我聽太太嘅朋友介紹覺得Chris Ling嘅Service好好，口碑唔錯，個人認為Service好係取勝嘅關鍵。當初我唔係淨係Search佢哋一間嘅，但係Chris Ling係咁多間入面回覆得最快，令到我感受到滿滿嘅誠意。😊

而上到鋪頭嘅時候，同事都好熱心俾意見同介紹package。雖然熱心但係你唔會有一種俾人sell嘢嘅感覺，係好casual嘅狀態同好輕鬆嘅feel。全程都係一位叫Yuki嘅同事follow我哋嘅case，俾咗好多實用嘅意見我哋。根據佢豐富嘅Experience，帶領一舊雲嘅我哋揀到啱嘅地方同埋衫。🥰 

Yuki會好細心咁問我哋有冇車，如果我哋自己揸車嘅話方便啲，如果冇車都會安排相熟嘅公司俾我哋，合作開自然就有默契。 揀衫方面，款式都好齊全。不論男女都係有保守款式同埋新潮款。我太太就幫我揀咗兩套，一套紅色格仔、另外一套係鴨屎綠色嘅西裝。Yuki佢仲免費幫我哋upgrade咗同埋送多套西裝俾我添，而太太都可以輕鬆咁揀到自己啱心水嘅裙✨。

化妝師Fanny嘅化妝技巧好出色，令到我太太睇落去容光煥發、好精神。影相嘅時候都會跟得好足，不時幫佢補下妝。 我哋outdoor去山頂同屋村公園影相，攝影師Andrew不時會教下我哋點樣擺pose，又會搞下gag，令到成個氣氛都好輕鬆。影indoor嘅時候，我都開始有少少攰，不過都盡力影埋佢。

我自己就會鍾意outdoor啲相多啲嘅。其實當日天氣其實一般🌤，但係透過出色嘅後製技巧，好似天朗氣清咁，真係好出神入化。至於big day我都係搵返Andrew做攝影師，佢好快同兄弟姊妹打成一片，我啲兄弟姊妹仲問會唔會請人，好想去幫手咁話添👍！

我行婚展嘅時候偶然見到Chris Ling，當下就比佢哋嘅相吸引咗，直接落埋訂添。點解會比佢哋吸引到呢？因為我唔太鍾意甜美田園風，反而鍾意少少cool tone嘅感覺。而佢哋係非常多元化，所以就算有唔同嘅喜好都唔需要擔心冇得選擇。當時佢哋嘅sales會做一啲基本介紹，但唔會chur，唔會話走唔到。而即場對答都好流暢，對公司非常了解。

咁我哋join左之後就好快有人開group，我覺得佢哋係幫助新人方面係真係好落力。我哋作為新人好多嘢都懵下懵下，佢哋同事Yuki喺各個方面都跟得非常足。例如我影相嘅時候希望額外搵一啲道具，佢會幫我一齊留意，甚至好人到話不如幫我買埋。

試衫嘅時候，好多時試同睇係兩回事，我自己都唔係好有耐性，反而係Yuki不時問我想要啲咩款，或者直接根據我嘅個人氣質match。我自己寫comment比佢哋公司嘅時候都有提及過話覺得Yuki好似神手，基本上佢揀嘅3-4件入邊一定有一件我係非常鍾意。

佢哋喺planning方面係好彈性，無論係我之前想去Oversea影相定係後來返番本地影外景同studio，佢哋都符合晒我預期嘅需求。我影studio嘅時候，攝影師都會叫我搵定自己想影啲咩風格，佢會盡力滿足我，努力咁製造返我想要嘅氛圍，我想要嘅效果出嚟。

除咗影相嘅時候有著佢哋嘅衫，我喺ceremony嘅衫都係喺佢哋度租嘅，就係for敬酒同迎賓。佢哋係一間乜嘢都有商有量嘅公司，疫情下好多嘢都係不可預計，不可控制。其他公司喺更改款式或者條款嘅時候都會要我俾錢，唯獨是佢哋就冇。甚至啲衫我自己用唔晒，我分俾我先生同埋我家姐佢哋都係無任歡迎。喺款式方面男裝好齊全，任何顏色同款式都可以揀到，而且質素唔錯，反而喺家姐同媽媽衫嘅選擇就比較少啦。

影外景當日，我哋首先去咗城門水塘，之後就去南豐紗廠，最後就去大帽山影日落。我可以話攝影師係爭分奪秒咁幫我哋影相。南豐紗廠本來係中間食嘢嘅時候去嘅，攝影師就提議我哋搵一間靚靚仔仔嘅Cafe一路食嘢一路影相，可以話係用盡心思，攞晒唔同角度去幫我哋影，之後再幫我哋預時間去影埋日落添。可能係因為攝影師影外景之前已經合作過一次，所以我對於佢都好放心。

我第一次同佢合作係影studio嘅時候，佢哋studio選擇唔係特別多，但每一個場景嘅靈活性非常大。就算同一個背景你用唔同角度，甚至乎你攞唔同嘅道具已經有截然不同嘅效果。化妝師當日幫我化嘅妝容驟眼睇可能會比較濃，但係我亦都明白因為影婚紗相，上鏡嘅時候係需要濃啲，所以都係非常合適嘅。我覺得佢哋公司已經做得好好，尤其是係Yuki佢真係做咗好多份外事，我真係非常感激可以遇到佢哋。