我做資料搜集嘅時候已經鎖定咗幾間婚攝，係唔同地方睇下評價，Bespoke入面嘅評價、留言都有留意，用黎參考～咁多間入面Chris Ling就係其中一間我鎖定咗嘅婚攝，target佢嘅原因主要都係成品風格好中我要求，好有高級嘅感覺，再配合埋價錢合理實惠真係冇得輸。所以我一黎就決定pre wedding同big day都係搵佢哋幫手。🧐

首先講下pre wedding，我當時係海外影pre wedding。我見唔少公司影海外都係日韓台或者歐洲，但佢竟然有新加坡嘅選擇，完全冇諗過新加坡都可以影。🇸🇬見佢咁特別，咁我就揀咗去新加坡，package雖然係包衫、化妝師同攝影師，不過行程、交通理論上係要自己安排，對於新人黎講都幾頭痛㗎，因為我真係唔熟新加坡。😫 不過follow開我哋嘅同事Yuki真係好好人，佢自動請纓幫我規劃曬交通、流程，全部都係佢幫我聯絡、處理，我係零顧慮。

去到新加坡嗰邊，由於Chris Ling佢哋係新加坡有分店，所以攝影師、化妝師都係長期stay係嗰邊，對當地好熟悉。我自己就真係低估咗新加坡嘅熱，當日真係熱得好犀利，但係化妝師幫我化嘅妝都唔會點溶，都keep到好長時間，而且係還原到我本人嘅輪廓、特色，又會幫手補妝set頭，真係細心！😍至於攝影師就會講好多說話令新人發自內心咁笑，所以拍出黎嘅效果好自然，零僵硬狀態，再配合埋新加坡嘅特色，影到好歐陸feel添。🏤

至於big day團隊係另外一team人，人唔同，但相同嘅係專業嘅態度。😎我覺得佢哋都真係零缺點，冇得頂。佢哋婚紗款式好多，講得出嘅都有。試衫嘅時候Yuki會任由我選擇啲我鍾意嘅款但同時會推介佢覺得適合我嘅款式，佢比好大自由度我。我話想試咩佢都不厭其煩咁講「好啊，你去試下啊」。咁結果我都係揀Yuki幫我揀嘅婚紗，好多時我自己眼睇覺得好鍾意，但唔代表適合，都係需要其他人嘅眼光幫幫手。🙈就連另一半嘅bow tie都係Yuki幫手揀㗎！佢哋係好到唔限制我哋試幾多件試幾多次，甚至話只要big day之前都可以再轉再試，仲要係完全唔收additional charge。我每次上去都最少試4條，Yuki同其他同事都好有耐性，唔會嫌我麻煩！😜

到big day當日，我哋有攝錄影、snapshot加早拍晚播，早拍晚播真係拍得好感動，係好驚喜嘅效果。😭攝影師好敬業，唔會因為天氣或者辛苦就求其影或者話影住咁多先啦，反而係不斷捉住我哋去海濱唔同位又用唔到角度幫我哋影。有咁專業嘅團隊，收到嘅相、snap同big day全日嘅精華片段自然係好到冇得彈啦～

我同太太睇過Chris Ling嘅相，商量過之後決定join。主要係因為覺得佢哋嘅相自然D，唔會做作同假。我哋big day同埋pre-wedding都係搵佢哋幫手嘅。係pre-wedding之前大家見過一兩次面，商量下個流程或者係討論下想要咩style咁，當做係一個briefing。😁我哋影pre-wedding嘅時候好生硬，多得有攝影師係現場帶動氣氛。習慣咗、熟悉咗之後成個過程就smooth好多，表情同擺pose都自然好多🤣我哋有帶寵物去影相，寵物唔同人，唔會話真係坐定定或者企定定係度任影。寵物成日都會走來走去，一係就會好怕影相，所以對攝影師技巧嘅要求會高啲。😆而佢哋嘅攝影師係完全捕捉到寵物嘅神態，捕捉角度十分好! 👍🏼同貓貓一齊影嘅相有唔少都可以擺落相簿。pre-wedding影外景嗰陣，有影到一間我同太太都好鍾意嘅餐廳，事前都冇咩同攝影師夾過，但佢都可以影到我哋理想中嘅效果，代表佢哋實力真係好好😬Big day嘅時候除咗影相都有拍片，cam man係一直keep住roll機，然後再捕捉我哋自然嘅一面，唔會好突然stop叫我哋拍片、影相。😙新人當然係主角啦，不過佢哋都影得在場嘅賓客、姐妹、屋企人好好睇、好自然。化妝師都係Chris Ling入面做嘅。pre-wedding對佢印象好好，覺得佢好為客人著想，會為咗我哋去嗰間餐廳專登tailor made頭飾，配合返餐廳嘅主題同風格，所以之後嘅big day都搵返佢，覺得佢嘅技巧真係出色！☺️