我係會展到周圍睇，發現間間嘅拍攝方法都差唔多，但係我留意到Chris Ling佢地有本相簿好靚，然後發現佢地D video都好靚，咁啱果個project係一個澳門project, 又係係教堂，同我想搵嘅野差唔多，又係教堂主題，所以我覺得佢地應該係拍教堂做主題呢方面會好靚，所以就搵咗佢地。佢地嘅團隊好有禮貌，例如Andrew 同埋Yuki，都好nice。其實我自己都無咩特別要求，因為我都知道每一個團隊都有佢嘅方法，如果我格硬去改變，可能出到嚟嘅效果就唔係我一開頭睇果樣野。所以我都無特別要求，只係俾咗一D我地自己嘅諗法，同埋我想點樣拍嘅一D參考資料佢地睇，如果佢覺得岩，佢就可以用。我覺得同佢地開會嘅時候，佢地都幾有禮貌，而且都樂意聽意見，願意接納，溝通得好好，好smooth。我地拍之前見過一次，到Big Day拍攝當日佢地都好好，好專業，同埋佢地個人都好nice。婚禮當日我比較忙，無點留意佢地，但係事後睇返D相，覺得佢地捕捉個角度，或者每一個人嘅表情都係好好，個感覺都係好好💖。當日嘅早拍晚播都令我好滿意，不但好快完成到，出到嚟都好靚，同我預期一樣，剪得好好👍🏼。影大合照我覺得佢地攞角度或者係叫人去影都好快好efficient，而且佢地都好有耐性，因為有時有D嘉賓會唔知係到做咩，有D慢，佢地都會好有耐性好有禮貌咁樣安排。big day後，佢地話3個月內會有相，咁佢地都真係三個月內俾到相我地，十分準時😇。

覺得Chris Ling嘅相幾啱我哋style，唔太浮誇，走自然路線。同埋想影一輯香港嘅studio相，就join左佢哋嘅pre-wedding攝影，影完pre-wedding覺得好好就搵佢哋影埋big day😛佢哋所有staff都非常nice，化妝化到我好似女神咁，同平時氣質完全唔同，化完出嚟亦唔浮誇😍！最surprise係揀相時覺得張張都好靚👍🏻！服裝方面選擇多，又會提供意見畀我哋。我哋想影到自然、復古嘅味道，出嚟完全係我哋想要嘅效果！由落訂、試衫、影相，成個感覺好舒服，好快手、smooth，成個團隊好好人，又無特別限制。佢哋studio場景選擇好多，有四個：生活、韓風、花園、復古。Pre-wedding影出嚟好靚，攝影師同我講未執，但效果已經好似執完咁靚，好識就角度影到我好瘦😝！Big Day我哋有指定想影到兩張相，佢哋完全影到個feel！當日我哋有少少delay，佢哋完全冇黑面、發脾氣，好配合！Cloris係由頭跟到落尾嘅職員，好貼心，提醒我哋各種事項。佢哋所有職員都好真心，完全唔會有想搵你笨嘅感覺。攝影師Andrew影到唔洗P都已經好靚！