我本身都有特别留意 Chris Ling 呢間公司，因為我鍾意佢哋影相嘅風格，感覺好活潑又好自然，睇到相入邊嘅新人嘅笑容好真實，係發自內心咁笑，個feel好啱我哋，就去了解多啲。同事Yuki好friendly，同我傾計過程當中都會了解我嘅喜好，會介紹返一啲櫻花景俾我，又唔會hardsell我，真係見到我有興趣先會詳細咁介紹多啲資訊俾我。👍🏻 後尾我都覺得佢哋成品特别吸引到我，就join咗海外影pre-wedding嘅package。

因為我嘅身型比較難搵到合身嘅衫，不過 Chris Ling 提供嘅選擇都算多，又有同事同我哋一齊揀。同事都好有耐心，會不停俾啲意見我哋，又會推薦一啲衫俾我，非常熱情。而且我老公份人都好怕醜，但係連佢都感受到同事嘅熱心。我哋可以喺Chris Ling到試到啱為止，同事又好好傾，令我哋覺得非常welcome新人！ Chris Ling 仲有一位裁縫師傅專門為新人微調一啲細節位，可以即場試到個效果係點，又唔會charge我哋費用。😍 我覺得呢點非常好。 ❤️ 化妝師係我覺得特别正嘅其中一part🤭，我冇去試過妝，淨係提過我想要公主風嘅妝，佢都好快就get到我想要乜嘢。化完出嚟我都好驚喜！完全係我想要嘅妝，而且成日落嚟佢都幫我轉咗幾個妝，可以有啲唔同嘅look！

我哋喺日本到影pre wedding，所以就有著和服。化妝師都特登幫我紥個髮型嚟襯返，又唔會顯得我面好大，非常有技巧。💯 攝影師都好好，所以拍攝期間都唔覺好辛苦，大家做嘢又好有效率。由於櫻花係季節性，所以團隊都有提前準備好其他方案， 超級有心機！基本上我哋去嘅景點都超靚，好有特色，而且全部都係隱藏景點，唔會有遊客經過，呢點我真係勁欣賞佢哋，好用心咁幫我哋花心思同埋時間去搵呢啲靚景。🤣 啲角度全部拿捏得好好，就連好普通嘅互動都影得好幸福🥰！ 同事都好有熱誠，幫我手揀仲幫我排好啲相，成輯相出到嚟好有故事性，而且Chris Ling仲會print好曬啲相俾新人，令我哋可以睇到實際嘅效果。 每位同事都好好相處，次次上去都有講有笑，心情超好。我仲記得試衫嗰陣，我額外加咗套衫，件衫就想加多塊紗變成一字肩，佢哋都話做到嘅嘢就做俾我，又冇再charge我其他費用，好warm，感受到大家對新人嘅重視同用心！ 

我之前見到Chris Ling有擺booth，就過去望一望佢哋啲作品。我哋睇過之後都覺得Chris Ling攝影嘅風格比較啱我哋。當時serve我哋嘅同事Fiona好熱情咁向我哋介紹Chris Ling嘅攝影服務，但冇hard sell我哋！同其他公司比較，Chris Ling嘅配套多啲選擇之餘，價錢都好合理。一個package包好多service，例如係租借婚紗同化妝師，所以對於我哋嚟講Chris Ling呢一個選擇慳錢之餘又可以慳時間。我同太太商量完之後，大家都比較滿意Chris Ling影嘅相，亦都好中意同事Fiona誠懇嘅服務態度，所以第二日我哋就去搵返Fiona直接落訂！☺️

我哋揀咗海外影pre-wedding嘅plan，Fiona就話呢一個plan會送多一輯免費嘅相簿，所以我哋就決定一輯喺海外影，另一輯就喺香港影，令啲相可以更加多元化同豐富。🤩落咗訂之後， Fiona 就約時間同我哋傾返啲細節，對於海外拍攝我哋都冇乜諗法，攝影師就有recommend一啲比較熱門嘅地方俾我哋，例如係韓國同日本。我同太太就覺得呢啲國家好多新人都去影過，就想搵啲比較特别啲嘅地方影，所以我哋 最後就討論去布拉格影，佢哋都非常有經驗，好快就已經計劃咗一啲景點同埋路線俾我哋，感覺Chris Ling好願意花時間幫新人解決啲問題，非常helpful。

拍攝前，攝影師會問下我哋關於攝影嘅風格或者角度之類嘅嘢有乜要求，或者平時我哋中意點影。影相之前亦都會大概同我哋講返會去邊個景點拍攝，有乜地方需要留意。佢哋會確認好啲細節位，表現得非常專業。攝影師會製造氣氛，講吓爛gag，令我哋冇咁緊張。我哋平時都唔慣對住嗰cam，所以攝影師都會教我哋點擺pose，搵好多唔同嘅角度拍攝。 雖然影足全日，我哋都好攰咁keep住笑容影相，但係成個過程都好開心。攝影師都非常friendly，同佢哋相處一啲都唔尷尬😆。佢哋又會盡量幫我哋影多啲靚相，對我哋好上心，唔會有個種夠鐘影完就走嘅感覺。

影完海外嘅景之後，返嚟香港， 負責香港拍攝嘅攝影師Andrew 都會同我傾吓關於啲景點嘅安排。佢都話推薦我哋去中環同石澳影相。兩位攝影師都會指導我哋啲pose，俾好多指示我哋follow，而且Chris Ling啲攝影師水準真係冇得頂，個個都好專業，影出嚟嘅效果都一樣好自然，唔會好浮誇。最開心就係無論喺邊個景點拍攝都好，天氣都非常好，所以成個拍攝都比預期順利🥳。

化妝師Fanny全程負責幫我哋呢一對新人化妝，連去海外trip，Fanny都係全程跟到實一實。Fanny非常搞笑，會時不時同我哋傾計😙，又會根據我太太件婚紗幫佢襯好啲頭飾，首飾，亦都會問吓太太嘅意見。妝容方面都會問太太想要點樣嘅妝容。Fanny嘅髮型同妝容太太都非常滿意，原來唔同衫可以夾到咁多唔同類型嘅妝容，非常之好。我本身嘅package就包埋男士化妝，set頭。不過我習慣自己set頭，所以Fanny就幫我簡單化少少妝，個人睇落會精神啲。Fanny亦都會同攝影師夾好啲rundown，唔會怕麻煩，佢哋之間都幾夾，會知道陣間要補妝或者set頭。

收到相之後發現啲相，同我哋想像中嘅效果一樣，好靚同好自然，我同太太都好滿意！啲相有好多唔同嘅背景，成輯相令人嘅視覺有豐富嘅享受。另外，我都想分享吓好難得可以遇到 Fiona 咁好嘅同事💯 ，其實Fiona係一位designer，所以對於揀衫方面就會多啲經驗同埋心得。我太太當時全靠 Fiona 推介啲款式俾佢，先可以咁快決定好啲衫，而且啲衫都啱我太太嘅身型，可以突顯出婚紗嘅設計，加上Chris Ling唔會好似其他公司咁俾壓力新人，限制新人淨係可以試幾件。呢點非常好，可以令新人更加放心揀！