其實一開始都對呢方面無乜概念🤔就決定去婚展尋覓吓方向，當時喺婚展都坐低過幾間比人sell過，但唯獨係去到Chris Ling嗰陣睇到佢哋嘅style都係我哋想要嘅風格，即係比較有趣、符合我哋個性，比較personalised🤓我哋自己又唔係好影相😥唔識分話邊啲相係靚啲，但Chris Ling比我哋嘅package就sell 故事性，唔係好似其他公司咁會sell一式一樣嘅嘢比人聽，喺傾傾吓嘅時候都好快get到我哋想要乜，所以我哋就決定join咗佢哋個pre-wedding package。 最後我哋就去咗幾個地方(龍舟、拳館、機場跑道、電單車)，suppose我哋應該要一日搞掂，但好唔好彩嗰日就落紅雨，朝早嗰陣毛毛雨佢都有問我哋會唔會想改期，但因為我哋影龍舟要夾埋班friend又要特登book船拖龍舟，所以我哋唔想再改日子因為真係好難再夾，攝影師Andrew都好尊重我哋嘅決定照樣去馬，結果好好彩喺海上面嘅shot都ok。但去到另一個地點嗰陣就真係好大雨，攝影師一見細雨就叫我哋出去影，真係好熱心，但可惜嘅係其實嗰個人都濕哂，好難影落去，所以最後都係腰斬，揀過第日。講真呢個位真係好抵讚，因為我哋做開運動面對橫風橫雨都頂得順，但啲攝影師化妝師都陪我哋頂落去，其實我見個化妝師佢都頭暈😨(因為我哋影海上龍舟shot佢要坐快艇，但佢都盡能力去完成佢個job👍🏼)。Andrew自己都講過佢係第一次影龍舟，但佢都好passionate，佢自己都覺得好有趣，好熱衷好想試😄雖然一開始佢聽到我哋個idea嗰陣好似無乜反應，但直至當日佢拎起相機嗰刻好似變咗個人咁，原來佢一直唔聲唔聲，其實一路都將我哋嘅要求放上心，所以之後睇到成品其實都meet到我哋嘅expectation，尤其係電單車嗰part。同埋佢一開始影嘅時候我哋都係跟佢指示，但出嚟個成品我哋睇得出原來攝影師叫我哋做每個動作都係佢有構思過，仲要拼到一個故事出嚟，係我哋完全無expect過嘅嘢，呢個位真係好surprised！😍 另外化妝方面，化妝師Fanny好welcome去接受我哋嘅意見，講到明有乜唔中意要即刻講，同埋同Fanny相處都好舒服，佢好識觀察人，如果佢feel到我好攰就會比我抖，如果feel到我想同人講嘢都會同我傾計，十分貼心！😍 衫嗰方面，當時係Yuki負責嘅，佢好快get到我哋想要嘅款，一個鐘都唔洗就搞掂！Yuki都會比好多functional 同 practical嘅提議我哋，例如邊件著上身去影邊個景會方面啲咁。加上佢哋啲衫quality好好，著上身又舒服，款又多，真係好正👍🏼！我一開頭仲好擔心話我去到沙灘整污糟件衫嘅話會收額外清洗費，因為我啲friend都試過，但佢係叫我放膽咁去做啲動作，唔使擔心整污糟件衫，佢哋完全唔介意，我真係整到件衫浸晒海水，又全部都係沙佢都冇收extra fee，令我影嗰時都好放膽。😝仲有一個位好抵讚，因為其實我哋淨係join咗Pre-Wedding嘅package，但佢唔單止主動搵我地，重直情同我地講如果我哋有其他關於婚禮嘅問題可以幫到我地手解答嘅，佢哋都好樂意去解答。 雖然我哋嘅風格未必係佢哋好熟悉嘅範疇，但係出到嚟嘅效果真係睇到係佢哋最好嘅水準！同埋最尾揀相嗰陣時呢，佢問完我哋budget，直情係叫我地唔好揀咁多，幫我哋諗埋邊啲相其實可以唔要，可以cut，唔會hardsell、迫我哋消費，好有良心！👍🏼👍🏼👍🏼 同埋我哋最終影咗兩日whole day因為第一日落雨，佢都只係收我多我哋＄3000，extend多一日，但唔會話有其他額外收費！其實真係好好，不但質素好又有良心，服務態度又好，所以真係值得一試！

