最開頭呢我係想搵一間pre wedding公司補影一輯淨係studio pre wedding。（因為之前間pre wedding轉咗做big day用）見到邊間靚咪join邊間囉，我係婚展接觸過Chris Ling之後都攞咗好多小冊子、poster返屋企慢慢研究慢慢揀。👩🏻💻不過走之前其實我已經對佢哋嘅婚紗心心眼咗，又見到佢哋sample相入面有一個繡球花studio景好靚喎（我本身超鍾意繡球花）。😍後來係Chris Ling會關心我問我想要咩效果，比其他店更caring，於是就決定用佢哋。

上到去studio睇婚紗同場景證明我冇揀錯到，佢哋嘅婚紗真係好靚，靚到一個地步係我明明本身已經係出面book咗婚紗for大日子，都忍唔住手貪靚再book，然後將原本公司嘅婚紗轉比爸爸同裙褂，最後婚紗就大多數都係Chris Ling呢度嘅衫🤣🙈佢哋婚紗係好多元化，aline魚尾應有盡有，我自己pre wedding揀咗件香檳色嘅aline有少少lace，想要啲長青款，因為我都唔想係十幾年後睇返覺得好有年代感咁。🤭佢哋公司會安排個同事幫我同屋企人試衫，我同老公、奶奶媽咪都上過去好幾次，次次都勞煩阿Zoe幫我哋試衫。同埋有樣好嘅係，佢哋公司冇限制試幾多件，唔會好似其他鋪頭咁收試衫費。試得多都唔會黑面講難聽說話，甚至會同你有講有笑。 除左介紹婚紗之外，都會教我點著好nude bra、點揀遮手臂裙、我條裙有咩要注意嘅地方等等。👍🏼男裝嘅顏色都好多好特別，佢啲紫色唔會好「leung」好姣，又有棗紅色咁，我老公當日著佢哋嘅衫都比好多人讚。而且佢哋啲款式會keep住update，一有新衫就會叫你試。🤗

Chris Ling嘅行政好彈性，完全唔會死板。因為疲情我不斷改期，改到最後就有其中一條紅色晚裝同第二對新人撞期，咁啱我還衫嘅日子就係佢哋攞衫嘅日子，正常來講就唔可以咁急。但係Chris Ling唔會一來就say no，反而係會充當協調人員嘅角色，同另一對新人講可唔可以遲少少攞，而我哋都會早少少還。疫情改期唔收我charge都算，有一次我未決定到要改兩個期當中嘅邊一個期，佢哋兩個期都幫我hold曬添。😘 佢哋都完全唔吝惜借嘢比新人，我係另一間鋪頭租嘅婚紗嘅頭紗麻麻地，佢哋都會借比我，真係好多事情都係搵Chris Ling幫手，問佢哋意見。

睇得出佢哋係真心為客人著想，唔會好似其他鋪頭咁純粹係客人同店鋪嘅關係。👏🏻雖然我哋一開始明明係想影pre wedding但最後最impress嘅竟然係佢哋嘅衫，不過其實攝影師都好好人㗎。佢會引導我哋笑，想我哋啲相靚啲開心啲，不過我老公就真係唔係成日笑嘅，所以都唔係好習慣。攝影師唔會話淨係一個景影全日，會不斷轉景轉pose，不斷影不斷影，好似由11點影到夜晚6-7點，真係好落力💦

我影pre wedding嘅時候未爆covid，所以係plan去義大利影嘅。我做research嘅時候覺得實在太眼花撩亂啦，都係去現場睇最實際。

Chris Ling嘅style嘅符合我嘅心意，價錢又合理，一條龍服務包咁多嘢喎，所以我就坐低傾計，越聽就越鍾意，就好快落訂。拿～雖然我當初都有擔心過，死啦會唔會太急做錯決定㗎，但係Chris Ling佢哋嘅服務態度、裙嘅質素等等都打消咗我嘅疑慮，仲令我好安心添。 佢哋絕對唔係啲講就天花亂墜，然後上到去咩衫都冇得揀嘅店舖，仲要上到去舖頭會有staff全程幫你，當時幫我嘅就係Yuki同Zoe。同埋舖頭真係太多款衫啦，冇佢哋幫手真係唔知揀咩好。佢哋會不斷攞衫比我試，仲叫我繼續試，試到啱為止。可以見到佢哋完全唔會嫌我煩，更加唔好講話會黑面之類。成個過程都好開心，好似朋友咁有講有笑。最後我係揀咗1條魚尾1條散落黎嘅裙，質素都好高。

另外，化妝師Vincent係按照我嘅婚紗幫我襯髮型同妝容，連花球嘅色系都會考慮埋。影相當日會standby幫我補妝，又咩住個袋全日。我哋影兩日就咩足兩日，真係辛苦曬。雖然我冇試妝，Vincent係直接係義大利join我哋，但會事前問好曬我啲preferece，唔會忽視新娘嘅意見。攝影師John嘅風格係自然地sweet，會教我哋點做表情，細心到腳同膊頭嘅位置都會幫我調整。影相嘅時候又會搞下gag，心情好啲相都自然靚啲。 我啲朋友個個睇到相都係有讚無彈！超開心！

不過最深刻嘅係佢哋公司嘅人情味，因為就係我影完pre wedding同佢哋分開咗之後，發生咗一件大事。我哋嘅行李比扒手偷曬，只係淨返護照，當中係包括佢哋嘅婚紗。咁我哋緊係即刻wts Yuki啦，而佢嘅反應係令我好感動。佢係關心咗我哋嘅人身安全先，好擔心我哋有冇事，然後係安撫我嘅情緒，叫我唔洗擔心，好好享受剩下嘅旅程，佢會幫我同公司解釋同安排。佢哋係做生意嘅，我整唔見佢哋嘅嘢都冇怪我，反而係擔心我哋先。令到當時好徬徨好gulity嘅我都安心咗好多。咁當然錢都係要賠，不過佢哋知道我都唔想，好體諒我哋，只係好象徵式收返一個好低嘅價錢就了結咗件事。如果係唔好嘅公司，一早就屈你一筆啦，仲邊會好似佢哋咁。

佢哋咁好，我梗係join埋佢哋嘅一條龍服務，當係一個小小嘅答謝。佢哋indoor嘅場景睇得出好用心機set場，我特別鍾意佢哋有個睡房feel同花草background嘅主題，所有色調擺設都好用心。如果有寵物嘅新人佢哋都無任歡迎，甚至係有咩idea都可以提出，佢哋會盡量滿足要求。 而Big day嘅2p1v團隊都係優秀嘅，攝影師佢哋會講啲吉利說話，教四大長老擺pose嘅時候都好有耐性。兄弟姊妹讚到佢哋段早拍晚播飛起，個個都話好靚！