嗰陣時係睇緊pre wedding，我自己除左budget外，最主要就係睇風格，我先生就無咩所謂。Chris Ling 係我想要嘅風格，諗住試下，同埋本身我係一個好怕煩嘅人，見啲風格同埋啲衫選擇都ok，所以我一聽完佢地介紹，一join就係一條龍 😆我啲朋友話我有啲搏，佢地覺得影完pre wedding 覺得OK先再join返都得，同埋如果影完覺得唔好，但已經join左一條龍就會好麻煩🙈咁我嗰陣覺得Chris Ling嘅風格都係我想要嘅野，應該唔會差太遠，所以就無諗咁多😂 咁佢地服務係幾好，跟得幾足同快，我想要咩風格同埋時間佢地都會盡量就我。我記得嗰陣諗住早少少影，但係嗰排天氣唔好，大霧，我地改左期，佢都好快幫我地改到時間。

我地係香港🇭🇰影相嘅，本身無做視察，純粹睇左啲相，同埋我地傾過個構圖，就諗左啲地點。佢地做左功課，一去到就好快搵到啲角度，叫我地可以喺邊度影，又真係我想要嘅效果。同埋我鍾意佢地以講故事嘅形式，佢同我地傾計會問我地嘅愛情故事係點，我覺得其他公司可能就會比較商業化啲，standardised d。我見D相出黎好表達到感情，因為係based on 我地嘅愛情故事。我地識左好耐，但係拍拖好短時間就結婚，佢就將我地第一次約會嗰期嘅相用左黑白色，因為嗰部分係past，變左好似講故事咁樣，呢樣野係我睇相時幾surprised嘅，我都估唔到佢會用個形式去講個故事出黎👍🏻

我地揀左中上環荷利活道、廟街、同埋我朋友一間餐廳。廟街係我地第一次拍拖嘅地方，但我地主要影嘅地方其實都係港島，佢地又唔會限你只可以影兩至三個地點，又唔會話九龍就唔去，呢樣野都有啲surprising 😙 同埋我地仲有影埋studio, 所以嗰日都影到幾夜，真係一個whole day。 我諗我地攰之餘，佢地都好厲害👍🏻！ Big day 同pre wedding 係同一個攝影師，佢好好，個人就係靜啲嘅，但會默默耕耘，出黎都係我想要嘅效果。

Chris Ling 嘅 follow up都ok，幾主動去搵我地傾，好似最近我地開始收埋big day 相，佢都會提下我地，唔係完左就完左咁，我覺得係無揀錯！💕 衫同化妝我都覺得好好！big day 我就覺得深刻啲嘅。我進左場，啲老人家、朋友、全部都覺得我啲衫好新淨好靚，同埋有好多款，好突出到我😛 我揀左一套粉紅色泡泡袖晚裝，敬酒就後面大露背，褂無咩特別，係大五福嗰種。我先生個套都ok嘅，但係主角唔係男仔嘛😂 我啲姊妹都話我啲頭飾或者衫好少見同咁新淨，個妝都襯我，唔會好誇張，認唔到我，所以我幾開心😍！Pre wedding嘅衫係自己揀，有佢嘅衫亦都有我自己嘅衫，我覺得都ok嘅。化妝方面其實係無得試妝，pre wedding出黎覺得ok，big day係另一個妝，又出奇地個個都讚好ok，佢地都surprised 我係完全無試過妝！

老實講，Chris Ling 唔算係最平，我見過出面有平啲嘅選擇，但係第一，我好鍾意Chris Ling 嘅風格，第二就係雖然佢貴，但個效果好好！當時係我自己去揀prewedding，我先生無同我去，有時女仔就係嗰下直覺同埋衝動，加上嗰陣又揀埋一條龍，我依家都覺得我係揀得岩，個效果好滿意！💕 佢地算係咁，唔係特別平，但俾返相對嘅服務我地。因為我地係年頭，佢地都係好忙嘅時間，如果production時間可以再快啲就更好喇，不過我知好多間都係standard 3個幾月嘅🙈係我心急，同埋老人家又會催下！睇返真係好開心，因為嗰日我地做左紀錄，係好多好好嘅回憶。開頭我係唔想搞擺酒，我唔鍾意中式，又覺好煩，但係出到黎big day雖然真係好忙，但係睇返啲相覺得係好美好嘅回憶。

