我認識Chris Ling International Photographers嘅時候，當時有睇過其他公司嘅，不過其他公司就真係chur咗啲，壓迫感大啲。唯獨係Chris Ling令到我有一種好舒適、好自在嘅感覺。😁

上到studio都冇任何Push我哋落訂嘅情況，Yuki講解條款同價錢都非常清晰透明。後來我哋通過WhatsApp去傾細節位，揀衫、影相嘅事情回覆都好詳盡。Yuki成程都係好用心咁serve我哋，事無大小例如outdoor、indoor嘅場地佢都會提供好多獨到嘅意見。😌

我係重視質素多過重視數量嘅人，係衫方面我係會選擇upgrade款式，希望影相出嚟效果可以更加出色。我喺佢哋度揀咗一條非常之修身嘅魚尾裙，非常eye-catching。😍我哋外景去咗山頂、沙灣同埋中環海濱，indoor就係韓式場景。喺拍攝當日攝影師好識得去搞氣氛，會不斷引我笑，令我可以放鬆心情，盡量做到最自然嘅神態。有時要擺pose，佢哋嘅指示都非常清楚，一講就明白佢哋想要咩。☺️化妝師有帶一個助手嚟，化妝師嘅表現都發揮到應有水準，換妝非常快手。😙

係我哋揀相嘅時候，都會比唔同嘅建議，但係唔會迫我哋加錢買多啲相。至於拍攝風格，我覺得係好注重故事嘅表達同感染力。喺影相嘅時候已經諗好咗故事嘅架構，而整相簿嘅時候更加有一個好出色嘅連貫性，可以將每一對新人嘅個人特色好完美咁呈現左出嚟。🤩

我聽太太嘅朋友介紹覺得Chris Ling嘅Service好好，口碑唔錯，個人認為Service好係取勝嘅關鍵。當初我唔係淨係Search佢哋一間嘅，但係Chris Ling係咁多間入面回覆得最快，令到我感受到滿滿嘅誠意。😊

而上到鋪頭嘅時候，同事都好熱心俾意見同介紹package。雖然熱心但係你唔會有一種俾人sell嘢嘅感覺，係好casual嘅狀態同好輕鬆嘅feel。全程都係一位叫Yuki嘅同事follow我哋嘅case，俾咗好多實用嘅意見我哋。根據佢豐富嘅Experience，帶領一舊雲嘅我哋揀到啱嘅地方同埋衫。🥰 

Yuki會好細心咁問我哋有冇車，如果我哋自己揸車嘅話方便啲，如果冇車都會安排相熟嘅公司俾我哋，合作開自然就有默契。 揀衫方面，款式都好齊全。不論男女都係有保守款式同埋新潮款。我太太就幫我揀咗兩套，一套紅色格仔、另外一套係鴨屎綠色嘅西裝。Yuki佢仲免費幫我哋upgrade咗同埋送多套西裝俾我添，而太太都可以輕鬆咁揀到自己啱心水嘅裙✨。

化妝師Fanny嘅化妝技巧好出色，令到我太太睇落去容光煥發、好精神。影相嘅時候都會跟得好足，不時幫佢補下妝。 我哋outdoor去山頂同屋村公園影相，攝影師Andrew不時會教下我哋點樣擺pose，又會搞下gag，令到成個氣氛都好輕鬆。影indoor嘅時候，我都開始有少少攰，不過都盡力影埋佢。

我自己就會鍾意outdoor啲相多啲嘅。其實當日天氣其實一般🌤，但係透過出色嘅後製技巧，好似天朗氣清咁，真係好出神入化。至於big day我都係搵返Andrew做攝影師，佢好快同兄弟姊妹打成一片，我啲兄弟姊妹仲問會唔會請人，好想去幫手咁話添👍！