當時係網上留意到 Chris Ling 就好鍾意佢哋嘅攝影風格，跟住再喺婚展同佢哋仔細傾就決定 Book Pre wedding 同埋 Big Day。Pre wedding 我地揀去台灣影。記得當時去之前團隊擔心會落雨，所以佢哋都好落力咁問台灣朋友、同事，如果落雨嘅話可以轉邊個場影～👍🏻 佢哋有好多溫馨提示，好夜都會回覆同follow up，呢樣嘢我覺得好貼心～🥰 影Pre wedding時佢哋全程都好Nice，有講有笑，令氣氛無咁緊張，始終唔係個個都識擺pose，但佢哋令成個過程都拍得好舒服，效果又自然又靚，物有所值👏🏻！啲相出到嚟嘅感覺好溫馨好Soft，成件事唔會好夾硬，色調和諧，唔會有好膠又或者好廉價嘅感覺～🤪

到 BD 既時候因為大家Pre wedding都合作過，知道大家性格點樣，所以Big Day都好順，但因為婚禮又要安排zoom又要處理人手安排，所以我哋要求結婚前一日開一個會，佢哋都配合到～😊 特別要提就係佢哋唔會因為賺錢而不斷要求我哋加錢買呢買路加其他服務，係真心視乎客人嘅需要先會suggest 俾我地，呢點一定要讚！～ 👍🏻

佢哋成程都跟得好貼，工作人員好Nice，就算唔係跟你個job嘅同事都好照顧你～ 就算唔係好識擺Pose，佢哋都會帶動到，而且佢哋仲會因應唔同客人嘅性格分配攝影師😉，好似我比較多嘢講，佢哋就安排活潑啲嘅攝影師俾我，配合唔同客人嘅需要同性格，真係好貼心！🤩

我比較鍾意自然風格，而Chris Ling團隊就正正可以捕捉我最開心真實嘅一刻，佢哋唔會叫你企定定擺pose，反而會叫你轉圈、跳舞、揚起婚紗💃，感覺好自然～ 調色方面亦都會根據你影出嚟嘅場景同風格去tune，唔會機械式一式一樣，呢樣亦係我覺得佢哋同其他攝影公司最唔同嘅地方～ 🤩

我係去獅子會同石澳影嘅：獅子會風景好靚，好似樹林～ 🌴 本身諗唔到另一個地方，跟住團隊提議去石澳影，我哋仲去咗海邊，嗰日天色好靚，影出嚟好有驚喜～ 攝影師Andrew好細心，一去到現場就行勻成個地方，幫我哋諗邊個地方影最靚，佢同化妝師Fanny成程都緊貼我哋，仲好細心～🥰 唯一一樣我覺得可以更完美嘅係：如果佢哋成個package入面包埋租車會更加方便！😉

雖然嗰日好熱，熱到出晒汗～ 🌞 但Andrew都好用心幫我哋影，唔怕辛苦～ 佢知道我同男朋友都有玩樂器，所以佢哋好細心咁幫我哋諗可以點樣融入去結婚相入面，細心指導我哋可以點影～ 結果當日我吹口風琴，男朋友玩結他，之後我哋仲有玩Ukulele，影出嚟就好似大自然入面嘅演奏會咁～ 好靚！😍