我之前想影婚紗相，所以就上網搵資料同問朋友，之後朋友就話Chris Ling幾好🤩。我個人偏好歐美風格，見Chris Ling影到我想要嘅style，所以就揀咗佢哋。因為我嗰陣時喺外地，所以一直都係用WhatsApp同Chris Ling嘅同事溝通😃。傾好咗之後，影Prewedding 前一兩日就去咗試咗裙，因為我想揀返我朋友著過個條裙，我好鍾意，所以Chris Ling嘅同事就幫我hold起嗰條裙，俾我試完之後第二日就影相。Chris Ling啲禮服衫都有好多選擇，有好多晚裝同埋婚紗款。我試咗幾條，最後都係覺得我個friend嗰條最好。🤪

嗰陣係Yuki負責serve我😘，佢係一個細心同盡責嘅人。因為我嗰陣時唔喺香港，時差關係可能夜晚先覆到Yuki，但佢除咗凌晨之外，平日都覆得好快，就算夜晚十點或者放緊假嘅時候都會覆我，就算嗰日冇覆到，佢都會第二日朝早覆返我，做事好有效率💯。 我室內室外都有影，喺室內大概影咗半個鐘至九個字，之後就出咗室外。室外影相我哋就揀咗荔枝角公園、立法局同埋石板街。攝影團隊好盡責，見到周圍嘅街景，例如電車路嗰啲，都會就地取材幫我影相。

攝影師同化妝師都好好，影相同set頭都好專業，好有效率。本身我都預影五至六個鐘，但佢哋好快手，四個鐘就影完，多咗嘅時間就再喺studio影咗一陣。佢哋做嘢快手之餘， 仲會幫我度下啲位，又會教我點樣企，pose點樣擺，好細心❤️。拍攝過程中，化妝師又會幫我拎下袋，補妝整頭都好唔錯。因為我自己帶多咗一條裙去影相，所以都有換髮型。雖然我先生本身唔係好鍾意影相，但嗰日擺pose換下場景佢都覺得okay。 嗰日仲有助手幫我哋拍片😝，全部嘢都好smooth，團隊都好專業。 而且攝影師同化妝師都有夾開，所以佢哋好有默契，一舉手一投足就知道對方要做啲咩😆，成個過程都冇乜甩漏。Chris Ling嘅同事做事真係好有效率， 所以我哋好快就拎到相🤩！而且Chris Ling都做到我想要嘅自然同埋歐美風格，出到嚟嘅效果我哋都好滿意。🥳

我同事用過Chris Ling，我見佢啲post有時都有講起呢間公司，同埋啲相睇落都OK，就考慮搵佢哋影prewedding。我哋睇咗好多公司都覺得差唔多，所以有人介紹就更好。後來我同事送咗個package俾我哋，我哋就即刻去book！

我哋7月結婚 ，5月whatsapp book時間，都好在安排到6月影到。 👍🏻佢哋有三種package，我哋揀咗本地影，因為之前我哋搵咗個朋友幫我哋影咗室內景，就覺得比較暗，所以想影返啲戶外境同埋一啲香港有回憶嘅地方。

個package包衫、化妝同車，但我哋就自己book車，因為可以平少少。 影相前我哋有一日上去briefing同埋揀衫，Fiona同我哋講解影相流程同埋揀地方，又俾咗啲reference我哋睇。😉😉佢教我哋諗吓我哋拍拖嘅故事，例如喺邊度認識或者係第一次拖手，可以編返個故事同路程。我覺得佢哋呢個提議好好同埋好特別，我哋自己睇返啲相都會比較獨特同埋有意義！❤️❤️我哋好多嘢都唔識，佢都會分享好多佢嘅經驗俾我哋知道，例如我哋想去某間cafe度影，驚好多人會唔會好難影，佢就話可以早啲打去問定安排，結果當日去影都好順利。 😄

佢哋啲衫都好新好靚，唔會限住你試幾多件，studio空間又大又舒服，我都推介咗租衫服務比我其他將要結婚嘅朋友。 影相當日有化妝師Fanny同攝影師Darren跟住我哋。當日我哋一早就去studio換衫、化妝同埋揀花球，煲呔嗰啲。

化妝師好有經驗，當日我對眼好攰，佢都有幫我修正，啲相出嚟效果都幾好。🧡一開始影casual，然後影婚紗照，最後再去沙灘，髮型都幫我轉咗幾次。 💪🏻攝影師Darren好好，每個shot都會教我哋pose先影，影出嚟啲相好有feel，同埋我覺得佢捕捉燈光都做得幾好，尤其喺南生圍度影啲相我哋都覺得係影得最靚！ 影嗰陣都比較辛苦，嗰日又落雨又要踩入草叢，佢孭住咁多儀器，又要就角度都辛苦。有時影影吓佢見到我哋硬晒，都會叫我哋放鬆下先，就算流晒汗都等我哋回復狀態先再影，好有耐性。❤️

去到喺沙灘嗰度佢叫咗我哋落水影，其實喺佢哋度租嗰條裙都污糟晒，有泥又有水，但係佢哋都唔介意。 我哋最後影咗大約6個鐘，overrun咗少少，佢哋無要我哋加錢，反而係自己租車嗰邊要加。😍😍 Package包咗30張相，我哋覺得幾多相都好靚，攝影風格比較自然，啲相影出嚟唔會太做作，都係我哋鍾意嘅，就額外加錢要多咗8張，整體都好滿意。😍😍