我地見到Chris Ling係新加坡影既結婚相，覺得好特別，所以就揀左係個度影。同埋我地選擇Chris Ling係因為佢地既作品比較自然、輕鬆啲，無傳統結婚相咁誇張，啱我地style。

一開始接觸Chris Ling既同事Cloris同Fiona唔會hard sell，會俾空間我地我地考慮。係正式拍攝之前我地會約出黎傾下我地期望既拍攝風格，過程中同事都好helpful好有耐性咁溝通。👍🏼相簿我地反覆修改過幾次，同事都好有耐性咁幫我地。不過要改相既話就要加錢，呢點可以事前講清楚啲🤔

攝影師Jacky 好專業，識得捕捉我地自然既表情，又會搞下笑，令我地唔無咁緊張。化妝師Amber都好好，化妝好自然。成個過程都同佢地合作得好舒服😊。揀相既時候佢地採用既方法比較特別，係直接print啲相出黎俾我地睇到實際既效果同排版，唔同平時淨係用電腦揀相，我覺得呢個方法幾好。

我地幫襯左Chris Ling既pre wedding服務，包括係香港Studio同日本輕井澤拍攝。Chris Ling既同事既服務態度令我覺得幾親切，好似朋友咁。我地問既問題佢地都好俾心機答，唔hard sell。揀衫既時候同事無限制我地試幾多套，會有耐性咁幫我地配搭同提供意見。衣著方面我地幾滿意，款式多選擇，我老婆仲租多套晚裝係big day當晚著👍🏼。

係輕井澤既行程、交通、衣著首飾等同事都幫我地安排好曬，幾貼心。我地揀左係紅葉季節影相，風景真係好靚🍁。除左我地自己揀既景點之外，攝影師Andrew當日仲帶左我地去唔同景點影相，我地仲揀左其中一張相做掛畫添。不過去日本影相既時候我地要自己帶婚紗同禮服，如果Chris Ling既同事可以幫我地攞埋啲禮服過去就會好啲，減輕我地負擔😬。化妝方面都有驚喜，Fanny雖然唔係完全按照我地既要求去化，但係出黎效果比想像中好👏🏼。

無論係攝影師定化妝師，我都覺得Chris Ling比我地係big day請既公司更加好。