原本我同老公係諗住去荷蘭影pre wedding，因為荷蘭係老公向我求婚嘅地方，好有紀念價值。🙈當時搵Chris Ling佢哋都係for 影pre wedding嘅，可惜最後因為疫情去唔到。咁我係教書嘅，本身影相就唔可以揀返學日子，Chris Ling一開始已經好肯遷就我等到假期先影。😉我曾經係諗住延遲，就算影唔到4月花季，7月去到都好啊，結果都係去唔到。。。。。。😭於是我同佢哋講話不如轉big day算啦，應該都係去唔到㗎啦。Chris Ling佢哋嘅人都好凳我哋唔開心，都有提過話真係好想同我哋去荷蘭影。

諗起最初，我係比Chris Ling佢哋一句說話吸引到所以join嘅，佢哋話會影我同老公最自然嘅一面，會叫我放心，唔會專登叫我擺複雜嘅pose同夾硬笑。佢哋影相嘅風格係好因人而異，能夠根據客人嘅要求而改變，咁去到big day當日我係真係feel到佢哋嘅熱誠嘅。🔥我哋package係2P1V，當日佢哋黎到嘅時候我仲化緊妝未ready。攝影團隊已經好爭分奪秒咁影兄弟姊妹先，我一出到黎就ready影我同一齊影花絮。👏🏻佢哋嘅相會有好多唔同角度唔同嘅景象，好多元化。同埋佢哋都好識講說話帶動氣氛，斟茶嘅時候又講吉利說話，雙方家長聽到自然就好開心啦。🤭事後send返啲相比親朋戚友睇，個個都話影得好靚，可以捕捉到大家自然嘅一面。佢哋後來仲送咗條本身package冇包嘅片比我添！😳

除左攝影之外我都有係佢哋度租裙，我之前一路都搵唔到啱條敬酒裙，見佢哋有適合我嘅package就join埋。佢哋staff會根據我嘅身型分析究竟魚尾定係拖尾款啱我多啲，襯我多啲。🤩我老公都揀到禮服，係啲歐陸格仔款，賓客都話好適合佢。佢哋嘅衫都好新潮，我覺得唔同身型唔同感覺嘅新人都可以係佢度搵到適合嘅款！因為Chris Ling佢哋真係好好，我老公都有推介佢哋比身邊嘅朋友，希望有更多人認識佢哋！😘

最初比Chris Ling嘅拍攝風格、自然色調吸引到。果陣時冇疫情，本來諗住去北海道影㗎，後來就轉咗studio+外景分開兩日影，畢竟原本海外套餐比較貴嘛。🤪咁我個套餐除左拍攝之外都會包化妝同婚紗嘅。婚紗男禮都係base on新人嘅style、身型幫我哋挑選，因為佢哋款式實在太多，自己揀可能要花好長時間，有職員幫手做第一輪篩選就唔會花多眼亂，而且憑佢哋專業眼光都好快幫我哋選擇好。😬而男禮嘅色調風格都好in、好新淨，佢哋會keep住入新款仲會比新款我試添。我自己就覺得佢哋嘅衫著出黎會有年輕嘅感覺，完全唔會俗套。

至於妝容方面都會問左我有咩心水先，互相了解，甚至會問我哋愛情故事添。係外影嘅時候化妝師都跟得好貼，換咗3set頭，如果啲頭髮亂咗都會即刻處理，又會幫手補妝。😌拍攝方面，佢哋studio嘅場地都幾多元化，有英倫風嘅花花啦，有啲溫馨睡房feel，可以攞住公仔影啦。又或者男仔可以攞住結他，女仔就可以攞雜誌扮睇，營造好似屋企嘅感覺。🏡攝影師嘅instruction都係clear嘅，佢知道口講新人未必get到，仲會親自示範比我哋睇添! 攝影師John同時都好體諒新人，見我哋攰都會比我哋休息下，成個過程係充實得來唔會好攰好攰。🤔另一半都好享受過程，而且揀相嘅時候都見到佢哋p嘅tone係平和嘅唔會好誇張，靚到我都額外買咗唔少相。🤩另外，佢哋嘅相簿好有心思，同一頁會係同一個theme或者係story，甚至可以加啲愛情句子，真係好別出心裁。整體來講，服務都好好，而且問佢哋solution都會比到快速同滿意嘅回覆我🤗