一開始係朋友之前喺Chris Ling影過相覺得OK介紹俾我，我睇過佢啲相都幾靚😚。之後，我就幫襯咗Chris Ling兩次，第一次影喺第一次大住肚嗰陣，影完覺得效果幾好，今次再大肚就決定係度影埋家庭相同大肚相🤰。我哋喺室內studio影，佢哋有好多場景，場景佈置有花巧亦都有樸素，我鍾意自然啲嘅style，所以我自己就揀咗啲偏向斯文，小清新嘅。而Chris Ling嘅同事都好有耐性，因為我仔仔比較怕醜，佢哋好有心機去氹佢影相，影出嚟效果都幾靚，流程都順利，服務態度都好滿意。

當日，我哋影咗大約六個鐘。化妝師Emily化嘅妝我都覺得好滿意，由於我嘅雙眼皮比較麻煩，一邊內雙一邊外雙，不過佢都handle到，化完出嚟都對稱自然。當中我換咗幾套禮服，佢都會幫我轉妝，仲準備咗頭飾同耳環比我，轉妝速度都快。另外，佢仲會跟住我影相，當我個頭亂咗會幫我整返，佢又會幫手氹我仔仔笑🤣。而攝影師Darren工作態度都幾好，又會教我哋擺唔同嘅pose，影出嚟營造嘅效果都唔錯🤗。有時小朋友怕醜，唔太合作，Darren都唔會逼佢擺特定pose，反而好有耐性，會順住小朋友想做嘅動作嚟相影，好遷就我仔仔，係呢方面我覺得佢做得好好，亦都睇得出佢臨場應變能力高，所以嗰日都好順利💯。

我屋企人一直都有搵開Chris Ling影相，例如大肚婆相🤰，畢業相🎓等等，所以我嘅prewedding同埋big day嘅相二話不說都揀咗Chris Ling。我哋都覺得佢哋嘅影相風格同埋Service都好好，我就直接搵咗serve開我哋嘅Yuki傾package😏。

揀衫嗰陣，職員都好nice同好有經驗，當我同佢哋講自己的要求，例如最想修飾邊個部位，跟住佢哋就會幫我介紹一啲適合我嘅款式。由於禮服款式太多，所以我都唔知揀咩好，🥺款款都鍾意，但職員都會比好多建議我，同家姐合力幫我揀到幾件心儀嘅款。最特別嘅係我迎賓嗰一條湖水色嘅晚禮服，我覺得呢件好甜美，而且心口嘅設計顯得胸型更靚😍，而敬酒嘅禮服背部設計都好特別。

至於化妝師幫我化出嚟嘅妝我都好鍾意，起初我有同佢講我想要嘅風格，出嚟嘅妝面都好自然，遮蓋到我嘅陳年黑眼圈😂。化妝師仲好盡心，big day當日因為我喊唔停，本身黐好嘅眼睫毛都甩晒，佢幫我補妝嘅時候仲要每一條都整齊咁痴返好。而且佢嘅變數能力好快💯，本身我講好嘅髮型到臨場想更改，佢都可以即時滿足我嘅要求。而Yuki又會帶一啲飾物幫我襯衫，最後出嚟嘅效果我好滿意🤣，有好多嘢佢哋都幫我準備好晒，我唔需要有呢方面嘅煩惱。 Prewedding嘅時候，攝影師Andrew除咗影相好得，仲會幫我揀埋我想要嘅拍攝地點。因為我平時係一個少影相打卡嘅人，對影prewedding最大嘅要求係好想影到芒草同花草樹木🍃🌼。Andrew聽完我嘅要求之後，佢幫我plan好晒成個攝影rundown。而且拍攝當日所有嘢都進行得好順利。佢仲要特登留時間俾我食lunch，真係好貼心。我哋仲有帶貓貓🐱去室內嘅studio影相，我哋都揀咗嗰啲相做油畫❤️。

Big day當日，攝影團隊除咗搞好氣氛之外，佢哋仲準備充足，例如我當日手上嘅金器戴唔晒，好彩有位攝影師佢帶咗紅繩俾我，佢哋有埋呢一啲服務真係令我好驚喜🤩。另外，我想特別讚下團隊嘅貼心。因為原本我plan咗個rundown overtime咗好多，於是Andrew就比咗好多意見我，幫我修改rundown，刪減啲過長嘅環節嚟控制返個時間，因為佢哋都明白到結婚要用好多錢，都唔想我哋洗咁多OT錢，真心為我哋著想😍。而整晚嘅拍攝我都好滿意，佢哋全日跟到我尾，影出嚟嘅相又好專業，即使我有鏡頭恐懼症，佢哋都引導我同屋企人影得自然啲，有家庭溫暖同埋愛情氣氛。我啲親朋戚友都讚佢哋好融入到婚禮嘅氛圍👍🏻，真係好多謝佢哋咁盡心盡力🙏🏻。