我哋用咗Chris Ling嘅pre-weeding，租衫同婚禮當日2P1V嘅package，我唔係一次過join晒全部plan嘅，係分開3次去join。

一開頭係pre-wedding，因為影pre-wedding我都係比較中意自然啲嘅風格，其實當時我心目中有兩三間。到左婚展就去睇，去個booth去聽下佢地個plan，咁佢地當時比我睇嗰啲product同相嘅風格同質量都幾好，所以就參加咗，參加咗之後就去試衫同埋約我地去影相嗰啲😆。我覺得Yuki安排得好好，我地有個whatsapp group，佢就會提返我地有咩要做，例如話唔使買咁多道具，因為佢地會提供比我地。同埋攝影嗰邊嘅Andrew好nice，Fanny就負責化妝。當日就係Fanny同Andrew，佢地兩個都好專業，好照顧我地☺️。仲有另一個攝影師係影standard嘅Kelvin，同big day當日攝錄嘅bob，我同佢地兩個之前就冇合作。

我地嘅pre-wedding係香港影，外景同Studio都有影。攝影師喺影相期間會講下笑話氹我地笑，因為我地兩個都比較拘謹。Fanny見我出咗汗都會過黎幫我補下妝，跟得好貼。收到相嘅時候好緊張，第一次睇嘅時候係喺IG度，見到都覺得好靚好surprised🤩。去到再約我地上去揀相嘅時候，佢地都已經曬好晒出黎大約200張相，將啲相分開一組組比我地揀邊啲要邊啲唔要。過程中佢地都唔會好hard sell，會幫我地排好睇我地要邊張咁，好貼心啊，我都冇諗過佢地會咁做🥰。

租衫方面，其實佢地pre-wedding啲衫同big day啲衫係分開兩個area擺，我見到已經覺得好靚，最後就租咗一件婚紗，一件裙褂，兩件晚裝，仲有一件男禮。佢地次次都係預約制，每次只可以一pair人上去睇衫，私隱度比較高。Yuki好瞭解我嘅喜好，會問我想著咩類型嘅婚紗，之後揀好多款比我試。佢地婚紗款幾齊幾多，同埋好靚啊😍。佢地有個獨立area試衫，有間房係圓形，幾寬敞，兩排就係擺婚紗同晚禮服，然後有個試身室咁樣。Yuki會幫手試嗰件衫，同埋會幫我地影返啲相比我地睇下。同埋嗰陣試衫係五六月，佢都會強調話其實九月嘅時候臨結婚前會好想我地再試多次嘅，因為可能會番咗啲新款，同埋想揀相簿咁樣。呢樣嘢真係好好👍🏻，因為係用咗佢哋嘅時間。

Big day嗰日交通有少少擠塞，出發之前，本身都有個break要放俾攝影師，但係佢哋好好咁話唔使care嗰少少食飯鐘數咁，最後啲時間先趕到準時完成。我覺得佢地安排好彈性，同埋時間控制得好好😙。Big Day嘅早拍晚播好多朋友都讚好好睇，同埋Big Day個plan係會送個成長片段同相簿比我地。雖然暫時未收到相簿，但個成長片段我覺得拍得好好、好感動。早拍晚播一開頭係影住我攞住個束花，再拉闊個鏡頭咁樣，我覺得好靚啊。成個風格好自然，唔會好生硬，純粹係因為我地緊張，所以表情會比較生硬啦🤣。

其實佢地本身都control得幾好嘅，但譬如pre-wedding會希望佢地公司會唔會多個助手，等佢地唔使咁辛苦啦。 我會介紹Chris Ling比準新人認識啊，我覺得佢地風格啱啲比較後生啲嘅新人，係走比較輕鬆啲同自然啲嘅風格。雖然我覺得Big Day就貴少少嘅，不過同Yuki合作開，唔會擔心佢安排得唔好，會安心啲，所以貴少少都值得嘅🥳。

我同太太喺行婚展時候周圍睇，留意display啲相嘅風格，睇到Chris Ling同我地想要嘅風格相近，所以就揀咗佢哋嘅pre-wedding😆我哋係婚展度都有睇過晒行勻晒最尾先比錢。Chris Ling個style係類似小清新風格，姐係唔係好傳統要擺好多好chok嘅pose，而係比較隨意啲自然啲寫實啲，唔會話「好多味精」。同埋佢哋係新加坡公司，婚展當日Chris Ling本人都有黎到，有行過黎講幾句。同佢地傾計嘅時候，佢地唔會hardsell。

佢哋嘅員工Yuki介紹得好清晰，佢由頭跟我哋到尾，基本上跟左成年，in between有咩事發生都係搵佢。Yuki跟得好足好helpful，問嘅所有information基本上佢都好快答到，亦比到我地要嘅資訊。同埋一啲好details嘅野，譬如租衫、攝影pre-wedding嗰啲，佢都好適時地提我地要準備某一啲野嗰啲，跟得好足。pre-wedding之前，負責幫我地影pre-wedding嘅攝影師約我地上office了解我地想要咩風格、想佢幫我地點樣影、同埋同我地講注意事項，或者調返轉我地想要咩效果。溝通過程中間冇咩甩漏，雖然淨係見一次攝影師，但Yuki一路都有提我地其他嘢嘅。

影相過程中，攝影師成日諗辦法令我地放鬆啲，會氹下我地笑咁。攝影團隊好專業，個化妝師見住我太太凍嘅時候，成日都會衝過黎披返件披肩比佢。最後收返啲相，真係同我地想要嘅一樣啊，係好好嘅作品😍好高quality，無論係個啲影相嘅style，相簿，油畫，都好好。

我有介紹Chris Ling比朋友，我諗一啲鍾意影自然嘅會啱搵Chris Ling。如果話想搵啲蒙羅麗莎啊，一啲影樓咁好舊式嘅好濛嘅就未必啱喇。中意韓式嘅應該都未必啱，因為韓式都比較會影得生硬、濃妝同埋「味精重」嘅，所以如果追求自然風嘅就最啱佢哋喇。佢哋嘅價錢好合理，不過作為消費者如果再平啲就最好喇🤣！

租衫方面我地個價錢比到好高，因為我太太有租埋一套晚裝，我自己就租咗兩套西裝咁樣。款式方面，女士嗰條裙好靚，個款唔會好古板，係潮嘅。唔係啲平時係出面搵到求其比你嗰種，會覺得有啲特別有啲特色。而且佢地有follow up，例如幫我改衫啊整嗰啲嘢都跟得好足。Big Day嗰日賓客都有讚我哋嘅衫好靚啊😇。

除左頭先講嘅Yuki之外，仲有一位Zoe幫我地。佢主要係現場，好照顧我地，解答我地嘅問題。我覺得佢地好friendly，係當我地client係朋友咁，個相處模式係唔會好商業咁👍🏻。成間公司俾人嘅感覺都係好注重同個client個relationship，manage得好好，唔會話淨係傾公事，佢地overall個culture都好friendly。我地相處得好舒服，成個感覺好好。佢地好識得搵個客想要啲咩，成個拍攝過程由婚展去到pre-wedding十分順利，我地都非常滿意佢地嘅服務啊🥰。