我見朋友結婚都係搵Chris Ling幫手，所以我就喺網上面search👀佢嘅作品。睇咗佢嘅作品之後，同我想要嘅照片風格好配合👏🏻。

我自己本身好鍾意一啲自然風格同埋個人化嘅照片，覺得佢可以tailor-made到我想要嘅，所以我就揀咗佢哋公司。 接待我哋嘅同事Doris好專業💯，對於package入面的內容及收費，都解釋得好清楚，好清晰。

由於朋友推薦化妝師Fanny，咁我都想搵返Fanny幫我當日化妝set 頭，佢哋亦都安排到，即刻hold咗 Fanny的期俾我。👍🏻 當日Fanny幫我化咗一個好靚嘅妝😍，而造型亦都好有心機。揀選婚紗禮服方面亦有好多選擇，佢哋俾咗好多意見我，幫我揀到一條適合自己的裙👗。

攝影師John🙋‍♂️個人風趣幽默，好識攪氣氛。我同我先生都係比較文靜，影相的時候唔係咁識擺pose，表情亦都比較生硬。John會講下爛gag搞笑🤪，令到我同先生影相嘅時候都更加輕鬆，投入，表情比較自然。到最後，我地對成品都好滿意。所以，我big day都買左佢地嘅package。

無論係Pre Wedding同big day，大家嘅溝通同埋合作都好順利。佢哋嘅服務好專業，好似我化緊妝嘅時候，攝影師📷已經整理我嘅婚紗或者其他物品去爭取時間影相。令我最難忘嘅，就係我影相嘅時候可能條裙嘅size比較鬆身，佢哋助手即係幫我去修改條裙的size，呢樣嘢真係令到我覺得佢哋嘅服務好貼心。🎉

其實啱啱開始搵攝影公司嘅時候，我都上網睇咗好多，去到婚展都只係會攞資料。當我去到Chris Ling嘅攤位嘅時候就被佢哋嘅相版吸引咗，我都有坐低聽講解，但係都冇立即落訂，始終都覺得要 check真啲，睇清楚啲人嘅comment，唔好衝動落單。

我決定用邊間公司首要條件就係check comment同埋睇佢哋嘅IG。我係bespoke個網站見到Chris Ling 唔單止好多新人讚，我更加留意到嘅就係佢哋嘅相版唔係嗰啲用Model影出嚟嘅sample，而係真係用過佢哋服務嘅客人嘅相。呢一點好重要，因為如果見親張張都係Model嘅話嗰啲根本就係零死角，冇可能唔靚！

而如果佢哋係用真實客戶嘅相版嘅話我點都覺得安心啲，再加埋我睇佢哋IG真係有返咁靚我就有信心再聯絡佢哋上去confirm用佢哋喇。 好記得將近拍攝之前都會去揀衫，佢哋揀衫唔會好似其他公司咁樣有分乜嘢級別，又話分乜嘢grade；想要靚少少又話要加錢又乜又物，佢哋真係好清晰講到明邊啲款係for Pre Wedding，邊啲款係 for bigday，界別只係得2款，就係咁多。

其實 Pre Wedding 真係好多款，而佢哋真係俾我喺Pre Wedding裏邊見到邊款就可以著邊款！呢一點我真心要讚。仲要提嘅就係，佢哋拍攝之前都會約我哋開會，講到明，例如假眼睫毛如果要用佢哋嘅話就要加$100 ，但係亦都講到明就係如果我自己有假眼睫毛的話當日就可以我自己帶假眼睫毛唔需要用佢哋嗰套就唔需要加錢。佢哋咁樣處理其他收費我好appreciate，因為咁樣真係令人安心好多，唔會怕好似時不時有隱藏收費突然會提出會伏我咁樣。

不得不提就係拍攝嗰日係年初四，我哋去山頂嗰日唔知點解超多人，超塞車，塞車塞到完全行唔到。當時我同我男人都好急因為心諗死啦趕唔到去影相，但係佢哋團隊好有急才，立即提出轉地點去香港公園嗰度影。呢一點我真係要大讚佢哋咁識執生，真心為咗幫我哋趕景點去變通，超感激。

借呢個機會同其他新人講，Chris Ling一定唔會係最平嗰間，但係好肯定會係你用得最安心同埋效果最滿意嗰間。