因為Chris Ling嘅一條龍服務好方便，化妝、租衫同攝影都可以喺同一間公司做埋，咁就可以慳咗唔少時間🌟。Chris Ling 團隊俾我嘅第一印象係專業同有禮貌，初期嘅溝通都好順暢。 最後我哋揀咗佢哋嘅pre wedding同Big Day嘅package🤩。

喺拍攝Pre wedding之前，Chris Ling有同我哋討論過我哋有啲咩共同興趣，再決定去邊到影😝。Chris Ling Studio嘅佈景keep得幾好，場地都幾新淨。至於室外景，佢哋會同我哋商量下去邊，我哋最後揀咗迪欣湖同大帽山。影相嗰日嘅天氣唔算熱，10 月尾嘅氣溫仲幾舒服。攝影師 Andrew 表現得好專業😚，會俾清晰嘅指示，教我哋點擺poses同就角度，仲會幫手搞下氣氛，令成個過程輕鬆啲🌟。Big Day 我哋揀咗2P1V，Chris Ling團隊分工清晰，會有攝影師專注影正面相，另一位就影其他角度。敬茶嗰陣時都會跟住我哋，當晚播嘅在早拍晚播我都覺得幾好，都好識去capture啲moment💯。

Pre Wedding同Big Day嘅化妝師都係同一個，Pre wedding嗰陣已經覺得唔錯，Big Day當日轉妝嗰啲都ok。衫嘅選擇都幾多，試衫嘅環境亦都舒服。 無論係問化妝、攝影，甚至其他細節，Chris Ling嘅回覆速度都好快，同事亦好重視我哋嘅意見👍，例如pre wedding相有啲需要調整嘅地方，佢哋都會幫我哋執返好。我哋都好放心交俾Chris Ling😆！

之前行街嗰陣見到有攝影公司擺booth，咁啱就睇中咗 Chris Ling 嘅相簿好靚，啲相嘅風格都比較有特色，所以就搵同事了解下啲details❤️。同事都幾易相處，好願意share啲資訊俾我哋，又好認真聆聽我哋嘅需求，再介紹返啲package俾我哋，一啲都唔hardsell😋。

喺影pre wedding之前，團隊都會事先同我哋開個會，問吓我哋意見，再幫我哋安排好行程，又會問我哋有冇咩特定嘅主題或喜好都可以提出嚟，佢哋都會盡量配合返我哋嘅需求，幫我哋搵啲景點，非常尊重新人嘅意見🥰 。因為我哋去到日本嗰陣，啲櫻花仲未開曬，團隊都好好，每日keep住update我邊到會有多啲櫻花，又好照顧我哋嘅情緒，係咁安慰我唔洗咁擔心。 攝影師又會幫手搵角度影啲櫻花， 令到張相睇落去好似好多櫻花咁😋！ 攝影師都非常專業，會教我哋擺啲pose，又時不時教我哋點企會靚啲，又會講啲笑話活躍下個氣氛，成個過程我同先生都覺得好輕鬆，好愉快，連攝影師都話我哋笑得好自然。😆

本身我喺開會嗰陣，有提過想去日本影啲遊樂場嘅地方，尤其係啲小朋友好鍾意跳嘅架，不過我都知好難搵，但係攝影師最後都幫我搵到個景，仲有好多櫻花，勁浪漫🥹。成個日本我最難忘最深刻嘅就係遊樂場嘅景，非常多謝攝影師嘅心機。💯 Chris Ling 嘅每位同事都非常重視我哋，無論係前期或後期嘅服務都勁周到，而且佢哋交相嘅速度都幾快！👍🏻