我係搵Chris Ling之前已經做足晒功課，上網睇咗佢哋不論係sales化妝師定係攝影師嘅評價，都知道依間公司有一個黃金組合，所以我當初係專登搵佢哋嘅。一開始我已經指明話我要搵Yuki，因為佢係最多人讚嘅職員。而我覺得佢嘅好係超過左我預期，除咗會好詳細咁介紹package講好多資訊俾我哋聽之外，佢帶比我好大嘅安全感。 😊

當時因為疫情我哋都十五十六緊係咪應該要改期，而Yuki佢好肯定咁叫我哋要改。佢嗰種堅定嘅態度係令到我哋有一個好明確嘅方向，令到我非常安心。而改期伴隨着嘅就係要睇吓收唔收extra嘅費用，佢哋公司係非常之有彈性，唔會收，都係令到我覺得好窩心。😭

Package包嘅衫係兩男兩女嘅，女仔款式一定多過男仔㗎啦，但係男士嘅服裝都比預期多嘅。我先生就揀咗一件白色底加銀紋同埋藍色比較新潮嘅西裝，佢哋仲有一啲兩件頭可以比新人自由配搭。而我自己就揀咗一條白色lace長裙，好有古典婚紗feel嘅，第二件呢就係可以有兩種着法加件斗篷又係唔同嘅feel。😎

咁佢哋職員都係根據新人嘅喜好去比Opinion，所以係符合個人特色。Fanny我對佢係好有信心，所以都俾佢發板俾佢決定。而佢嘅化妝技巧係可以好好咁突出我嘅優點，佢比嘅意見都好仔細，仔細到一個程度我都覺得有啲誇張，就係例如我嘅瀏海要修剪到咩程度。佢同我講嘅時候佢係配合咗佢幫我設計嘅一個造型，而佢嘅造型都非常之多元化又好特別。😍

而攝影師我哋就揀咗Andrew，佢除咗會教我地擺post話俾我哋聽邊啲post瘦啲靚啲之外，仲好識攪氣氛。我先生原本係一個幾cool嘅人，都俾佢搞到笑，成個影相嘅氛圍真係好開心。影相我哋outdoor淨係去咗5個地點，已經知道佢哋行程安排得有幾好啦。我哋因為想影多啲唔同嘅場景所以要喺地點方面落手做多啲準備功夫， Staff都有俾意見話其實我哋可以沿路一直影，喺Cyberport嗰邊一路一路影到去添馬公園，咁就可以慳返唔少時間。我哋嘅Wedding相係俾人讚，話好似韓劇一樣咁靚，無論男女都影到好修長、好有feel，準備籌備婚禮嘅人都有詢問係邊間攝影公司影嘅。🤣

去到big day嘅時候我一開頭以為Andrew係主攝但係原來係一個叫Kevin嘅攝影師。同佢接觸左之後我都明白點解Kevin會係big day嘅主攝，佢非常之識得炒氣氛，每一個屋企人都好歡樂。🥰我自己都覺得佢係好注重細節嘅人，例如我先生幫我揭起頭紗之後，可能頭紗輕微有少少亂咗， Kevin佢係極速留意到仲幫我處理埋，兼顧埋花球嘅擺位，教我點樣攞先好。我可以話Chris Ling佢哋公司上上下下都係好出色嘅職員，佢哋嘅政策，例如係改期唔會有額外收費同埋婚紗冇分upgrade嘅款式，都令到我覺得呢一間係良心公司。🥰

Chris Ling係一間好helpful嘅公司，佢哋職員提供到最好嘅服務俾我哋，令我哋喺疫情下安心少少。一開始我哋同Yuki商討細節嘅時候，佢好快就會比多一個滿意嘅答覆我哋，令到所有嘅事情都係on schedule進行。😁

揀衫嘅時候我有講少少要求，佢哋員工都可以好快手揀到啱我size又符合到我要求嘅裙。基本上係每兩至三條已經有一條中，真係唔係誇張。男裝嘅款式其實都OK，佢哋衫整體嘅質素係唔錯，有一種好Grand嘅感覺。💓

化妝師非常professional同埋貼心，佢會比一啲好中肯嘅意見而唔係盲目咁聽從新人嘅要求。🥳例如揀好裙之後，我同佢講我想要一個皇冠嘅頭飾，而化妝師佢會直接講話覺得皇冠未必同我嘅裙好相襯，但係依然都尊重我嘅諗法，會比我嘗試咗先，唔嫌麻煩。後來等我見到個效果真係覺得唔係咁夾，佢再提出其他意見。

比較surprise嘅係佢同我講影相前一日洗頭唔好落護髮素，如果唔係可能會令到頭髮太過滑，set頭嘅時候就冇咁立體。 我哋影相淨係揀咗indoor，我哋開頭都以為會好單調，但係點知佢哋嘅場景神奇嘅地方係，加加減減唔同嘅位置就會有好截然不同嘅效果。佢哋公司都會準備好多道具俾我哋，公仔、枕頭都有。🥰

攝影師Andrew佢係好識得鼓勵新人，亦都會不時炒熱氣氛，令到成個過程都係非常愉快。知道我哋唔係好識擺動作，佢會教你但係唔會強迫你去做一啲你做唔到或者唔想做嘅pose。👍

佢哋回相都算快，而且啲相都真係好高質素。 成個過程都係好開心，我都好慶幸搵到佢哋幫手。佢哋職員係每一個細節位都可以照顧得我哋好好，睇到佢哋嘅專業同埋熱誠。有時我見到佢哋個場好忙，但係佢哋都會分時間去問我哋有啲咩要求，我覺得佢哋嘅服務同埋相係絕對對得住佢哋嘅價錢。❤