當時除咗Chris Ling之外，其實我都有上網睇過其他團隊，最後揀咗佢哋嘅原因係覺得Chris Ling好熱情，加上有啲特別優惠，都幾吸引😆。團隊幾 helpful，有咩問題問佢哋都會俾到意見，所以我對佢哋嘅印象都幾好。我自己揀咗Chris Ling嘅pre-wedding 拍攝同租衫服務。講到婚紗款式，原本我都冇抱太大期望，因為佢哋平時冇乜特別宣傳啲衫😝。但去到之後，出乎意料嘅係，當我俾咗幾張相佢哋，同事好快就搵到啱我心水嘅款。相比起我之前喺外面試過好多間都搵唔到啱嘅，Chris Ling真係俾到驚喜我❤️。攝影師喺影相之前都有同我哋溝通過，問我鍾意啲咩風格，或者邊啲角度比較好睇，呢啲細節佢都有留意。揀地點方面，其實都係聽返Chris Ling嘅建議，因為佢哋比較熟路，知道邊啲地方啱影 pre-wedding，我哋就慳番好多時間自己去 plan🙌🏻。

我特別想讚嘅係化妝師。我影咗室內同室外兩輯，第一輯嗰陣我只係俾咗張相佢參考，佢真係化到我想要嘅妝容，效果好滿意😙。所以去到第二輯，我都特登指定想搵返同一個化妝師，最後Chris Ling都安排到。成個拍攝過程入面，化妝師唔只係幫我化妝咁簡單，仲會全程照顧我，好細心。幫我執下頭髮、補妝之外，仲會幫我拎下裙尾，甚至幫我拎反光板🥳。其實好多嘢唔係佢本身嘅份內事，但佢都主動幫手，真係好窩心。感覺佢唔只係化妝師，好似仲係助手咁，令我成程都好放心🌟。

成個拍攝過程入面，攝影師幫咗我哋好多。佢會主動教我哋點樣擺 pose，仲會帶動氣氛，令我哋冇咁緊張。始終新人第一次面對鏡頭咁耐，好容易會覺得尷尬，好彩攝影師引導得幾好，所以我哋都幾快投入到🥰。 啲相出嚟嘅效果幾乎同我哋心目中想像差唔多，原本個 package 包三十幾張相，但最後我哋都忍唔住加咗好多張，因為真係有唔少相好值得留低🌟。不過Chris Ling嘅客人真係比較多，有時候我哋講咗嘅嘢，可能佢哋會 miss 咗一次，要再提第二次，所以我覺得如果佢哋可以再增加人手，就會更加好！

Chris Ling 嘅相好啱我哋嘅審美，佢哋嘅構圖同色調都好吸引，同事又好有禮貌，講解清楚又詳細，俾咗一個幾好嘅印象我哋😍。 正式開始溝通之後，我哋同佢哋開咗個群組，無論係約時間去工作室試衫、揀相，或者有問題想問，同事回覆得都幾快，唔會有已讀不回嘅情況。每次上到studio，同事都好熱情又有禮貌，仲俾咗好多意見我哋，特別係有位同事 Yuki，每次都解釋得好清楚，收費係完全透明，令我哋覺得好安心😙。到試衫嗰 part，會有同事幫我哋揀款同accessories，選擇都好多。影 pre-wedding 嘅時候，攝影師會主動教我哋點樣擺 pose，唔洗我哋自己諗❣️。同埋當日雖然有落雨嘅狀況，但Chris Ling一早已經準備好 Plan A 同 Plan B，安排返唔同地點進行拍攝，完全唔洗我哋擔心。因為我哋話想影櫻花，同事就介紹咗幾個靚景點，啲地方係一啲唔算好多人知嘅，感覺特別貼心🌟。

成個拍攝過程都幾順利，大家相處得好融洽。最後啲相真係幾靚，我哋仲因為啲相太靚，揀相嗰陣糾結咗好耐，最後仲考慮要加相☺️。Chris Ling送嘅相簿同相框質素都唔錯。我哋一開始計劃拍攝路線時，Chris Ling會俾幾個建議地點我哋揀，我哋自己又再加咗啲想去嘅地方，團隊都好配合，成個過程都係有商有量😆。到正式拍攝嗰日，攝影師同助手都好照顧我哋，仲請我哋飲嘢，一路拍一路傾，好似同朋友相處咁😗。攝影師仲會教清楚我哋點樣擺 pose，唔需要自己去估，過程好輕鬆。Chris Ling 嘅服務真係好全面，除咗攝影團隊夠專業，化妝師都非常用心。記得影和服嗰次，佢幫未婚妻 set 嘅頭髮靚到當地人都讚，呢個真係幾驚喜。租衫、化妝、拍攝、都可以喺Chris Ling到一次過搞掂，真係好方便🥳。雖然感覺Chris Ling好忙，但溝通方面一啲問題都冇，我哋都非常滿意！