囍點婚禮統籌
STARRY BRIDAL
4.6
香港元朗大棠路32-34號捷榮樓一字樓C室(教育路千色廣場對面)
2515 3310
關於 STARRY BRIDAL

兩個人陪你半生,一個人伴你半世,婚禮以後是迎的起點,卻是一隸樣的愛。囍點為你用心安排,提供一站式婚禮服務,包括婚紗晚裝, 化妝師, 婚禮攝影,創造美好的時光,留下永恆的回憶。



禮服類型:
婚紗晚裝
男仕禮服
禮服類型:
婚紗晚裝
男仕禮服
禮服類型:
婚紗晚裝
男仕禮服
禮服類型:
婚紗晚裝
男仕禮服
最新評論
整體滿意度
4.6
過濾評語:
Cheung
4
精選評論
我係Facebook搵到Starry Bridal呢間公司,又咁啱同我屋企一樣都係元朗區,所以就同我先生上去了解。比較左好幾間之後最終都係決定揀Starry Bridal影結婚相同big day一條龍服務。一條龍服務包括一隊攝影crew、化妝師、租衫(連埋媽媽衫奶奶衫)、姊妹裙訂造、姊妹化妝,除左過大禮之外佢地都一手包…

我係Facebook搵到Starry Bridal呢間公司,又咁啱同我屋企一樣都係元朗區,所以就同我先生上去了解。比較左好幾間之後最終都係決定揀Starry Bridal影結婚相同big day一條龍服務。一條龍服務包括一隊攝影crew、化妝師、租衫(連埋媽媽衫奶奶衫)、姊妹裙訂造、姊妹化妝,除左過大禮之外佢地都一手包辦。由影婚紗相去到Big day咁多樣服務加埋都只係$40000內😆,平民化既價錢但係提供有質素既服務。

我真係好感激Starry Bridal,佢地收唔貴既價錢,但樣樣野都做得好🙏🏼。佢地明碼實價,唔會有隱藏收費,唔洗另外加錢已經包曬相既soft copy,仲可以訂造埋6條姊妹裙🤭。 Starry Bridal既同事好盡心盡力咁幫我解決曬所有有關結婚既問題,我每次有任何問題都可以去公司搵佢地,有賓至如歸既感覺。揀衫既時候佢地會俾好多意見我,同我分析邊啲適合我邊啲唔適合我。

化妝師方面我都好滿意,影婚紗相個位同big day個位都好好,big day 個妝更加係好多賓客都讚我靚,個個見到都好開心!🤩攝影師都係一啲都唔馬虎,會用佢地專業既角度俾意見我。我覺得成個團隊合作得好好,好快手幫我做到我想要既野,甚至係extra既野👍🏼👍🏼。例如我big day前好急要攞簽名簿,本簿唔係向佢地訂但係佢地都肯幫我出去攞。big day之前同事同我地好詳細咁解釋當日既rundown,有咩問題都唔洗我煩,佢地搞掂曬。

不過我覺得佢地既服務可以再多元化啲,可能包埋餅卡、回禮禮物就更加好,佢地一條龍服務既優勢就係在於新人可以將所有野交曬俾一間公司,唔洗東一間西一間,唔會miss 咗啲野。我相信新人會肯俾多啲錢買佢地更全面既服務。😌

囍點婚禮統籌
2020.05.29

多謝張小姐嘅評語🤩唔好客氣喇! 拎本簽名簿好簡單姐, 最緊要幫到你哋嘛😆放心! 我哋會令我哋嘅服務更多元化! 祝你哋百年好合!

