Chris Ling International Photographers
4.8
荔枝角永康街77號環薈中心8樓801室
2152 1933
關於 Chris Ling

1993 年在新加坡成立的 Chris Ling International Photographers 為當地的著名婚紗攝影品牌,深得新人們喜愛。

2009年Chris Ling在港設立分公司,為傳統的婚紗及婚禮攝影注入新元素,把創新的故事序述式婚紗攝影風格帶到香港,由Chris 帶領整個團隊內的攝影師及設計師等均為業內精英,對攝影的理念和熱誠是整個團隊的重心價值。 我們重視新人人生中至為重要的一次拍攝,希望作品中可以呈現新人真摯的感覺,為新人們保留最美好的回憶。

攝影地點:
本地
海外
攝影地點:
本地
攝影地點:
本地
海外
攝影地點:
本地
最新優惠
1
2
3
4
5

Chris Ling International Photographers HK 為傳統的婚紗及婚禮攝影注入新元素,把創新的故事序述式婚紗攝影風格帶到香港,由Chris 帶領整個團隊內的攝影師及設計師等均為業內精英,對攝影的理念和熱誠是整個團隊的重心價值。 我們重視新人人生中至為重要的一次拍攝,希望作品中可以呈現新人真摯的感覺,為新人們保留最美好的回憶。

現時預先透過婚享會Bespoke Wedding登記,可將最低消費落訂金額$5,000, 以$5=1里的優惠換取「亞洲萬里通」里數!

查看更多 >
最新評論
整體滿意度
4.8
過濾評語:
isaaclam55
5
精選評論
服務 / 婚宴日期: 2017.09.27      

第一眼望落去就覺得佢地嘅氣氛好catchy、好有故事性,所以吸引咗我地。



佢地好nice~唔會sell我地,只會講點樣影先靚。我問佢地嘅問題,佢地又答得到,就覺得佢地好專業~ 



因為我太太想去布拉格,覺得嗰度好靚,所以都好快決定去海外影。



攝影師影相手法好得意,而且好識得搞氣氛引你笑,會講啲好爛嘅gag引你笑然後捕捉嗰一刻!!同埋個化妝師唔知點解好似變咗我地個呀四咁~超級幫到手!



影出嚟嘅相好多,有啲質素真係好到你唔信,真係佢地先影得到!!佢地真係好識得捕捉嗰一個時刻,而且有故事性。啲相睇落係自然真實但又靚,真係好犀利!!同埋影相過程唔覺得佢影緊,就好似同朋友去旅行咁,好舒服 ~~



揀相我地都揀咗幾次~本身係50張度揀咗20張,不過諗諗下又想喺返嗰50張度揀,所以又返轉頭再揀過,但係佢地都唔會催我地,所以我覺得好好!不過揀相嘅時候,佢就只係曬咗一張張細嘅相出嚟,由於影嘅時候個pixel好大,所以好難就住咁細張相去睇出到嚟嘅效果。例如放大咗睇出嚟嘅神情會有啲唔同咗,好似差少少咁,如果佢地可以比我地喺電腦放大啲咁睇同揀,就會方便啲~



排版方面佢地前後其實修改過兩次,一開始就住我地啲相排咗個story先,後來有啲相我地想放大 / 縮細佢都可以即時幫我地修改到。同埋排版可以加啲文字喺上面,我地見去咗布拉格影相,就諗會唔會用捷克文會好啲呢?佢地都唔會嫌麻煩~當時我地成本相簿都已經排好哂,先想改用捷克文,佢地都好樂意改~~佢地喺呢啲位嘅修改同排出嚟嘅感覺都好有故事性同簡潔~~書中間個嗰摺位,佢地都會盡量避開啲人樣,可以見到其實佢地都好細心,整體都唔錯!