因為我老公喺籌備嗰陣問過佢身邊準備結婚嘅friend，而其中一個suggest 過Chris Ling，所以去到會展見到Chris Ling就對佢哋有好深印象。 當日傾嗰陣就已經決定join佢哋全日big day套餐，包括攝影、化妝同租衫。喺婚展當日同我傾嘅就係個新加坡同事同埋香港同事Yuki，佢哋喺sell我嗰陣就唔係好hardsell嘅，因為新加坡個同事佢嘅廣東話唔係咁好，所以佢講嘢都較慢，但你會feel到佢講嘢好誠懇同埋真摯👍🏻👍🏻👍🏻👍🏻 有時其他公司會講哂所有package比你聽想吸引你落單，但Chris Ling就會好詳細咁介紹返佢哋影相嘅流程同埋比我哋睇吓佢big day嘅相簿，因為我揀嘅婚禮場地較少人去，我特登問佢哋有無喺我擺酒嗰間酒店影，佢哋話有，仲比咗啲相我睇，我睇啲相簿嘅feel就覺得好靚同埋係我想呈現嘅形象(比較清、寫實，唔會太p圖)，同埋個相簿裏面個新娘個妝好清雅✨係我想要嘅風格，所以我就決定join埋佢哋big day化妝。

當要交相去整童年video嗰陣，Chris Ling好主動咁提我哋去交相。同埋因為一直都係Yuki負責同我哋聯絡，如果我有乜想問要whatsapp佢，佢都會即日覆到我😆😆 佢哋個個staff都好好👍🏻👍🏻就算我去試禮服同褂，佢哋每一個staff都會好幫得手，例如會say hi呀、幫手著衫呀咁，唔會話好似淨係得跟開我嘅職員先會理我，睇得出佢哋嘅teamwork同埋工作氣氛好好😊仲睇得出佢哋會對每個客好上心，尤其Yuki，佢好記得每個客講過啲咩，我一月嗰陣上去同佢傾過嘅嘢到三月上返去試衫佢都recall到出嚟，連我老公都好surprised！ big day當日我自備咗個好bling bling嘅頭冠，咁化妝師Fanny即刻知道咗我中意bling bling嘅style😋😋佢即刻準備多幾個比我。當Fanny問我有無對化妝有乜preference嗰陣，因為我唔想煩同埋相信佢哋嘅專業就交比佢哋做決定，最後唔單止用高清噴妝令個妝hold到全日，同埋佢哋最尾化出嚟嘅妝都好啱我心意。😍😍😍😍

攝影師方面，當日就有兩個攝影師一個video同埋helpers，個leader就叫Sam，Sam佢好細心，除咗成隊crew跟得好足之外，有一個位就係我當時証婚嘅時候有少少眼濕濕😨Sam喺佢嘅鏡頭裏面發現我眼濕濕嘅時候，佢快過我老公、酒店負責人，即刻叫我姊妹遞張紙巾比我。睇得出Sam佢好細心，睇到啲咁細微嘅位，同埋反映出佢好有經驗。👍🏻 仲有另一位負責影snapshot就由Yuki推介，最後影出嚟真係好靚！佢哋不論係video又好snapshot都好，佢哋會lead住我哋去做動作，同埋講解都好清晰，連爸爸媽媽一聽都知自己要做咩動作！😝 仲記得嗰日屯門出門係落雨，下晝返淺水灣就天晴，無expect過佢哋會喺早拍夜播嗰陣將落雨至天晴嘅timeline表現哂出嚟，佢哋嘅心思真係好特別，加埋個天氣喺段片度，之後睇返條片都bigday當日嘅經歷replay一次咁。 當中其實有啲位都令我好擔心，因為我連rundown都係交比Yuki傾，咁所以我喺bigday之前其實係無同過攝影師傾過我想影嘅style係點，當時都好質疑同埋擔心攝影師會唔會跟到我嘅rundown，但最後當然成果令我好滿意！💖

同時間我喺佢哋Mayona嗰度租咗裙褂、媽媽同奶奶嘅晚裝，上去試褂嗰陣其實佢連褂后都有比我試過，但Yuki唔會話特別因為租褂后貴啲去push我去租，反而佢知我中意blingbling，幫我揀咗個紅底水晶褂，真係超中我心意！同時間我喺睇吓啲裙嗰陣見到啲媽媽裙都幾靚，所以就決定join埋佢個package。你知媽媽奶奶揀衫都可能有唔同要求，未必真係會揀到，但yuki好識甜言蜜語😚😚當奶奶擔心啲衫唔啱身會顯肥同埋露手脾肉嗰陣，Yuki即刻話可以幫佢改，令到奶奶都好滿意，亦令我省去咗好多哄媽媽奶奶嘅時間，真係因為Yuki減少咗我好多煩惱！😭😭😭😭多謝Chris Ling帶比我一個咁好嘅體驗！💕💕