我係wedding exhibition 見到Chris Ling呢間影pre wedding既公司，鍾意佢地既攝影風格比較freestyle同自然🤓,所以就選擇左Chris Ling。同埋佢地價錢好公道，基本上一個價錢就包曬所有嘢（兩本相簿兩張畫），仲俾曬啲soft copy我，唔洗自己另外出錢買相，我對於無額外收費呢點好滿意😆。我地係法國同香港既studio各影左一輯。係法國影相個兩日都好順利，影到我想去既地方，我睇返啲相都好滿意😛。化妝師，攝影師都做得好好，我覺得佢地仲俾突左我添😂香港個輯就係Chris Ling荔枝角既studio影，都唔錯😆

其實一開始都對呢方面無乜概念🤔就決定去婚展尋覓吓方向，當時喺婚展都坐低過幾間比人sell過，但唯獨係去到Chris Ling嗰陣睇到佢哋嘅style都係我哋想要嘅風格，即係比較有趣、符合我哋個性，比較personalised🤓我哋自己又唔係好影相😥唔識分話邊啲相係靚啲，但Chris Ling比我哋嘅package就sell 故事性，唔係好似其他公司咁會sell一式一樣嘅嘢比人聽，喺傾傾吓嘅時候都好快get到我哋想要乜，所以我哋就決定join咗佢哋個pre-wedding package。 最後我哋就去咗幾個地方(龍舟、拳館、機場跑道、電單車)，suppose我哋應該要一日搞掂，但好唔好彩嗰日就落紅雨，朝早嗰陣毛毛雨佢都有問我哋會唔會想改期，但因為我哋影龍舟要夾埋班friend又要特登book船拖龍舟，所以我哋唔想再改日子因為真係好難再夾，攝影師Andrew都好尊重我哋嘅決定照樣去馬，結果好好彩喺海上面嘅shot都ok。但去到另一個地點嗰陣就真係好大雨，攝影師一見細雨就叫我哋出去影，真係好熱心，但可惜嘅係其實嗰個人都濕哂，好難影落去，所以最後都係腰斬，揀過第日。講真呢個位真係好抵讚，因為我哋做開運動面對橫風橫雨都頂得順，但啲攝影師化妝師都陪我哋頂落去，其實我見個化妝師佢都頭暈😨(因為我哋影海上龍舟shot佢要坐快艇，但佢都盡能力去完成佢個job👍🏼)。Andrew自己都講過佢係第一次影龍舟，但佢都好passionate，佢自己都覺得好有趣，好熱衷好想試😄雖然一開始佢聽到我哋個idea嗰陣好似無乜反應，但直至當日佢拎起相機嗰刻好似變咗個人咁，原來佢一直唔聲唔聲，其實一路都將我哋嘅要求放上心，所以之後睇到成品其實都meet到我哋嘅expectation，尤其係電單車嗰part。同埋佢一開始影嘅時候我哋都係跟佢指示，但出嚟個成品我哋睇得出原來攝影師叫我哋做每個動作都係佢有構思過，仲要拼到一個故事出嚟，係我哋完全無expect過嘅嘢，呢個位真係好surprised！😍 另外化妝方面，化妝師Fanny好welcome去接受我哋嘅意見，講到明有乜唔中意要即刻講，同埋同Fanny相處都好舒服，佢好識觀察人，如果佢feel到我好攰就會比我抖，如果feel到我想同人講嘢都會同我傾計，十分貼心！😍 衫嗰方面，當時係Yuki負責嘅，佢好快get到我哋想要嘅款，一個鐘都唔洗就搞掂！Yuki都會比好多functional 同 practical嘅提議我哋，例如邊件著上身去影邊個景會方面啲咁。加上佢哋啲衫quality好好，著上身又舒服，款又多，真係好正👍🏼！我一開頭仲好擔心話我去到沙灘整污糟件衫嘅話會收額外清洗費，因為我啲friend都試過，但佢係叫我放膽咁去做啲動作，唔使擔心整污糟件衫，佢哋完全唔介意，我真係整到件衫浸晒海水，又全部都係沙佢都冇收extra fee，令我影嗰時都好放膽。😝仲有一個位好抵讚，因為其實我哋淨係join咗Pre-Wedding嘅package，但佢唔單止主動搵我地，重直情同我地講如果我哋有其他關於婚禮嘅問題可以幫到我地手解答嘅，佢哋都好樂意去解答。 雖然我哋嘅風格未必係佢哋好熟悉嘅範疇，但係出到嚟嘅效果真係睇到係佢哋最好嘅水準！同埋最尾揀相嗰陣時呢，佢問完我哋budget，直情係叫我地唔好揀咁多，幫我哋諗埋邊啲相其實可以唔要，可以cut，唔會hardsell、迫我哋消費，好有良心！👍🏼👍🏼👍🏼 同埋我哋最終影咗兩日whole day因為第一日落雨，佢都只係收我多我哋＄3000，extend多一日，但唔會話有其他額外收費！其實真係好好，不但質素好又有良心，服務態度又好，所以真係值得一試！