年之後。😁