我哋覺得 Chris Ling 嘅作品充滿故事性，加上佢哋嘅風格同其他公 司唔同🥳，都幾吸引我哋，所以就揀咗佢哋。同埋我哋覺得香港攝影師影澳門嘅景點會有唔同嘅感覺，比起本地公司會多咗啲新鮮感。另外，Chris Ling嘅婚紗都幾靚，啲款式都啱我哋心水，令我哋更加有信心去揀佢哋💖。

同Chris Ling嘅溝通過程當中，我哋覺得非常順利同專業。團隊會主動了解我哋嘅需要，會問我哋想要啲咩風格，又會俾相簿我哋睇下，呢啲細心安排令我哋對Chris Ling更加有信心✨。拍攝當日，攝影師嘅表現好專業。因為我哋一開始擔心因為交通問題，可能去唔曬所有地點，但攝影師早就做好咗安排，令到成個過程好順利。成個拍攝過程好輕鬆，攝影師會教我哋擺pose，令我哋唔會覺得緊張，反而可以自然咁影相🥰。團隊唔單止影相，仲會同我哋傾下其他話題，成個氣氛都會輕鬆啲，同埋佢哋有好多idea，所以影嘅相唔會好單一。Chris Ling 嘅婚紗選擇非常多，原本我自己都唔係好清楚想要啲咩，但同事幫我縮細範圍，幫我揀咗幾套，出到嚟嘅效果好好，我自己都好鍾意嗰幾條。另外，Chris Ling唔單止做得快，質素亦都好好。每次有問題或者想做少少調整，佢哋都會好快回應到同處理🌟。

因為我老婆係台灣人，所以我哋有比較過香港同台灣嘅公司，最後選擇咗 Chris Ling。因為佢哋係新加坡公司，做嘅album好有心，而且影相風格都好啱我哋。再加上外國婚攝嘅價錢合理，唔算太貴，所以就決定揀佢哋🌟。

溝通方面，Chris Ling真係好熱情同helpful，回覆得又快，每次有問題都好快解答到。 我哋婚禮係 12 月，拍攝時間係 9 月尾，時間上係比較緊迫，但 Chris Ling 真係好有效率，佢哋好快幫我哋搞掂曬所有相，俾我哋有足夠時間準備其他嘢， 所以我哋都好放心交俾佢哋💯。

攝影師佢哋真係指導得好好，但係又唔會講太多嘢。影相嗰時，大家都有講有笑，但一到正式拍攝，就即刻入返狀態，專心做嘢👍。尤其係拍攝嗰日，朝早四點就開始準備，雖然攰，但攝影師同化妝師都全日陪住我哋。 我哋揀咗去土耳其影相。當初我哋就已經係心水想去呢到，都有同Chris Ling講我哋想要嘅效果，Chris Ling都支持我哋嘅選擇。💯 我哋主要都係想影熱氣球， 都係一啲出名嘅地方，其他嘅景點就係佢哋幫我哋去安排。 本身影相之前個熱氣球係冇開到，但我哋拍攝當日，熱氣球就啱啱開返🤩！

其實有好多地方真係好細心。例如有啲細節，好似我哋啱啱上車換景點嗰時，團隊會留意時間，安排得好 好，甚至有啲氫氣球升到邊，要喺邊一個位影會好睇，都係佢哋細心咁留意住🥹，真係好照顧我哋。 記得有一次，我哋擺好pose影熱氣球，但好快個氣球已經升走咗，所以真係要快速捕捉每一個瞬間🥹。雖然個熱氣球升得咁快，但因為有攝影師同化妝師嘅安排，成個拍攝過程都好流暢，完全唔覺得趕或者辛苦😝。團隊真係好照顧我哋，唔單止咁，仲推薦餐廳俾我哋，真係好開心😍。

因為我哋好多嘢都唔識，所以都會直接問Chris Ling嘅同事Fiona。除此之外，團隊真係好細心。其實我同老婆都比較被動。喺禮服方面，Chris Ling好主動咁俾設計同搭配意見，都幫到我哋手✨。佢哋真係幫我哋解決咗好多小問題。 我哋出去影婚紗相，借咗條婚紗一個月，佢哋都冇計我哋額外嘅錢， 又冇催我哋。 所以我覺得成件事真係好輕鬆，每次上去Chris Ling到都好開心🥰。唯一後悔嘅係，當時冇揀佢哋幫我哋做埋deco，因為我哋覺得Chris Ling嘅服務真係好穩陣🥳。