Chris Ling嘅同事唔會 hard sell，又會俾空間我哋考慮，無論係試婚紗定係拍攝嘅過程，我哋都好滿意！ 雖然一開始團隊太忙，令我有啲擔心，但後尾試婚紗嘅時候，我哋又覺得佢哋好好，因為同事揀衫呢方面好專業，佢哋會因應我鍾意啲咩款，再俾合適嘅款式我試，同埋佢哋會俾我先試咗一啲簡單嘅款，再解釋唔同款式有咩分別，其實呢到都慳咗好多試衫嘅時間🤪。試衫嗰陣同事又會主動叫我影相、拍片，問下其他人意見，整體體驗都好輕鬆！同埋佢哋都知道新人係結婚之前身形可能會有啲變化，所以之後Chris Ling同事都有主動remind返我去做返final fitting， 因為我實在太忙，好彩有佢哋幫手提醒，所以呢一個位都幾貼心😙！同埋我好欣賞Chris Ling無隱藏收費，offer俾我哋嘅嘢喺單上面寫得好清楚，唔會話影到最後先額外收費，呢樣好加分👍。

拍攝嗰日都好開心，攝影師真係好有心，本身我哋淨係得兩個景點想去，但佢見我哋有時間，就主動加多個景點。雖然臨時有個彩虹屋因為裝修入唔到去，有少少掃興，但整體都影得好順利，仲去埋馬灣沙灘同迪欣湖影相😍。攝影師仲會問我哋想唔想玩水，可以影多啲唔同 feel嘅相，啲相出到嚟真係好多元化，最後影到嘅景都真係好多，因為本身真係得兩個景🤣。另外，化妝師都好有心機，佢會喺眼睫毛底下黐假眼睫毛，令成個效果好自然，同埋佢唔怕麻煩，所以我好欣賞佢肯花時間去做好啲小細節💖。 雖然本身淨係得2個造型， 但係化妝師見到有時間都會問我轉唔轉造型🥹！最驚喜就係影完相後，當日夜晚返去食完飯，就收到Chris Ling團隊一條剪好嘅短片，攝影師話當聖誕禮物送俾我哋，真係冇諗過會有special offer，仲要啲相好靚😍！ 同埋本身我哋揀迪士尼同馬灣都係因為有回憶喺嗰到，拍攝途中，攝影師都有留意我同男朋友講起啲回憶，佢仲特登記低，之後問返我哋之前喺邊棵樹影過相，而家影返一張，做返個故事性，真係好細心，同真係感受到Chris Ling想影到屬於我哋嘅故事🌟！ 

嗰日影相成個過程都好開心、好輕鬆，完全冇壓力，仲有好多驚喜位😆。攝影師好專業，會教我哋擺 pose，又會俾啲提示我哋，拍攝氣氛都好有趣！有啲難啲嘅動作，好似抱起我，拋花球嗰啲，攝影師都安排得好好，就算影多幾次都冇問題，仲會叫我哋休息下先再影，好照顧我哋🥰。另一個幾深刻位就係喺沙灘影相嗰陣，我哋當時企咗好耐，原來攝影師就係為咗捉住浪湧上嚟嗰一刻，出到嚟啲相超靚，睇返真係會記得當日嗰個 moment💕。 除咗拍攝，揀婚紗、化妝都好開心，過程輕鬆，男裝選擇亦都好多，studio 環境又大又舒服，體驗真係唔錯，而且一條龍好方便😚！ 同埋揀相嗰陣Chris Ling會曬所有嘅相俾我哋揀，團隊會即時拼一拼個排版俾我哋睇，再按我哋要求去調整，真係好好！

我主要係同Chris Ling嘅同事Yuki溝通。無論係 style reference、我鍾意咩妝容、髮型、甚至衫嘅選擇，我都係 send 俾 Yuki， 由佢轉達俾團隊聽🥰。Chris Ling包咗一套男士禮服同一件婚紗，我哋覺得試衫體驗都幾好，同事會俾意見之餘，又唔會催我哋揀。拍攝當日，攝影師真係幾有經驗，佢知道我哋唔係成日對住鏡頭嘅人，所以成個過程都lead得好好，唔會叫我哋擺啲尷尬嘅pose，反而係自然啲、舒服啲嗰種😋。過程中大家都幾放鬆，有傾有講。 因為我自己 size 上會有啲要求，其實都有啲擔心搵唔到啱自己嘅款，但喺Chris Ling呢到，我同同事講咗我鍾意咩款，佢哋就即刻幫我揀咗幾套出嚟試。同事真係跟得好足，唔單止揀得準，仲俾我慢慢試咗幾套先決定🌟。同事會問埋我哋之前影其他相著過咩衫，因為佢哋想幫我哋避開重複嘅款，令新一輯相有唔同嘅感覺。我哋都有帶啲自己買嘅衫去影相，但嗰陣真係好趕，本身我哋只係想問下可唔可以幫我燙一燙個頭巾，點知Chris Ling好主動，仲問我哋仲有冇其他嘢要幫手，最後成套衫都幫我哋燙好曬😆。

因為我哋結婚日子比較急，三月頭結婚，十二月尾先影，我哋都未開口話想加急，Chris Ling已經諗定點樣幫我哋加急製作相簿，安排曬成個流程。Chris Ling團隊每個人都專業又細心。 其中有啲位我真係印象幾深，化妝師會主動幫手，攝影師指示又清晰，成個團隊都配合得好好😚。Chris Ling仲安排咗一位同事幫我哋影花絮，感覺好有心思。Chris Ling仲主動借咗啲原本用嚟開聖誕party嘅氣球俾我哋，所以我哋覺得佢哋好有誠意，可以幫就一定幫👍。揀相嗰陣要即場做決定，對我呢啲需要時間諗嘅人嚟講，真係好難！影出嚟啲相好靚，相簿包裝得靚之餘，Chris Ling仲幫我哋諗埋故事線，唔係求其排幾張相咁，而係有段故事 Feel，例如模擬求婚嗰啲過程，成個 Flow 做得好有心😆。