我哋係行婚展搵到Chris Ling嘅，知道佢哋有影相、租衫同化妝嘅一條龍服務，其中一個同事Yoko同我哋介紹佢哋嘅風格同影相嘅approach，都唔會好chur好hard sell，我哋好鍾意佢哋嘅自然風格，咁最後就揀咗佢哋啦🥰。影完pre-wedding之後我哋上去揀相，佢哋係印晒啲相出嚟，諗好要點樣排版，俾咗幾組option俾我哋揀，咁樣一組組揀就簡單方便好多。同埋佢哋都不計成本print出嚟俾我哋睇實物，感覺實在好多。攝影師Andrew都capture得好好，會帶動氣氛等我哋無咁緊張，最後pre-wedding相出嚟嘅效果都好靚🥰。租衫方面，幫我哋試身嘅同事都好有禮貌好有耐心幫我哋搵款，啲款都比較特別，不會同出面撞款。化妝師Fanny都好好，可以balance返我嘅大細眼，跟到我想要嘅感覺，雖然我知道佢應該好攰但都keep到好快手，但係如果可以幫手買埋鮮花配返啲婚紗就好啦。不過原本試妝係要加錢嘅，佢哋都免費俾我試埋，仲唔介意我帶個朋友上去睇下個效果。我同屋企人都好欣賞佢哋，賓客睇咗啲相都話影得好好，我都有介紹俾啲朋友，我覺得佢哋嘅一條龍服務就最適合好似我咁咩都唔想煩同鍾意自然簡單風格嘅新人啦👍🏻。

由開始plan結婚我地已經行左三四次婚展，有次見到Chris Ling既衫比較特別同靚，再自己做research,見到佢地都有好多好評，所以最終決定揀Chris Ling影pre wedding。傾既過程覺得佢地服務同態度都好😀。未落訂之前我問佢地係台中影唔影到我想要既風格既相，跟住佢地就send左好多sample俾我睇有咩景點，行程，點樣影等等，我地轉左好多地方，佢地都好熱心解答我地，所以真係一啲都唔hard sell👍🏼。今年年頭我地係香港既studio度影先，攝影師好快就影到我地滿意既效果出黎，唔洗花好多時間試影。我太太對化妝比較高要求，但係佢都滿意個化妝師，所以化妝個方面都應該ok。台灣個輯佢地都跟得好好，我地影既前一晚到台中，到個陣已經好夜但係攝影師都出去準備定，睇定可以點影。呢啲位令我覺得化妝師都幾細心。佢地咁專業同用心真係無野可以challenge✅。化妝師當日都有跟住我地，幫我太太拎住啲衫，凍個陣又會幫佢披返件外套。揀相既時候我以為會好似一般做法咁係電腦揀相，但係Chris Ling既staff竟然幫我地曬埋啲相出黎俾我地揀，呢一點做得幾好😌。我想要既效果佢地都幫我影到。同埋佢地都好有耐性，我每次試衫試十幾件佢地都唔會黑面。我覺得佢地服務質素真係好好，好肯同我地溝通，儘量配合我地，如果可以包埋影結婚相，租衫以外既服務就更加好喇😂，真係好想幫襯佢地做曬所有結婚既planning工作，唔洗另外再搵公司😛。