其實啱啱開始搵攝影公司嘅時候，我都上網睇咗好多，去到婚展都只係會攞資料。當我去到Chris Ling嘅攤位嘅時候就被佢哋嘅相版吸引咗，我都有坐低聽講解，但係都冇立即落訂，始終都覺得要 check真啲，睇清楚啲人嘅comment，唔好衝動落單。

我決定用邊間公司首要條件就係check comment同埋睇佢哋嘅IG。我係bespoke個網站見到Chris Ling 唔單止好多新人讚，我更加留意到嘅就係佢哋嘅相版唔係嗰啲用Model影出嚟嘅sample，而係真係用過佢哋服務嘅客人嘅相。呢一點好重要，因為如果見親張張都係Model嘅話嗰啲根本就係零死角，冇可能唔靚！

而如果佢哋係用真實客戶嘅相版嘅話我點都覺得安心啲，再加埋我睇佢哋IG真係有返咁靚我就有信心再聯絡佢哋上去confirm用佢哋喇。 好記得將近拍攝之前都會去揀衫，佢哋揀衫唔會好似其他公司咁樣有分乜嘢級別，又話分乜嘢grade；想要靚少少又話要加錢又乜又物，佢哋真係好清晰講到明邊啲款係for Pre Wedding，邊啲款係 for bigday，界別只係得2款，就係咁多。

其實 Pre Wedding 真係好多款，而佢哋真係俾我喺Pre Wedding裏邊見到邊款就可以著邊款！呢一點我真心要讚。仲要提嘅就係，佢哋拍攝之前都會約我哋開會，講到明，例如假眼睫毛如果要用佢哋嘅話就要加$100 ，但係亦都講到明就係如果我自己有假眼睫毛的話當日就可以我自己帶假眼睫毛唔需要用佢哋嗰套就唔需要加錢。佢哋咁樣處理其他收費我好appreciate，因為咁樣真係令人安心好多，唔會怕好似時不時有隱藏收費突然會提出會伏我咁樣。

不得不提就係拍攝嗰日係年初四，我哋去山頂嗰日唔知點解超多人，超塞車，塞車塞到完全行唔到。當時我同我男人都好急因為心諗死啦趕唔到去影相，但係佢哋團隊好有急才，立即提出轉地點去香港公園嗰度影。呢一點我真係要大讚佢哋咁識執生，真心為咗幫我哋趕景點去變通，超感激。

借呢個機會同其他新人講，Chris Ling一定唔會係最平嗰間，但係好肯定會係你用得最安心同埋效果最滿意嗰間。

我係搵Chris Ling之前已經做足晒功課，上網睇咗佢哋不論係sales化妝師定係攝影師嘅評價，都知道依間公司有一個黃金組合，所以我當初係專登搵佢哋嘅。一開始我已經指明話我要搵Yuki，因為佢係最多人讚嘅職員。而我覺得佢嘅好係超過左我預期，除咗會好詳細咁介紹package講好多資訊俾我哋聽之外，佢帶比我好大嘅安全感。 😊

當時因為疫情我哋都十五十六緊係咪應該要改期，而Yuki佢好肯定咁叫我哋要改。佢嗰種堅定嘅態度係令到我哋有一個好明確嘅方向，令到我非常安心。而改期伴隨着嘅就係要睇吓收唔收extra嘅費用，佢哋公司係非常之有彈性，唔會收，都係令到我覺得好窩心。😭

Package包嘅衫係兩男兩女嘅，女仔款式一定多過男仔㗎啦，但係男士嘅服裝都比預期多嘅。我先生就揀咗一件白色底加銀紋同埋藍色比較新潮嘅西裝，佢哋仲有一啲兩件頭可以比新人自由配搭。而我自己就揀咗一條白色lace長裙，好有古典婚紗feel嘅，第二件呢就係可以有兩種着法加件斗篷又係唔同嘅feel。😎

咁佢哋職員都係根據新人嘅喜好去比Opinion，所以係符合個人特色。Fanny我對佢係好有信心，所以都俾佢發板俾佢決定。而佢嘅化妝技巧係可以好好咁突出我嘅優點，佢比嘅意見都好仔細，仔細到一個程度我都覺得有啲誇張，就係例如我嘅瀏海要修剪到咩程度。佢同我講嘅時候佢係配合咗佢幫我設計嘅一個造型，而佢嘅造型都非常之多元化又好特別。😍

而攝影師我哋就揀咗Andrew，佢除咗會教我地擺post話俾我哋聽邊啲post瘦啲靚啲之外，仲好識攪氣氛。我先生原本係一個幾cool嘅人，都俾佢搞到笑，成個影相嘅氛圍真係好開心。影相我哋outdoor淨係去咗5個地點，已經知道佢哋行程安排得有幾好啦。我哋因為想影多啲唔同嘅場景所以要喺地點方面落手做多啲準備功夫， Staff都有俾意見話其實我哋可以沿路一直影，喺Cyberport嗰邊一路一路影到去添馬公園，咁就可以慳返唔少時間。我哋嘅Wedding相係俾人讚，話好似韓劇一樣咁靚，無論男女都影到好修長、好有feel，準備籌備婚禮嘅人都有詢問係邊間攝影公司影嘅。🤣

去到big day嘅時候我一開頭以為Andrew係主攝但係原來係一個叫Kevin嘅攝影師。同佢接觸左之後我都明白點解Kevin會係big day嘅主攝，佢非常之識得炒氣氛，每一個屋企人都好歡樂。🥰我自己都覺得佢係好注重細節嘅人，例如我先生幫我揭起頭紗之後，可能頭紗輕微有少少亂咗， Kevin佢係極速留意到仲幫我處理埋，兼顧埋花球嘅擺位，教我點樣攞先好。我可以話Chris Ling佢哋公司上上下下都係好出色嘅職員，佢哋嘅政策，例如係改期唔會有額外收費同埋婚紗冇分upgrade嘅款式，都令到我覺得呢一間係良心公司。🥰