閱讀更多
Prewedding婚紗攝影
bkevinb
4.5
精選評論
服務 / 婚宴日期: 2018.12.04      

當初喺婚展度有啲講國語嘅同事叫我地過去睇睇,其實我地都唔知咩公司。去到Reception坐低之後Fiona就招呼我地,比咗好多相簿我地睇,又介紹下佢地影相嘅概念係點。佢地都好有多選擇比我地隨意去揀,亦好細心咁解釋咗好耐,都傾成個幾兩個鐘。過程中無乜點講個Package要幾多錢,去到知道我地鍾意先講,但又唔係話sell我地。佢地公司會根據每個couple嘅故事去做一本相簿出嚟,見到呢樣好似同其他公司唔同,所以我地就比呢樣嘢吸引咗,都係我地會想要嘅嘢。我地又覺得Fiona講嘢好踏實,唔係硬去sell自己,唔會令我地覺得好大壓力,所以我地就決定用佢地~



本身其實都無打算去外國,所以就留返喺香港度影。我地揀咗西貢,因為老婆係嗰邊住,就比較有回憶,同埋嗰邊嘅風景就好啲,感覺上會適合影結婚相~



當日攝影師同化妝師都好好,好nice!!攝影師Andrew好好,因為始終我同老婆都唔係好識影相,所以都覺得佢lead得好好。佢時不時都會叫我地自然啲,帶動到我地做啲動作,又唔係好惡嗰種攝影師。到食飯嘅時候,佢都只係咬個三文治就算,見到佢真係好勤力,而且佢影相拎嘅角度同位置都好好!佢都幾清楚個地點有咩地方可以影,就唔會出現去到先摸索嘅情況,做足功課!影相當日我地覺得好舒服~好似跟團咁哈哈!



化妝師嗰度我地就試咗兩款眼睫毛,so far都覺得ok。因為影pre-wedding嗰時就覺得隻眼有啲深色,不過佢就話影相個效果係需要深色啲,咁就相信佢啦~但係影到出嚟我地都係覺得深色咗少少,覺得如果可以清啲就好啲,於是就同佢講結婚嗰日想清新少少,咁去到結婚嗰日個妝就好咗好多!其實佢都好專業嘅~只係可能我地當初溝通得唔好,又唔係好識,所以先會出現呢個情況~Big Day嗰日佢都化得好好~而且佢唔會厭煩,態度好好!!



揀相嗰時其實爸爸媽媽都有一齊去揀, 四個人其實有不同意見~Fiona都好好,見到我地4個人stuck咗係度嘅時候,就會提返我地個相簿嘅目標係點,雖然啲相都係靚,但係如果重點唔喺度就要飛咗佢~Fiona亦都唔會催我地快啲或者sell我地再加相~ 我同老婆其實又唔係有好多特別嘅回憶,所以就唔係好有故事性,相簿出到嚟就好似唔係好出到我地想像中嘅原意,即係我地由幾時喺邊度相識,到一直以來發生嘅嘢。不過亦可能係因為我地講唔出一啲好Critical嘅嘢,所以就做唔到嗰個效果~



租衫嘅選擇同款都好靚~佢地好唔介意我地係咁試,亦都唔會介意我地經常上去試, Fiona間唔中都會話有啲咩新衫叫我地去試,亦都從來唔會怕煩。不過男仔嘅款式就比較少,因為我身高184 所以好多時都唔啱size會吊腳。我自己pre- wedding套西裝其實就好夾硬咁著落去,即係無話好fit身先去影pre-wedding就覺得美中不足,就係因為之前度過身就信佢,所以就無話再去度,但結果就真係唔得,連坐低都有啲困難,所以到big day嗰套我都有認真啲去度。雖然最終都要經過幾次request先做到,不過big day嗰套就好好。



Big day攝影佢地都幾專業,總共有3個攝影師。原先我地傾好影11個鐘,由8:30去西貢到夜晚11:00完成,不過我地就影得耐咗,最後多咗1個鐘,所以就交多$3000。雖然佢有講過run down 同提咗我地關於over time嘅錢,不過我就覺得如果可以講得再清楚啲會好啲~因為我地覺得呢個加班收費有啲太貴,可能中間又無乜時間比攝影休息,所以收呢個數。希望佢地可以flexible啲就更好,始終當日都預咗係全日幫我地影,而且我哋又已經比咗一舊錢嘛。但係我覺得佢地都係專業嘅,中間嘅過程都係好落力去影。

閱讀更多
Prewedding婚紗攝影
最新優惠
聯絡商戶