初初接觸 Chris Ling 嘅時候，團隊俾我嘅感覺好好，所有資料都寫得好清晰。化妝師一開始就問我哋會著咩衫、想行咩風格，仲會俾建議我去睇下可以點樣化妝，個妝化出嚟嘅效果我好鍾意，啱曬我想要嘅感覺，令我覺得佢哋真係認真又專業💕。 去到影相當日，攝影師態度都好好，會主動教我哋點樣擺 pose、點樣望鏡頭，令成個拍攝過程都好輕鬆。因為呢個係酒店送嘅package， 所以我哋都冇乜特別嘅期望， 諗住普普通通都ok，但實際上啲相好靚，室內都影得都好有 feel😍！

影相之前，攝影師都有問我哋鍾意咩風格，我哋仲 show 咗之前喺韓國影嘅相俾佢睇，佢聽完之後就明白我哋想補返啲大頭相同全身相，唔想啲相全部都太遠景同個人太細。團隊就安排咗啲角度同pose，幫我哋影返啲想要嘅畫面，出嚟嘅效果真係好滿意☺️！我哋影完相之後，收到相嗰陣真係幾驚喜。老實講，我都冇諗過室內相都可以咁靚，因為我哋本身比較鍾意影室外景，結果今次睇返 Chris Ling 呢輯室內相，覺得香港原來都可以影得咁有 feel💕。嗰刻我真係心諗，如果早啲識Chris Ling 就好喇🥹！

相比起之前另一間公司影嘅作品，Chris Ling 嘅相更能夠捕捉到我同另一半之間嗰種互動同感覺，團隊影出嚟啲相好自然。雖然我哋原本個 package 本身淨係包二十張相，但最後因為太鍾意，我哋都加錢買多三十張🤣，一共五十張相。最令我印象深刻嘅係，Chris Ling 完全唔會chur我哋買相。負責跟我哋嘅同事 Yuki 好nice，冇sell嘢嘅感覺，完全冇壓力🥰。反而我哋自己睇得太開心，主動話想要多啲相。Chris Ling 嘅價錢都合理，仲送咗油畫同相簿，成個 package 好公道🌟。如果團隊可以俾多啲相我哋揀就好，因為同事解釋有啲相可能眨咗眼，所以冇keep到，我都明白嘅～但有時新人都會鍾意啲自然同搞笑嘅畫面，有啲相雖然唔完美，但都係回憶😜！ 

我哋覺得Chris Ling介紹嘅 plan 幾啱我哋需要，所以決定 join 佢哋。因為我係香港人，太太係澳門人。我想喺香港註冊，太太就想喺澳門擺酒，咁啱 Chris Ling 可以 cover 到兩邊，幫我哋做一個完整嘅安排，對於我哋嚟講真係好方便，所以冇再考慮其他公司，就直接揀咗佢哋👍。Chris Ling俾我哋嘅感覺都幾好，同事好 nice，又主動幫我哋 settle 好多細節。其實我哋對流程嘅嘢都唔清楚，又冇請 wedding planner，所以好多嘢都要自己摸索。Chris Ling會幫我哋check啲文件同俾意見我哋，我哋都覺得佢哋服務幾貼心🙌🏻。 

最深刻係Chris Ling嘅攝影師好好，婚禮當日雖然有plan流程，但現場一定有啲變動。攝影師好有經驗，識得調整schedule，仲會建議我哋加插啲原本冇嘅環節，例如係玩遊戲嗰 part，本來諗住玩半個鐘，佢建議可以玩耐少少，影多啲相，結果成個 morning session 豐富咗好多😍。另外，佢掌握時間掌握得幾好，時間上如果甩咗少少schedule，攝影師都會同兄弟團、司儀溝通，幫手追返啲時間，當日又幫我哋影咗好多相，呢啲細節令我覺得佢哋唔只係影相，仲會主動 lead 住新人😆。 攝影師仲會主動指導我哋，例如教我哋擺 pose同拎角度，令到當日我哋唔洗自己亂諗，唔會咁緊張。團隊仲會因應自己嘅風格俾建議，我哋跟住做就影到想要嘅效果💕。

成個拍攝過程順利，溝通都好舒服！如果Chris Ling早啲清楚交代 OT 收費，俾定心理準備我哋就會更好！整體嚟講，我對 Chris Ling 團隊嘅服務非常滿意。攝影師專業、有經驗，最後嘅成品我哋都好鍾意❤️！