我屋企人一直都有搵開Chris Ling影相，例如大肚婆相🤰，畢業相🎓等等，所以我嘅prewedding同埋big day嘅相二話不說都揀咗Chris Ling。我哋都覺得佢哋嘅影相風格同埋Service都好好，我就直接搵咗serve開我哋嘅Yuki傾package😏。

揀衫嗰陣，職員都好nice同好有經驗，當我同佢哋講自己的要求，例如最想修飾邊個部位，跟住佢哋就會幫我介紹一啲適合我嘅款式。由於禮服款式太多，所以我都唔知揀咩好，🥺款款都鍾意，但職員都會比好多建議我，同家姐合力幫我揀到幾件心儀嘅款。最特別嘅係我迎賓嗰一條湖水色嘅晚禮服，我覺得呢件好甜美，而且心口嘅設計顯得胸型更靚😍，而敬酒嘅禮服背部設計都好特別。

至於化妝師幫我化出嚟嘅妝我都好鍾意，起初我有同佢講我想要嘅風格，出嚟嘅妝面都好自然，遮蓋到我嘅陳年黑眼圈😂。化妝師仲好盡心，big day當日因為我喊唔停，本身黐好嘅眼睫毛都甩晒，佢幫我補妝嘅時候仲要每一條都整齊咁痴返好。而且佢嘅變數能力好快💯，本身我講好嘅髮型到臨場想更改，佢都可以即時滿足我嘅要求。而Yuki又會帶一啲飾物幫我襯衫，最後出嚟嘅效果我好滿意🤣，有好多嘢佢哋都幫我準備好晒，我唔需要有呢方面嘅煩惱。 Prewedding嘅時候，攝影師Andrew除咗影相好得，仲會幫我揀埋我想要嘅拍攝地點。因為我平時係一個少影相打卡嘅人，對影prewedding最大嘅要求係好想影到芒草同花草樹木🍃🌼。Andrew聽完我嘅要求之後，佢幫我plan好晒成個攝影rundown。而且拍攝當日所有嘢都進行得好順利。佢仲要特登留時間俾我食lunch，真係好貼心。我哋仲有帶貓貓🐱去室內嘅studio影相，我哋都揀咗嗰啲相做油畫❤️。

Big day當日，攝影團隊除咗搞好氣氛之外，佢哋仲準備充足，例如我當日手上嘅金器戴唔晒，好彩有位攝影師佢帶咗紅繩俾我，佢哋有埋呢一啲服務真係令我好驚喜🤩。另外，我想特別讚下團隊嘅貼心。因為原本我plan咗個rundown overtime咗好多，於是Andrew就比咗好多意見我，幫我修改rundown，刪減啲過長嘅環節嚟控制返個時間，因為佢哋都明白到結婚要用好多錢，都唔想我哋洗咁多OT錢，真心為我哋著想😍。而整晚嘅拍攝我都好滿意，佢哋全日跟到我尾，影出嚟嘅相又好專業，即使我有鏡頭恐懼症，佢哋都引導我同屋企人影得自然啲，有家庭溫暖同埋愛情氣氛。我啲親朋戚友都讚佢哋好融入到婚禮嘅氛圍👍🏻，真係好多謝佢哋咁盡心盡力🙏🏻。

我哋認識Chris Ling International Photographers喺係Bespoke Wedding嘅網站見到Chris Ling嘅作品有攞過獎🏆，而且我哋感覺到Chris Ling嘅作品好有感染力同好有Heart去影😍！相對比較下，其他公司影出嚟嘅效果只係一個好靚嘅Model同好靚嘅景，好形式化同好生硬。Chris Ling影出嚟嘅相正正相反🥰，佢可以影到我哋新人之間story嘅感覺💯。

咁啱我哋行婚展時見到佢哋🤩，我哋就行去想問佢哋Package問多少少，佢哋嘅Staff Fanny介紹時真係好nice😊，例如當我表達我有好多顧慮嘅時候，佢都會俾到信心我💪，又會解釋清楚收費，所以最後我就join咗佢哋Pre Wedding嘅一條龍服務。

Fanny係follow同安排埋我哋成個package嘅過程，甚至佢都係我嘅化妝師，一人身兼多職，真係好厲害👍🏻。 試衫嘅時候係Fanny同另一位Staff Yuki 幫忙，Yuki眼光真係獨到，我本身唔太想試絹面質料嘅衫，但喺Yuki嘅大力推薦下，我發現其實我着絹面嘅👗都幾好睇，上身嘅效果係飄逸仙氣🤩，完全打破咗我對絹面笨重、誇張老套嘅固有印象😂。我甚至覺得佢哋推薦嘅呢一條裙係最靚嘅😍，感受到佢哋經驗真係好專業💯，好慶幸有佢哋幫我揀，因為我揀嘅話未必可以搵到個款式咁適合自己😆。另外，Fanny同Yuki超熱情🔥，例如我網上見到一條裙嘅款式幾鍾意就問佢哋睇下有冇類似嘅款😉，而佢哋咁啱因為要搬Office ，本身Pat好晒所有嘅裙比較難搵，但佢哋都特登開箱搵番我想要嘅款式俾我試，真係好用心❤️ 。

而係化妝Set頭方面，我事前send咗D心水style俾Fanny睇，不過Fanny都會根據我着嘅裙配合番要Set咩髮型同化妝，仲要每次出嚟嘅造型都係超級靚同適合我😍，真係好專業💯。而且我仲覺得佢超級手巧💗，我即場用完嘅道具，Fanny佢就地取材自製頭飾，創造力比我想像中強得多👍，所以造型上完全交晒比佢，我超放心😉。仲有，Fanny當日化出嚟嘅妝都係超出晒我嘅預期，真係好靚😍！而且喺拍攝期間好趕急轉場影相嘅情況下，Fanny都好細心咁幫我執好妝容上嘅每一個細節💓，佢Set嘅每一個頭同妝容嘅服務，我真係好滿意❤️！

攝影師Andrew係一個有幽默細胞嘅人，我全程都笑得好開心😊，因為佢好落力引我自然咁笑，避免我緊張😂。而且佢哋攝影團隊對拍攝嘅流程考慮十分周到，因為我哋嘅拍攝流程本身係分咗兩日進行，初初第一日拍攝時係預定去山頂公園，但好可惜天公不造美，所以Andrew就好好咁幫我哋諗咗後備方案😊，建議我哋去獅子會拍。當我哋去到獅子會拍攝時，我哋都覺得獅子會好多地方都好好💗，而且佢哋對嗰個場地好熟悉，好快就知道係邊度影相先係最靚嘅💪，影出嚟嘅效果真係超喜出望外❤️！

而第二日咁啱天氣轉晴返，佢哋仲會幫我追番時間，滿足我想去山頂公園影嘅期望😍。雖然第二日嘅行程比較趕急，但可以一次過去晒山頂公園、石澳、飛鵝山都影哂，我全程超enjoy，好多謝佢哋咁配合我，又為我着想💗。最後，室內影嘅所有相都係出乎意料地好好睇🥰，有家居feel嘅自然風，我好鐘意💕。之後團隊佢哋好快就執好我揀嘅相，仲排埋版添，做嘢真係好有效率🤩！張張相我都好鍾意😍呀！好開心可以遇到一個咁好嘅團隊💯！