朋友介紹Chris Ling俾我地， 主要跟進我個staff係Yuki，咁我唔係一個好有主見嘅人，所以prewedding要揀地方嗰陣，問我D地方要點樣搭去、點樣先方便，或者影咩地方，我真係一頭霧水，因為都真係唔知可以或者應該由邊到開始去揀起。所以Yuki佢好nice，真係俾左好多意見我點樣行會比較好😌 佢又問我想影D咩，我想要有D樹林，有水，咁佢就建議左好多地方俾我地。同埋佢介紹嗰個化妝師Fanny，我化完個妝真係覺得好靚😍同埋攝影師Andrew 影相都影到我地想要嗰個感覺，雖然一開始同佢講想要係好憑空，但係佢都做到，未執相之前已經係我地想要嗰個感覺，好surprised同好鍾意！

我地係揀左喺山頂公園同埋迪欣湖影prewedding，化妝師當日係超級快手！因為我頭髮係幼髦毛，本身有時會有D演出項目，D髮型師set頭真係set左幾個鐘都搞唔掂，但係Fanny好快幫我整到👏🏼 同埋我有鴛鴦眼，一隻單眼皮，一隻雙眼皮，Fanny都執到兩隻眼一模一樣，我就覺得佢真係好得! 仲有我唔係好識笑，但係Andrew都有辦法令我地笑得好自然，同埋影出黎真係好靚，想要有文青有文青，想要浪漫有浪漫！我覺得人地好辛苦先可以擺到嗰D pose，Andrew都guide得好好，咁就搞掂左！

排版嗰個姐姐都排得好好，D相點樣左右對稱，或者空白位置我想擺D文字，佢都幫我揀左好多好浪漫嘅英文句子，等我可以fit哂D空白位。另外佢地執相好快，我仲睇左兩次稿😌 因為我個身有D疤痕，佢都執得好多同執得好好！我最鍾意佢地個身型唔會執得太多，唔會執到同我真人完全唔同，同埋佢會講有邊D可以執，邊D位唔可以執太多咁😙 揀相嗰度，雖然人有三心兩意，但佢地都俾左好多guidance話我知點樣揀，點樣先為之一set，同點排版會好D，佢地都會教到我，係好有經驗😍

 因為我地嘅prewedding經驗實在太好，所以big day佢地都係我地不二之選！最好係有一條龍服務，衫、化妝、攝影都有，講得衰D，我擺低錢就可以解決哂所有嘅野😝因為我之前都睇過有D地方，可能衫你好滿意，但係影相你唔滿意，或者有時會調返轉，但係Chris Ling每一個部分我都滿意，咁樣嘅選擇真係唔多! 佢D衫真係好靚，同埋update得好快，每季都有新款出！我安排結婚嘅時間都比較耐，有成年時間，每季都會想去試下衫，所以有好多update嘅款我可以不停揀😝  佢最後先會firm你要邊條裙係big day著，呢個係我好鍾意嘅位，可以換款😙 我原本諗嗰幾款裙，著左上去真係一D都唔靚，最後尾我係轉哂我覺得著上身會瘦小小嘅款。試身每一次都唔同姐姐，但係佢地會唔怕煩，因為有D公司真係會話：「你試咁多套，係咪路架？」但係Chris Ling嘅staff 都ok，無話唔耐煩、唔想或者唔俾你去試 👍🏻 因為我個人真係無咩決斷能力，要試多幾件先知自己想點😝 佢地都會俾好多意見我，例如露肩定唔露肩、或者露幾多、或者尺寸咩size、又會教埋我點樣會舒服D、入面應該要著girdle定係nubra會靚D等等。佢又會提埋我換衫嗰陣就要做埋呢樣野，咁我就唔使諗咁多。

我最鍾意佢地Big Day photography嗰度，我D姊姊其實唔係咁識講野，斟茶嗰D程序其實大家都係唔係咁清楚。當我D姊妹唔知要講咩嗰陣，佢地其中一個攝影師同埋一個videographer都會講D好吉利說話幫我地兜返，又可以氹下D老人家！我地寫左rundown，邊個時候要做D咩咁，佢地真係提到又幫到我地好多！👍🏻早拍晚播好感動，影片質素全部都好好，我好鍾意佢用故事形式去講哂我地相識到結婚嗰日中間係點樣，我地都覺得好窩心💕