我上網搵攝影公司，之後喺BESPOKE睇到Chris Ling嘅評語幾好💖，加上喺婚紗展同佢哋嘅團隊傾過計，又睇過佢哋啲作品，覺得幾啱我哋嘅style，都係偏向自然，唔會太過做作😍。而且Chris Ling嘅同事唔會chur我哋買package， 整個過程都覺得好舒服，唔會覺得好大壓力👍🏻。加上之前我join過其他公司影過一次prewedding，個體驗真係幾麻麻，見到Chris Ling就覺得真係自己鍾意嘅嘢，所以最後就揀咗Chris Ling 再影多一次Prewedding！

喺婚展服務我哋嘅同事係Eliza， 佢非常Nice😍，感覺佢真係為新人着想，想盡量配合我哋。 商討嘅途中，Eliza完全冇hard sell，而係同我哋強調Prewedding會留一世， 所以希望啲相會有曬我哋想要嘅效果。佢哋唔會好似其他公司咁比好大壓力我哋，而會真係去理解我哋嘅故事🤩， 再去諗辦法配合我哋，務求呈現到我哋都想要嘅效果之餘，仲可以令到成輯相更加有故事性。Eliza似係一個好有經驗嘅朋友去教我點樣準備影呢一輯Prewedding嘅相，成個過程都係非常舒服，覺得佢哋非常有心機，成個服務同構思都令到我哋好放心咁將成件事交俾佢哋💯。 之後到傾細節係另一位同事Yuki負責。佢都係超級Nice同埋好有活力😍。佢會好生動咁講呢一個場地可以點樣影，出嚟會有啲咩效果🥰。同埋佢真係好有經驗，我話想影纜車，佢就提議可以去埋山頂公園同纜車✅，仲問咗我哋會唔會想影頭紗，呢一個我真係冇諗過，但出到嚟真係好鍾意❤️。另外，佢哋內部溝通做得好好，當日攝影師Darren都好清楚知道我哋想要啲咩，睇得出佢哋事先有溝通過，佢哋有講過叫我哋唔好影chok 嘅相，自然開心就夠。

拍攝當日嘅化妝師係Fanny，之前我係好擔心嗰日嘅妝容。因為我平時好少化妝，所以溝通嘅時候都淨係可以同Fanny講啲好概念嘅嘢，但係Fanny好好，一路化一路問我咁樣好唔好🥰。我俾咗啲相佢做reference，最後出到嚟效果都好滿意，而且好難得嘅係我另一半都好滿意，話個妝唔會濃到認唔到我🤣。而攝影師Darren都好好😆，好識去拿捏點樣去營造一個好嘅氣氛，唔會太過熱情，令到我哋覺得有負擔，亦都唔會令到個氣氛太過靜。 佢份人係文靜內斂，溫文爾雅嗰一種類型，我自己個人覺得佢嘅性格會令到我比較放鬆。雖然佢個人比較內斂，但都會講啲笑話炒熱吓個氣氛 🔥，所以都覺得佢幾cute。而且佢有好多idea，影相途中都會問我哋意見，就返我哋性格去影，希望可以滿足我哋。我哋當時有啲比較突然嘅諗法，去石澳影相嘅時候， 途中突然想去士多買兩枝甜筒影相，買完之後佢就好興奮咁樣教我哋點樣擺pose🤩，成個拍攝嘅過程都好開心。有一張相Darren 叫男朋友孭住我影，但佢同我一樣高🤣，Darren 就搵咗一張公園嘅長凳幫一幫我哋，再就一就個角度。我哋開頭都覺得自己做唔到，佢就鼓勵我哋話「得㗎！🤩」，再捉緊個黃金一兩秒影咗張相，所以睇得出佢真係好鍾意攝影師呢個職業， 我都好開心影到一張男朋友孭住我嘅相🥳，所有相出到嚟嘅效果都係我哋想要嘅嘢，真係好滿意❣️！

當時係酒店嗰邊refer我去揀Chris Ling，之後都有睇吓佢哋嘅作品。我本身都係鍾意自然啲嘅風格，睇落去係舒服，唔鍾意太花巧同P得好勁嘅，而Chris Ling嘅作品都係我鍾意個種類型，符合我嘅要求👍🏻，所以我都冇睇過其他公司，就直接揀咗Chris Ling。跟住就上studio傾細節嘅嘢，最後決定喺香港影Prewedding， 同埋係studio影唔同場景，大概影咗四個場景，化妝租裙都係包埋，我就揀咗兩套衫🤣。

職員Yuki好helpful同好體貼，因為我當時係大住肚去影Prewedding，佢好貼心咁叫其他同事小心啲，多啲take care下我，同埋佢仲特登揀啲婚紗係啱我嘅style🥰。仲有，由於當時我唔太方便去拎衫，Yuki就搵咗一個相熟嘅GoGoVan司機送啲衫去我屋企，之後又安排將啲衫送返去studio到， 仲將油畫同相簿都特登送嚟俾我，唔洗我出去拎，真係好sweet😘，佢做嘢做得好足同好周到。而負責租衫嘅同事都好幫得手，見到我先生條褲太長都會主動幫佢改短🤗。 我覺得Chris Ling衫款都好多，而且都唔會孤寒咁限住時間，反而會拎好多新款俾我哋試， 都冇chur我哋，俾我哋揀到滿意為止😆。

至於化妝師Fanny都好好，我先生都有set頭化妝，但因為佢唔鍾意太濃嘅妝，所以Fanny都冇用太多嘢去化妝，配合到佢啲要求🤪。而我個妝都好自然，都係唔花巧🥰，我都好滿意。Fanny 影相當日都係全程跟住我， 如果甩咗少少妝或者個頭散咗嗰陣時都會即刻幫我整。當日就係有一個男攝影師負責拍攝， 佢都好friendly，會搞吓氣氛同埋教我哋擺pose。 佢哋嘅安排都好彈性同細心，因為我大緊肚，佢哋都唔會要求我做一啲唔係咁適合嘅動作，同埋都好注意我嘅安全😚。而攝影師同化妝師都有互動嘅，會討論點樣影會靚啲。所以，嗰日嘅流程都好順利又好滿意，都係喺預時間內收到相，相嘅效果都好自然，仲個個都讚好靚💝，我同先生都好滿意。