我哋第一次睇到 Chris Ling 嘅作品時，就已經幾鍾意佢哋嘅攝影風格，覺得都幾自然，啲角度都幾啱我。因為唔想同人撞，所以我哋想揀奧地利作為拍攝嘅地點，但唔係間間公司都肯去奧地利，但因為Chris Ling有喺奧地利拍攝嘅經驗，價錢亦都比較合理，所以最終選擇咗 Chris Ling💖。而且我哋同 Chris Ling都係鍾意自然嘅相，所以嗰陣時我哋搵 Chris Ling都覺得我哋會一拍即合😝。

同事Yuki好貼心，喺拍攝前4至5個月已經主動聯絡我哋，安排試婚紗同傾吓啲拍攝細節， 因為我哋都比較忙，所以佢哋主動聯絡我哋呢一個位我覺得都比較滿意同欣賞，唔洗我哋擔心🌟。Chris Ling都建議我哋如果差唔多年尾結婚，就五六月去奧地利影，因為嗰到唔係個個時間去都會影到靚相，同事Yuki都有分享佢曾經喺奧地利旅行過嘅經歷同埋當地景點嘅相給我看，真係好靚💕。

攝影師會提前到當地，決定幾時去帶我哋影相會比較靚啲，睇得出佢哋都幾花心機同時間去做準備😙。團隊會諗由邊到開始影，點樣行，仲考慮埋人潮嘅問題。我哋只需要跟住攝影師嘅指示去做就可以，令到整個拍攝過程好順利🥰。團隊都好照顧我哋，又會幫手攞吓道具。我覺得好似Chris Ling咁主動又做得嘢嘅團隊，而家都好難搵🥹。

拍攝當日，攝影師 Andrew 非常專業同埋幽默，亦都好有經驗。佢哋唔單止能夠捉住每一個重要嘅moment，仲好識得令我哋笑🤪。我覺得團隊犀利嘅地方係可以影到另一半笑嘅相，因為佢影相嘅時候唔係好習慣笑，但係攝影師可以影到我哋笑得非常自然🤩。成個拍攝氛圍都係輕鬆同開心。雖然大家都好辛苦，但佢哋完全唔會有任何疲態。

啲相出到嚟效果非常理想，我覺得真係perfect💯，甚至超出咗我哋嘅預期。攝影師用佢嘅技術同拍攝技巧影，啲相真係好自然又好好睇，又拎到我哋最靚嘅角度。揀相嘅時候真係好難揀，因為影得好靚，我哋張張都想要🥲。我本身自己要求都高，但Chris Ling做出嚟嘅嘢真係完美，真係好難挑剔到有咩瑕疵。我哋俾咗啲相朋友睇，佢哋都覺得好靚❤️！

因為Chris Ling嘅一條龍服務好方便，化妝、租衫同攝影都可以喺同一間公司做埋，咁就可以慳咗唔少時間🌟。Chris Ling 團隊俾我嘅第一印象係專業同有禮貌，初期嘅溝通都好順暢。 最後我哋揀咗佢哋嘅pre wedding同Big Day嘅package🤩。

喺拍攝Pre wedding之前，Chris Ling有同我哋討論過我哋有啲咩共同興趣，再決定去邊到影😝。Chris Ling Studio嘅佈景keep得幾好，場地都幾新淨。至於室外景，佢哋會同我哋商量下去邊，我哋最後揀咗迪欣湖同大帽山。影相嗰日嘅天氣唔算熱，10 月尾嘅氣溫仲幾舒服。攝影師 Andrew 表現得好專業😚，會俾清晰嘅指示，教我哋點擺poses同就角度，仲會幫手搞下氣氛，令成個過程輕鬆啲🌟。Big Day 我哋揀咗2P1V，Chris Ling團隊分工清晰，會有攝影師專注影正面相，另一位就影其他角度。敬茶嗰陣時都會跟住我哋，當晚播嘅在早拍晚播我都覺得幾好，都好識去capture啲moment💯。

Pre Wedding同Big Day嘅化妝師都係同一個，Pre wedding嗰陣已經覺得唔錯，Big Day當日轉妝嗰啲都ok。衫嘅選擇都幾多，試衫嘅環境亦都舒服。 無論係問化妝、攝影，甚至其他細節，Chris Ling嘅回覆速度都好快，同事亦好重視我哋嘅意見👍，例如pre wedding相有啲需要調整嘅地方，佢哋都會幫我哋執返好。我哋都好放心交俾Chris Ling😆！