有一次我喺朋友屋企見到Chris Ling幫佢哋影嘅婚紗相，嗰陣已經覺得Chris Ling嘅攝影風格係我鍾意嘅style😍。之後都有比較過唔同攝影公司，但覺得無論係顏色，同埋拍攝風格，我都係最鍾意Chris Ling🤩。所以，我哋就去了解一下Chris Ling嘅價錢同埋約上去佢嘅Office傾Detail。上到去，Yuki好仔細咁樣講解佢哋嘅package，佢了解咗我哋需要之後，會建議返我哋揀相應嘅package😀。最後我哋就揀咗影全日嘅Pre-wedding，包括影室內同室外，而禮服就包一套婚紗同一套禮服，亦都包埋化妝。之後，Yuki會一直follow up我哋嘅嘢，影相前一日仲會提返我哋要幾點出席，要帶備啲咩嘢，佢真係好貼心😘。

我覺得Chris Ling嘅試衫嘅環境都幾整潔，啲職員都好幫得手，我哋着禮服嘅時候唔係好純熟，佢哋都會好細心咁協助😊。仲有，佢哋啲款式都好多。職員會先問吓我哋想要咩款式，之後會根據我哋鍾意嘅風格再揀多幾套俾我哋比較下。我揀咗其中一套好特別嘅，係吊帶款式，但裙肩上面加一啲紗，做到有衣袖嘅效果，一件衫有兩種着法。由於我見嗰度啲衫都好靚，所以我哋自己都額外加錢租多咗一套婚紗同一套禮服😽。

另外，Fanny幫我化妝嘅時候都會迎合我嘅需要，例如我提出唔想化得咁濃妝，佢都會好願意配合🤗。佢又會幫我設計埋髮型，影相成個過程髮型都好齊整，唔會好容易散，就算有少少凌亂，佢都會即刻幫我整，好細心👍🏻。而攝影師Andrew都好好，嗰日不停講笑話引我哋笑，令我哋笑得自然啲，又會教我哋唔同嘅動作影相📸。本身我哋想喺12月嘅時候想去飛鵝山影芒草，但不幸地嗰陣我哋中咗，到我哋真係要去影嘅時候嗰度只淨返乾草🤣，但係Andrew好犀利，可以將啲乾草影到好似芒草效果咁，亦係我預期中想要嘅效果，呢樣嘢真係令我覺得好驚喜，佢真係好勁😍！

影完之後Andrew會先幫我哋tune色，到我哋揀好想要嘅相，佢就會幫我哋修圖同埋排版。喺等待嘅一個月中，我覺得有啲緊張，不過出嚟嘅效果我都好滿意🥰，甚至比我預期中好🥳。

我哋打算帶埋二隻貓貓🐱🐱一齊影Pre-wedding，問咗Chris Ling 嘅Package可以比我哋帶埋貓貓一齊影，仲要無額外收錢真係好吸引😍。而當日接待我哋嘅Yuki都好Friendly，好健談👍！ 因為我哋想影海同白色築物，所以同攝影師Andrew傾完之後，最後我哋去咗石澳，荔枝角公園影，之後再返Studio同貓貓影！

我同我先生兩個平時望住鏡頭都會覺得尷尬😂，笑唔出嗰啲人嚟，所以同Andrew講我哋想要Chok啲嘅效果。但Andrew好專業🥰，不停教我哋擺Pose，而且每個指示都好清晰，令我哋好放心❤️。佢個人仲好Nice又好Fun😝，我哋成個拍攝過程好順利，完全無尷尬🥳！之後去到Studio，因為我啲貓貓好怕生保，所以要等貓貓適應吓環境先開始影相，但佢哋都好有耐性等，完全無催過我哋！🤩 我想特別讚下Chris Ling啲同事同攝影團隊嘅應變能力好強👏🏻！我哋從籌備到舉辦過程都有好多決定不停改變，亦有啲小插曲，但佢哋每一次都配合同處理得好好！值得一讚👍🏻!