我由pre-wedding開始都係搵Chris Ling去做，最初因為喺婚展嗰度見到佢哋，我過往喺新加坡生活過，我知道佢哋本身係新加坡嗰邊嘅公司，所以就吸引到我去睇。同埋佢哋啲相嘅風格都適合我，係自然同簡單咁。我有喺婚展比較過其他公司，但都係比較鍾意Chris Ling嘅風格，所以最後就決定揀佢哋啦😊。

我pre-wedding同big day都係佢哋影嘅，big day有2P1V，化妝同衫嗰啲都係喺佢哋租嘅，就係一條龍服務咁。喺婚展佢哋解釋得好清楚，so far我覺得嗰日佢哋都follow up得好好，同埋啲plan都吸引，因為價錢嚟講佢哋相對比較reasonable。雖然成個場實有啲檔係平過佢哋，但係我覺得佢哋end up個plan係好reasonable，我都有介紹咗好多朋友俾佢哋😆。有啲係純粹去試佢哋啲衫，因為鍾意佢哋啲衫，佢哋都話compare依家市面上嘅價錢好合理。我個package包咗pre-wedding嘅全部soft copy同big day total 11個鐘嘅2P1V攝影，呢個係佢哋最basic嘅package，我之後都top up咗譬如話男仔想要多件衫，但係價錢其實都好合理。

Pre-wedding同big day嘅攝影師同化妝師都係同一team人。我係喺香港影嘅pre-wedding，成個感覺都好好。我係3月份影嘅，早一兩個禮拜一直跟進我嘅同事Yuki就已經幫我check天氣，見到有機會會落雨，就問我哋會唔會考慮轉日子再影。但係風雨呢啲唔似預期，好難預計，所以end up我哋都係疊埋心水按嗰日去影。好彩嗰日朝早有太陽，雖然夜晚有落少少雨，但係攝影師同化妝師好好，擔住遮都會堅持去影，有時攝影師連遮都唔要咁幫我哋影，我都唔好意思，但係見到佢哋真係好落力去做，好上心好執著🥰。啲相我好滿意啊，化妝方面好natural，唔會詰紙紮嘅感覺，因為我見過有啲朋友可能真係會化到唔似自己，咁我就覺得佢化得好好，即日已經即刻book埋佢幫我化big day啦😍。

Big day嗰日朝早我有行教堂，但係條裙因為比較bulky，係比較蓬鬆公主type嗰啲，我march in嘅時候對鞋就kick爛咗條婚紗，穿咗個窿咁。其實我好唔好意思，整爛咗人哋條裙點都會唔開心，同埋又會擔心要賠錢嘅情況。我即時就同化妝師講咗呢個情況，佢知道我唔開心，都一直安慰我，叫我嗰日最緊要要開開心心，唔洗擔心，喺呢啲位好安慰到我🥺。條裙係喺Chris Ling度租嘅，因為有個幾明顯嘅窿，所以最後都要買返塊紗去補，咁我就淨係補錢，佢哋嘅同事再買返啲紗處理。佢哋有收費嘅，但係我覺得價錢係好合理嘅。

同埋，佢哋嘅衫有好多款，俾我哋試好多次，唔介意我哋麻煩。我哋都試咗兩三次，fitting又試，中間試一次，最後final fit又試多一次。每一次佢哋都會推薦話有返咗啲新貨，問我想唔想試下，覺得個效果會比較襯我，佢哋真係會拎新嘅裙出嚟俾我哋試😇。仲有一個位都想highlight嘅，因為我自己屋企有宗教背景，屋企人本身就覺得龍鳳褂唔洗咁好，我都係去到好忟水，到結婚前兩個禮拜先問Yuki可唔可以轉條花褂，咁佢都可以即時幫我處理到，所以好貼心啊。我無去過佢哋嘅新location，但係佢哋過往嘅選址都係方便嘅，依家搬咗新地址又近地鐵站，所以我覺得好好啊🥳。

我keep住都有介紹佢哋俾朋友，上個禮拜都有朋友上佢哋度試衫，佢哋都鍾意佢哋嘅風格，所以好快就已經上咗去落訂。佢哋嘅態度好好，好用心去做，even有啲唔關結婚事，到聖誕新年佢哋都會好關心佢哋嘅client，會send message祝福。雖然可能係好多人咁樣一齊send，但係佢哋有咁樣嘅gesture已經好細心啦😙。

我哋去咗婚展，行到有一層係攝影嘅，覺得其他公司好籠統同埋好公式化😖，去Chris Ling嗰度，我覺得佢哋嘅相簿好特別，會聽新人嘅意見去做返想要嘅嘢出嚟，比較客製化。唔同平時見到嗰啲婚紗相咁，佢哋會用storytelling嘅方式去表達呢件事。我哋一睇到就好鍾意，我同老婆都係做設計行業，覺得Chris Ling好做到我哋想要嘅嘢，所以喺婚展就落咗訂啦。

同佢哋嘅溝通過程好舒服，無話特別去hard sell，佢哋嘅selling point同其他公司唔同，比較著重返新人想要嘅嘢，係獨一無二😙。影pre-wedding嘅時候個攝影師好nice，因為我哋無影開相，嗰日佢哋帶得好好，好鼓勵我哋去試好多嘢，指示會比較容易引發到我哋，我哋都好自然做到佢叫我哋做嘅動作，唔係好似其他攝影師呼呼喝喝咁，最後影出嚟嘅效果我哋都好滿意啊😍。

Pre-wedding同big day都用咗佢哋嘅化妝，其實原本我哋big day已經搵咗個化妝師，效果我哋係勉強接受。不過pre-wedding佢哋包埋嘅化妝師嘅妝我好鍾意，好做到我哋想要嘅style，所以最後big day都轉咗用Chris Ling嘅化妝師啦😆。

出嚟嘅作品真係超出我哋預期啊，我哋係想要啲好文青、清新嘅感覺，最後都做到，揀相嘅時候我哋都鍾意到揀唔到。屋企人都讚啲相好靚，做到我哋想要嘅效果。Big day我哋係做半日，化妝師上晝化完就完咗，但係佢會化晒新娘子同奶奶先走😙。

我哋一開始揀拍攝地點唔係好識，佢哋可以俾到啲專業建議我哋，係正常嘅回答速度，不過有啲要求因為我哋太遲，所以就幫我哋唔到啦。我會介紹佢哋俾其他新人啊，佢哋嘅價錢合理，鍾意文青風格同有自己諗法嘅新人就好適合啦🥳。