我最初係target小清新簡約風格嘅公司幫我影pre-wedding同big day，所以都有上網做下功課先。嗰時喺婚享會嘅網站度見到Chris Ling依間公司，發現佢哋嘅comment好正面就bookmark咗佢哋先。到我去婚展嘅時候就去佢哋嘅booth聽介紹，當時係一個叫Yuki嘅同事serve我。佢好熱情介紹咗package內容比我，提供好多好實用好詳細嘅資訊比我。特別係睇過佢哋嘅sample相同衫之後就更加確定自己想搵佢哋幫我影相。

基本上佢哋個package已經咩都包曬，不過係我自己額外搵化妝師啫。 落咗訂之後Yuki好快手就開wts group，係入面提我幾時要做咩，我都會周不時問下佢哋問題。Yuki每次嘅答覆都好詳盡，而且唔會要我等好耐，好多時都秒回。例如係上年疫情狀況百出，佢會同我講其他新人嘅處理手法，等我有個參考，唔洗咁徬徨！我自己都因為疫情拆開咗註冊同擺酒，佢哋都冇收過我extra charge，好為新人考慮同著想。

新舊鋪頭兩間我都上過，感覺都係舒適同乾淨。 揀衫當日，我一早就有心水，就比啲圖Yuki睇，佢好快手就幫我搵到類近款式。佢仲會推介佢認為適合嘅款式比我，不過我都係對自己揀嘅款式情有獨鍾。Chris Ling一個好好嘅地方係唔會限新人試衫嘅次數，因為我半年前hold 款有機會去到自己真係著嘅時候就會殘舊，佢哋都有特別提醒我到時到侯有新貨都可以試，只要件衫有期都會比我。最後我揀嘅一字肩魚尾裙係全新，冇其他新娘子著過！

我pre wedding係studio同外景都有影。studio影咗韓系cafe、花海牆同教堂feel嘅景，攝影師Andrew全程都會教我點樣可以表現得自然啲，點先唔會僵硬做作。外景就去咗3個地方，Andrew唔會喺同一個位置停留好耐，佢好快就捕捉到我嘅神態，效率好高。雖然我全程都係睇唔明攝影師嘅角度，但所有相都係好靚好surprise。其中一張係南豐紗廠影嘅相好似喺日本啲藝術館咁，好有feel！

至於註冊當日係2p1v，Andrew負責影snap，外加一個影正相嘅攝影師同攝錄師。佢哋都好識得搞氣氛，講到四大長老都好開心。由於我趕住要條片for 擺酒，佢哋都唔介意幫我加急處理，真係好人性化。

整體嚟講Chris Ling已經做得好好，我諗如果佢哋第時想搞多範，或者可以考慮下整production house for wedding裝飾，新人就可以更加方便喇！

Chris LIng係網上好多人讚我都知㗎啦，所以諗住親自了解下。我知道佢哋係新加坡公司，係香港有分店，跨國公司都會有信心好多。不過當初我都有少少擔心㗎，佢哋公司政策係要full pay嘅，但對於我來講我咩程序都唔清楚，公司都未上過就比全訂好似有啲「牙煙」。同佢哋商討過之後佢哋都好肯調整訂金，唔洗我full pay，仲會額外提供好多優惠比我。而且 join咗之後好快就比佢哋add 入group，好helpful follow up得好好，好迅速就幫我預留時間試衫。

上到舖頭發覺佢哋比我想像中好好多，有ipad睇又有同事好熱情比好多意見，我哋不斷試都唔會額外收錢亦都唔會黑面。好多公司都係話最多試5套，試得多要比試衫費，對比之下佢哋會不斷叫我哋試，唔滿意嘅話就試到啱為止。Zoe就提醒我試完覺得啱要影低再慢慢比較，佢嘅專業意見真係好幫得手。講緊我唔係只係試一次，而係幾次（因為疫情不斷postphone)期間Chris Ling又會不斷入新衫，每一次都會叫我哋去試新衫。有次我以為係final fit，點知上到去都係繼續試新嘢。 佢哋禮服嘅質素都值得讚，無論男女裝都好多選擇，男裝唔會好誇張，但係都有grand同正常款揀。我太太嘅婚紗係其他店租而晚裝就係Chris Ling度租，結果big day當日個個都讚，話晚裝靚過婚紗。佢哋嘅衫cutting好特別，款式新潮，同出面嘅大路款式真係好唔同。

另外，Big day 2p1v嘅質素都好正路，要做嘅嘢要準備嘅嘢都做得好足。佢哋會提早到standby啦，又會不斷提醒我哋企位。我收到相之後都好鍾意，尤其係snapshot，令到我覺得2p1v嘅選擇係正確嘅。我當初仲覺得有硬照咪得囉，佢哋都會同我解釋返2p嘅分別係邊，效果真係好好。Snapshot同硬照嘅風格好唔同，snapshot係暖調，另一個係冷調，咁我自己鍾意snapshot多過硬照嘅。

Chris Ling成間公司好體諒新人，除咗專登為我調整訂金，仲好肯借嘢比新人，即使我唔係佢哋度租曬所有嘢都好。疫情要延期甚至突然要split開兩日，都好慌亂，佢哋都好體諒新人唔會有任何額外收費。而我big day分兩日就影響到還衫嘅步驟，佢哋為咗唔洗我比過期費用會比我將第一日用完嘅衫還咗比佢哋先，然後再攞其他衫，十分彈性。