我一開始係行婚展見到Chris Ling嘅，覺得佢嘅風格相較其他間唔同啲，係比較自然啲風格，因為我男朋友有影開相，佢話唔鍾意太硬梆嘅影相風格，所以最後就join咗佢哋Pre-wedding攝影嘅package啦😆。

佢哋嘅員工好好，因為我本身淨係諗住睇下，無咁快影相，同佢哋傾完之後，佢哋話如果未咁快決定婚期都可以之後再confirm，安排上面嘅嘢都可以配合返我哋。之後我哋都有上去同佢哋開會，揀咗啲地方係我哋自己鍾意嘅，佢哋再幫我哋睇下個風格啱唔啱我哋同串連返個行程會順暢啲。我哋一早知道係影Pre-wedding會係邊個攝影師同化妝師，因為佢哋開咗個whatsapp group，會提我哋早啲訓同brief下第二日嘅行程🤓。

去到影相嗰日，我哋係去到台灣影完室內再去室外，去台灣嘅機票係我哋自己買嘅，但係去到台灣嘅酒店同租車佢哋都會安排好。因為我無影開相，開頭會有啲唔習慣，要啲時間warm up下，但係攝影師都好風趣，會搞下氣氛。同埋出外景影都會比喺studio感覺舒服啲啦😝。中間有個小插曲嘅，我哋原本揀嘅場景可以影嘅唔多，佢哋都好好，即刻建議我哋去第二個地方，就中間加插咗再影多個場景，就可以影到啲唔同嘅效果啦。我哋仲有去沙灘影嘅，佢都唔介意污糟，仲落埋水幫我影，真係好專業🥰。

之後揀相嘅時候，我男朋友話有樣嘢好surprised，就係佢哋嘅相係曬出嚟俾我哋睇嘅，因為作為一個會影相嘅人，佢覺得有張相嘅實物睇同睇電腦好大分別嘅，同埋曬出嚟都要成本，其他間唔會咁做，所以我哋好欣賞佢哋😊。

我哋好鍾意攝影師嘅態度，可能又因為大家咁啱夾到，有火花，咁輯相出到嚟嘅效果都好好，我哋好滿意🥳。而且佢哋好貼心，就算完咗pre-wedding都會有時同我哋傾下計，我哋安排big day啲嘢有啲唔明嘅問佢哋，佢哋仲會俾意見我哋添。

我哋一開始係喺Bespoke Wedding網站見到Chris Ling嘅，見到佢喺個pre-wedding嘅排行榜排第一，大部分人對佢嘅評語又都係正面嘅。之後上佢哋網站睇咗啲相，覺得都幾鍾意佢哋影相風格同衫嘅款式😍，所以行婚展就有特登去聽佢哋介紹下，都介紹得好清晰，唔會好hard sell，最後就揀咗佢哋啦。佢哋舖頭嘅地點喺荔枝角，咁啱我又喺荔枝角嘅教會行禮，咁上去試衫都好方便👍🏻。我哋用咗Chris Ling一條龍package嘅服務，就包咗pre-wedding同big day攝影、租婚紗禮服同化妝。溝通嘅時候都會有個sales Yuki跟足我哋全程，會定期喺whatsapp group同我哋聯絡，幫我哋做咗一個中介咁，聯絡化妝師同攝影師。因為我哋唔係好熟婚禮啲嘢，佢哋都會俾我哋啲專業意見，幫到我哋解決好多問題😍。上去試衫嘅地方係佢哋office嚟嘅，環境都乾淨四正，好整齊嘅。佢都會安排啲私人空間俾我哋換衫，除非好忙咁就要大家輪住用，但係都唔會話試完出嚟好多人睇住同埋係好少有嘅情況。Big day攝影我哋都好滿意，都好有水準，攝影師會教我哋啲手點擺，調整眼神同身體動作，同埋會提我哋多啲笑容，因為有時自己無笑都唔知🙈。經過見到有啲場景嘅佈置好靚，佢哋都好彈性，會叫我哋企過去影幾張。化妝師都好專業，個妝化出嚟都好滿意，同埋我都好鍾意佢哋會用鮮花做頭飾。但係因為佢哋嘅客比較多，有時都比較繁忙嘅，我哋都明白，不過就變相有時會難約啲。我哋返工返禮拜一至五想約禮拜六日放假上去試衫就會難約啲，都要早少少約好時間，有時就下時間就要平日放工去。其實呢個都唔係問題，因為佢哋都係服務好先咁多客，如果係想要好方便嘅新人就要考慮下呢個方面啦。😉