Chan
4.5
精選評論
Starry Bridal就喺元朗千色店對面,我哋嗰陣望到佢哋嘅招牌吸引咗我哋。佢哋有個system做online booking,就可以free幾件衫俾人試,咁我太太就去book咗上去試啦😆。

上到去我哋對佢嘅印象幾好,因為佢哋嘅裝修好適合做wedding,去到就覺得好舒服,同埋空間幾大,衫好多同keep得好新,跟…

Starry Bridal就喺元朗千色店對面,我哋嗰陣望到佢哋嘅招牌吸引咗我哋。佢哋有個system做online booking,就可以free幾件衫俾人試,咁我太太就去book咗上去試啦😆。

上到去我哋對佢嘅印象幾好,因為佢哋嘅裝修好適合做wedding,去到就覺得好舒服,同埋空間幾大,衫好多同keep得好新,跟潮流走得好前,比較上係元朗最新派嗰啲,所以就會吸引到好似我哋咁後生啲嘅人🥳。元朗其他間可能傳統啲,喺後生仔角度會無咁鍾意嗰啲款,依家興A-line同清新啲嘅款,Starry Bridal嘅款就比較年輕,啲staff都比較年輕,咁就好傾啲啦。雖然佢哋嘅staff全部都好年青,但係好熟手,仲有個阿姐係做車衣嗰啲。員工幫我太太揀衫嘅時候會問返佢有咩心目中想要嘅衫,又或者佢無idea嘅話,佢哋就會跟住我太太嘅諗法去設計。我太太比較細粒同瘦,有啲衫佢未必著到,佢哋就會介紹啲適合佢哋類型嘅衫,結果真係一拍即合,一試上身我太太已經好鍾意,試咗3件直頭想租晒3件咁🤣。所以我哋最後就用咗佢哋租婚紗、裙褂、姐妹衫、big day化妝同攝錄嘅一條龍服務。

太太仲有去試妝,化妝師好有經驗,會抽絲剝繭咁問個用家會prefer咩妝,問下問下就大概知道佢想要啲咩,之後就俾啲相佢睇,令到佢滿意👍🏻。有啲人無咩idea,化妝師就會介紹依家流行嘅妝,攞晒啲相俾佢睇下可以試下嗰啲妝,咁佢哋會覺得好細心,因為幫佢揀埋,就唔洗佢自己諗啦。最後試妝嘅效果好靚,都係一拍即合啦😝。

Big day嗰日化妝師好早就去到幫太太同啲姐妹化妝,見到佢哋好細心幫人化,出嚟嘅效果好好,一定係太太個妝最靚啦。攝影師哥哥臨場講嘢好風趣,又識啲大妗姐講嗰啲術語,我哋見到家長聽到呢啲說話都好高興啊😊。我哋有安排一段時間出去影相,佢哋好識搞氣氛,同埋因為我哋之前影過pre-wedding擺過啲pose,咁個攝影師講一講我哋就識得點做啦。

Starry Bridal真係好似懶人包咁,好貼身幫我哋諗晒所有嘢,咁我哋就唔洗咁奮身啦。佢哋有個員工係有wedding planner嘅certificate,可以免費幫人plan晒啲行程,佢哋個package就包埋呢個服務,平時係我太太同佢溝通嘅。我有少少麻煩,成日會十五十六咁,譬如朝早因為太晏去女家就會唔夠時間玩,佢哋就會俾我哋啲建議,係真係可以幫到我哋,我哋非常之滿意啊🥰。

佢哋呢個價錢包咁多嘢,喺元朗嚟講好值得,性價比好高。我會建議佢哋開分店,如果可以擴充下就更加好啦,平時我都見到佢哋舖頭有好多人,有啲結咗嘅都返去同佢哋傾計,好friend咁,睇得出佢哋service係唔錯嘅,希望佢哋做得更加好,衝出九龍,咁就有多啲人認識到佢哋啦🤩。

我會推介Starry Bridal俾其他新人,本身佢哋舖頭好舒服,好適合啲後生仔。我有陣時都見到有媽媽喺度有傾有講,佢哋嘅媽媽衫好多好靚,有啲媽媽會喺度租晚禮服去ball或者去唱歌,好似仲會介紹埋屋企人去join,所以佢哋嘅range好大。

婚禮統籌 - 全套服務
囍點婚禮統籌
2020.05.04

多謝陳先生嘅評語😍放心!我哋會努力加油,希望好快可以開分店🙇祝你哋甜甜蜜蜜!

最新優惠
聯絡商戶