我哋影Pre-wedding嗰陣已經有留意Chris Ling，但嗰陣最終都冇揀到佢哋影Pre-wedding，揀咗其他公司，而家諗返都覺得有啲後悔🥺。 之後我哋喺婚享會網站見到Chris Ling 嘅Comment好好🤩，加上我哋之前睇過Chris Ling 作品😉。佢哋影相主要 Focus 喺新人互動方面，相影出嚟自然又唔做作，完全流露到新人當時個種喜悅🥳，我比較鍾意呢種Style，所以Big Day揀咗Chris Ling ❤️！

另外，我哋都租咗佢哋嘅禮服。試衫嗰陣，覺得啲Staff好親切😊，比咗好多Comment我哋，又唔介意我哋試咗好多套衫，好樂意幫我哋試到啱為止！我哋第一次上去都試左3-4個鐘，佢哋一直好好服務態度。我覺得佢哋Studio環境又大又舒服 ，同埋佢哋男女禮服👰🏼‍♀️🤵🏼‍♂️嘅種類比較多。而男士西裝質地仲好好👍🏻，好多款式喺市面都唔容易搵到。

我哋Big Day個Package係包🎥2P1V會全程跟住我哋。當中，我好深刻印象，就係朝早我哋佈置酒店房嗰啲Decor不停跌落嚟，但攝影師都好主動幫我哋執起，仲教我哋點樣黏得實啲，同點佈置影相好睇啲。雖然佈置唔係佢哋嘅工作範疇，但佢哋都樂意比意見。💯 到晚宴時間，攝影師團隊好識搞氣氛，又細心🥰。佢哋每一次影相之前都會排好台上嘅位，再安排親戚朋友上台影相，令成個攝影流程都好Smooth。仲有好多親戚朋友都大讚早拍晚播剪得好好。 我最欣賞佢哋剪接記錄Big Day嗰條片，有搞笑位又有感動位，剪得好好，我真係好鍾意❤️。因為Big Day當日我哋太忙，根本冇時間去留意親戚朋友嘅表情動作，但攝影師喺方面捕捉得好細緻，我哋睇返真係覺得好感動🎊！

我朋友搵Chris Ling佢哋影完prewedding之後都好推介😍，我就上IG睇吓佢哋啲相，覺得佢哋拍攝手法比較輕鬆啲，都啱自己😆。我join咗2日prewedding攝影，一日外景一日studio，就有包埋衫同化妝😉，另外Big day都係搵佢哋做即日攝錄📸。

佢哋studio都幾舒服，好闊落，service都幾好💪🏻，試衫嗰時有俾意見同埋幫手著衫😆。我身型唔係幾瘦，都幾大份，幾多衫都會顯得我幾巨大，佢哋嘅staff Fanny都會俾啲建議❤️。我試完未必覺得好啱，佢都唔介意再叫我試多啲其他款。最後我Outdoor揀咗件一字肩，可以加一件衫變中袖，可以一件衫影2個款，都幾特別🥰。件衫著上去都舒服，改完都fit💯。

Fanny都幫手化埋妝，出去外影時都有幫我手攞住條裙😍。啲妝佢都化得幾有心機，室內同戶外都有唔同嘅妝，outdoor淡少少，indoor就濃少少，我覺得配得幾好 👍。髮型方面我有講我唔鐘意太曲，佢都有夾完之後幫我梳返做唔好太曲，亦都做得好快手💯。整完一次我覺得都係太曲，佢都唔介意幫我再整😉。

Prewedding攝影師Andrew，好nice，我先生係木頭人嚟，而且我哋9點影到成5點鐘📸，有時真係笑到好攰，佢就會講啲好笑嘢引我哋笑然後影低，影得好自然👍，真係好鐘意佢🤩！我原本Big day 都想搵返佢幫手，可惜當日佢有其他job要去外國影相。然後我哋影室內景嗰時係１月，好鬼凍，佢哋都特登有開暖氣俾我，都幾細心😍。啲相效果我都幾鐘意❤️，外影第一個地點影可能比較早同未warm up我就麻麻地自己個樣，但之後嗰啲都好自然好鐘意🥰。

我最鐘意喺三跑維修區度影嘅相，地點好特別，加埋日落好靚😍，同埋可能覺得可以就快收工個樣都笑得自然啲，哈哈😆。啲相真係好靚💯，我最後都加錢add on 咗60張～ Big day package包咗成長片段同早拍晚播😏。成長片段我哋好貪心俾咗好多相，佢哋都盡力幫我哋加入去👍。佢哋都好有耐性同埋肯聽意見，來來回回都幫我哋改咗2次。至於早拍晚播條片，我覺攝影師Calvin好細心💪🏻，佢觀察到我哋嘅性格係點嘅人，條片有返我哋風格，好輕鬆好搞笑😆，唔會幫我加啲浪漫元素，呢樣好值得讚💯。佢哋成個團隊都好活潑，屋企人都話佢哋好好🥰！