我join左Chris Ling既pre wedding同big day拍攝服務，big day既衫都係佢地度租。當初接觸到Chris Ling 係因為揀酒席嗰陣酒店既同事推薦俾我地，話好多新人都俾好好既feedback俾Chris Ling。我地去睇Chris Ling個booth既時候都feel到同事既服務態度好真誠，價錢又公道，作品亦溫馨自然，所以我地好快就落左訂。

我地本身唔介意big day之後先收到相簿，但係Chris Ling既同事就比我地更緊張，堅持會係big day前俾到相簿我地，令賓客可以睇我地既相。我感受到佢地真係好為客人著想，唔係單純想賺我地錢，我地就係俾佢地咁真誠既態度打動左。攝影師阿Sean同化妝師阿May負責我地pre wedding 拍攝。我記得May化既妝好自然，轉妝又快，佢幫我整左一個公主造型同埋率性既造型。睇返我覺得好驚喜，見到自己另外一面咁。成日佢都不斷幫我補妝同拎裙，好nice。阿Sean好幽默，又好純熟咁教我地擺pose,我地兩個擺pose白痴跟住佢做就得😂

我地係新加坡影，天氣好熱🥵Sean幫我地影到身水身汗，係魚尾獅個度為左唔影到遊客特登彎曬腰，又去橋底幫我地影。Big day原本我地無打算請攝影師，諗住細搞，但係Chris ling既同事比我地更加緊張，叫我地唔好曬左條裙，所以我地就請左阿John幫我地做big day攝影。阿John當日好識帶動氣氛，氹長輩笑。之後我地收返啲相見到佢幫我地影左好多唔同角度既相，好用心，朋友都話影得好靚。

攞相嗰陣俾佢地既做法震撼到，佢地竟然影印曬所有相出黎俾我地揀，仲示範埋個排版俾我地睇。佢地會根據相既主題分類，仲同我講解每張相既拍攝角度同攝影師既理念係咩。我個下真係覺得好impressed同好感動！ Yuki好耐心咁幫我地揀相，好想多謝佢。最後既成品真係令我好感動！我感受到Chris Ling既每一位同事都好享受佢地既工作，唔係當例行公事，佢地既誠意已經攞滿分。

我地見到Chris Ling係新加坡影既結婚相，覺得好特別，所以就揀左係個度影。同埋我地選擇Chris Ling係因為佢地既作品比較自然、輕鬆啲，無傳統結婚相咁誇張，啱我地style。

一開始接觸Chris Ling既同事Cloris同Fiona唔會hard sell，會俾空間我地我地考慮。係正式拍攝之前我地會約出黎傾下我地期望既拍攝風格，過程中同事都好helpful好有耐性咁溝通。👍🏼相簿我地反覆修改過幾次，同事都好有耐性咁幫我地。不過要改相既話就要加錢，呢點可以事前講清楚啲🤔

攝影師Jacky 好專業，識得捕捉我地自然既表情，又會搞下笑，令我地唔無咁緊張。化妝師Amber都好好，化妝好自然。成個過程都同佢地合作得好舒服😊。揀相既時候佢地採用既方法比較特別，係直接print啲相出黎俾我地睇到實際既效果同排版，唔同平時淨係用電腦揀相，我覺得呢個方法幾好。